ඇමරිකාවේ ටෙක්සාස් ප්රාන්තයේ පාසලක වෙඩි තැබීමක්
ඡායාරූප මූලාශ්රය, TWITTER/ @HCSOTEXAS
ඇමරිකාවේ ටෙක්සාස් ප්රාන්තයේ පාසලක සිදු වූ වෙඩි තැබීමකින් දස දෙනෙකු පමණ මියගොස් ඇති බව ප්රදේශයේ ෂෙරිෆ්වරයා පවසයි.
ටෙක්සාස් ප්රාන්තයේ සැන්ටා ෆේ (Santa Fe)උසස් විද්යාලයේ හටගත් සිද්ධිය සම්බන්ධයෙන් එක් පුද්ගලයෙක් අත්අඩංගුවට ගෙන ඇත.
පාසල ආරම්භ කරන අවස්ථාවේ සිදු වූ මෙම වෙඩි තැබීමෙන් තවත් පිරිසක් තුවාල ලබා ඇත.
වෙඩි තැබීම සිදු කර ඇත්තේ සිසුවෙක් විසින්ද යන්න තවමත් පැහැදිලි නැති අතර, එහිදී කෙතරම් පිරිසක් මියගියේ ද යන්න පොලිසිය තහවුරු කර නැත.
ගින්නක් පිළිබඳ අනතුරු ඇඟවීමේ සංඥාව ක්රියාත්මක වීමත් සමග මෙම වෙඩි තැබීම සිදු වී ඇත. නමුත් එම අනතුරු ඇඟවීමේ සංඥා ක්රියාත්මක වූයේ කෙසේදැයි පැහැදිලි නැත.
මෙම ලිපියේ X විසින් සපයන ලද අන්තර්ගතයන් අඩංගු වේ. ඔවුන් කුකීස් සහ වෙනත් තාක්ෂණයන් භාවිතා කරන නිසා, ඒ කිසිවක් පූරණය වීමට පෙර අපි ඔබගේ අවසරය ඉල්ලා සිටිමු. එයට අවසරදීමට පෙර ඔබට X කුකී ප්රතිපත්තිය සහ රහස්යතා ප්රතිපත්තිය කියවීමට අවශ්ය විය හැකි ය. මෙම අන්තර්ගතය බැලීමට 'පිළිගෙන ඉදිරියට යන්න' තෝරන්න.
End of X post
බෝම්බ නිශ්ක්රීය අංශය එම ස්ථානයට පැමිණ ඇති අතර, හෙලිකොප්ටර් සහ ගිලන් රථවලින් තුවාලකරුවන් රෝහලට රැගෙන යනු දැකිය හැකිය.
"ටෙක්සාස් ප්රාන්තයේ පාසලක වෙඩි තැබීමක්. එහි තත්වය නරක බව මුලින් ලැබුණ වාර්තා අනුව පෙනී යනවා. සියලු දෙනාටම දෙවියන්ගේ පිහිටයි!" යනුවෙන් ජනාධිපති ට්රම්ප් ට්විටර් පණිවිඩයක් නිකුත් කරමින් පවසයි.
මේ තොරතුරුද කියවන්න:
