ਸੀਆਈਏ: ਅਮਰੀਕੀ ਖ਼ੁਫ਼ੀਆ ਏਜੰਸੀ ਦੇ ਗੁਪਤ ਅਜਾਇਬਘਰ ਵਿਚ ਕੀ-ਕੀ ਰੱਖਿਆ ਗਿਆ ਹੈ
ਤਸਵੀਰ ਸਰੋਤ, Pool/Getty Images
- ਲੇਖਕ, ਗੋਰਡਨ ਕੋਰੈਰਾ
- ਰੋਲ, ਬੀਬੀਸੀ ਪੱਤਰਕਾਰ, ਵਰਜੀਨੀਆ
ਸ਼ਾਇਦ ਇਹ ਦੁਨੀਆ ਦਾ ਸਭ ਤੋਂ ਅਸਾਧਾਰਨ ਅਤੇ ਨਿਵੇਕਲਾ ਅਜਾਇਬ ਘਰ ਹੈ । ਭਾਵੇਂ ਇਹ ਇਤਿਹਾਸ ਨੂੰ ਰੂਪ ਦੇਣ ਵਾਲੀਆਂ ਕਲਾਕ੍ਰਿਤੀਆਂ ਨਾਲ ਭਰਿਆ ਹੋਇਆ ਹੈ ਪਰ ਇਸ ਦੇ ਦਰਵਾਜ਼ੇ ਆਮ ਲੋਕਾਂ ਲਈ ਬੰਦ ਹਨ।
ਇਹ ਉਹ ਥਾਂ ਹੈ, ਜਿੱਥੋ ਕੋਈ ਆਉਣ ਵਾਲਾ ਵਿਆਕਤੀ ਸੱਦਾਮ ਹੁਸੈਨ ਦੀ ਚਮੜੇ ਦੀ ਜੈਕਟ ਦੇ ਕੋਲ ਓਸਾਮਾ ਬਿਨ ਲਾਦੇਨ ਦੀ ਮੌਤ ਸਮੇਂ ਮਿਲੀ ਬੰਦੂਕ ਨੂੰ ਦੇਖ ਸਕਦਾ ਹੈ।
ਸੀਆਈਏ ਦੇ ਗੁਪਤ ਅਜਾਇਬ ਘਰ ਵਿੱਚ ਤੁਹਾਡਾ ਸੁਆਗਤ ਹੈ।
ਏਜੰਸੀ ਦੀ 75ਵੀਂ ਵਰ੍ਹੇਗੰਢ ਮੌਕੇ ਇਸ ਦਾ ਨਵੀਨੀਕਰਨ ਕੀਤਾ ਗਿਆ ਹੈ। ਵਰਜੀਨੀਆ ਦੇ ਲੈਂਗਲੇ ਵਿੱਚ ਇਹ ਯੂਐੱਸ ਖੁਫੀਆ ਏਜੰਸੀ ਦੇ ਹੈੱਡਕੁਆਰਟਰ ਅੰਦਰ ਬਣਿਆ ਹੋਇਆ ਹੈ।
ਬੀਬੀਸੀ ਸਮੇਤ ਪੱਤਰਕਾਰਾਂ ਦੇ ਇੱਕ ਛੋਟੇ ਸਮੂਹ ਨੂੰ ਇੱਕ ਵਿਸ਼ੇਸ਼ ਮੌਕੇ ਤਹਿਤ ਇੱਥੇ ਜਾਣ ਦਿੱਤਾ ਗਿਆ, ਪਰ ਸੁਰੱਖਿਆ ਕਰਮੀ ਲਗਾਤਾਰ ਉਹਨਾਂ ਨਾਲ ਸਨ।
ਤਸਵੀਰ ਸਰੋਤ, Central Intelligence Agency
ਉੱਥੇ ਪਈਆਂ 600 ਕਲਾਕ੍ਰਿਤੀਆਂ ਵਿੱਚ ਸ਼ੀਤ ਯੁੱਧ ਦੇ ਜਾਸੂਸੀ ਯੰਤਰਾਂ ਕਈ ਦੀਆਂ ਕਿਸਮਾਂ ਹਨ।
ਇਹਨਾਂ ਵਿੱਚ ਇੱਕ 'ਮਰਿਆ ਹੋਇਆ ਚੂਹਾ' ਜਿਸ ਵਿੱਚ ਸੁਨੇਹੇ ਲੁਕਾਏ ਜਾ ਸਕਦੇ ਹਨ, ਇੱਕ ਸਿਗਰਟ ਦੇ ਪੈਕੇਟ ਦੇ ਅੰਦਰ ਇੱਕ ਗੁਪਤ ਕੈਮਰਾ, ਇੱਕ ਕਬੂਤਰ ਜਿਸ ਦਾ ਆਪਣਾ ਜਾਸੂਸੀ-ਕੈਮਰਾ ਹੈ ਅਤੇ ਇੱਥੋਂ ਤੱਕ ਕਿ ਇੱਕ ਧਮਾਕਾਖੇਜ਼ ਮਾਰਟਿਨੀ ਗਲਾਸ ਸ਼ਾਮਿਲ ਹੈ।
ਇਸ ਦੇ ਨਾਲ ਹੀ ਸੀਆਈਏ ਦੇ ਕੁਝ ਵਧੇਰੇ ਮਸ਼ਹੂਰ ਕੰਮਾਂ ਅਤੇ ਹਾਲ ਹੀ ਦੀਆਂ ਕਾਰਵਾਈਆਂ ਦੇ ਵੇਰਵੇ ਵੀ ਹਨ।
- ਇਹ ਹੈ ਸੀਆਈਏ ਦਾ ਗੁਪਤ ਅਜਾਇਬ ਘਰ।
- ਇਹ ਲੈਂਗਲੇ, ਵਰਜੀਨੀਆ ਵਿੱਚ ਯੂਐੱਸ ਖੁਫੀਆ ਏਜੰਸੀ ਦੇ ਹੈੱਡਕੁਆਰਟਰ ਅੰਦਰ ਸਥਿਤ ਹੈ।
- ਏਜੰਸੀ ਦੀ 75ਵੀਂ ਵਰ੍ਹੇਗੰਢ ਦੇ ਮੌਕੇ ਇਸ ਦਾ ਨਵੀਨੀਕਰਨ ਕੀਤਾ ਗਿਆ ਹੈ।
- ਉੱਥੇ ਪਈਆਂ 600 ਕਲਾਕ੍ਰਿਤੀਆਂ ਵਿੱਚ ਸ਼ੀਤ ਯੁੱਧ ਦੇ ਜਾਸੂਸੀ ਯੰਤਰਾਂ ਕਈ ਦੀਆਂ ਕਿਸਮਾਂ ਹਨ।
- ਸੱਦਾਮ ਹੁਸੈਨ ਦੀ ਚਮੜੇ ਦੀ ਜੈਕਟ ਦੇ ਕੋਲ ਓਸਾਮਾ ਬਿਨ ਲਾਦੇਨ ਦੀ ਮੌਤ ਸਮੇਂ ਮਿਲੀ ਬੰਦੂਕ ਨੂੰ ਦੇਖ ਸਕਦਾ ਹੈ।
- ਭਾਵੇਂ ਇਹ ਇਤਿਹਾਸ ਨੂੰ ਰੂਪ ਦੇਣ ਵਾਲੀਆਂ ਕਲਾਕ੍ਰਿਤੀਆਂ ਨਾਲ ਭਰਿਆ ਹੋਇਆ ਹੈ ਪਰ ਇਸ ਦੇ ਦਰਵਾਜ਼ੇ ਆਮ ਲੋਕਾਂ ਲਈ ਬੰਦ ਹਨ।
ਅਹਾਤੇ ਵਿੱਚ ਸਕੇਲ ਮਾਡਲ ਵੀ ਪਿਆ ਹੈ, ਜਿਸ ਵਿੱਚ ਪਾਕਿਸਤਾਨ ਸਥਿਤ ਓਸਾਮਾ ਬਿਨ ਲਾਦੇਨ ਦੀ ਖੋਜ ਕੀਤੀ ਗਈ ਸੀ।
ਸਾਲ 2011 ਵਿੱਚ ਅਲ-ਕਾਇਦਾ ਦੇ ਆਗੂ ਨੂੰ ਮਾਰਨ ਤੋਂ ਪਹਿਲਾਂ ਮਨਜ਼ੂਰੀ ਦੇਣ ਲਈ ਰਾਸ਼ਟਰਪਤੀ ਓਬਾਮਾ ਨੂੰ ਇੱਕ ਮਾਡਲ ਦਿਖਾਇਆ ਗਿਆ ਸੀ।
ਮਿਊਜ਼ੀਅਮ ਦੇ ਡਾਇਰੈਕਟਰ, ਰੌਬਰਟ ਜ਼ੈਡ ਬਾਇਰ ਦੱਸਦੇ ਹਨ, "3D ਵਿੱਚ ਚੀਜ਼ਾਂ ਦੇਖਣ ਯੋਗ ਹੋਣ ਨਾਲ ਅਸਲ ਵਿੱਚ ਨੀਤੀ ਨਿਰਮਾਤਾਵਾਂ ਨੂੰ ਮਦਦ ਹੋਈ... ਨਾਲ ਹੀ ਸਾਡੇ ਓਪਰੇਟਰਾਂ ਨੂੰ ਮਿਸ਼ਨ ਦੀ ਯੋਜਨਾ ਬਣਾਉਣ ਵਿੱਚ ਵੀ ਮਦਦ ਮਿਲੀ।"
ਇਸ ਸਾਲ 30 ਜੁਲਾਈ ਨੂੰ ਅਫ਼ਗਾਨਿਸਤਾਨ ਦੀ ਰਾਜਧਾਨੀ ਕਾਬੁਲ ਵਿੱਚ ਇੱਕ ਅਮਰੀਕੀ ਮਿਜ਼ਾਈਲ ਨੇ ਇੱਕ ਹੋਰ ਕੰਪਲੈਕਸ ਨੂੰ ਨਿਸ਼ਾਨ ਬਣਾਇਆ ਸੀ।
ਤਸਵੀਰ ਸਰੋਤ, Central Intelligence Agency
ਇਸ ਵਾਰ ਨਿਸ਼ਾਨਾ ਅਲ-ਕਾਇਦਾ ਦਾ ਨਵਾਂ ਨੇਤਾ ਅਯਮਨ ਅਲ-ਜ਼ਵਾਹਿਰੀ ਸੀ।
ਹੁਣ ਐਲਾਨ ਕੀਤਾ ਗਿਆ ਹੈ ਸਭ ਤੋਂ ਤਾਜ਼ਾ ਪ੍ਰਦਰਸ਼ਨੀ 1 ਜੁਲਾਈ 2022 ਦੀ ਸੀ, ਜੋ ਰਾਸ਼ਟਰਪਤੀ ਜੋਅ ਬਾਇਡਨ ਨੂੰ ਸੰਖ਼ੇਪ ਜਾਣਕਾਰੀ ਦੇਣ ਲਈ ਵਰਤੇ ਗਏ ਇੱਕ ਮਾਡਲ ਦੀ ਸੀ।
ਜਵਾਹਿਰੀ ਨੂੰ ਬਾਲਕੋਨੀ ਤੋਂ ਮਾਰਿਆ ਗਿਆ ਸੀ। ਇਹ ਕਾਰਵਾਈ ਅਮਰੀਕੀ ਖੁਫੀਆ ਅਧਿਕਾਰੀਆਂ ਨੇ ਉਸ ਦੀਆਂ ਹਰਕਤਾਂ ਦਾ ਅਧਿਐਨ ਕਰਨ ਲਈ ਕਈ ਮਹੀਨੇ ਬਿਤਾਏ ਜਾਣ ਤੋਂ ਬਾਅਦ ਕੀਤੀ ਸੀ।
ਇਹ ਵੀ ਪੜ੍ਹੋ-
ਬਾਇਰ ਕਹਿੰਦੇ ਹਨ, "ਇਹ ਦੱਸਦਾ ਹੈ ਕਿ ਅੱਤਵਾਦ ਵਿਰੋਧੀ ਅਧਿਕਾਰੀ ਨਿਸ਼ਾਨੇ (ਜਿਸ ਉੱਤੇ ਹਮਲਾ ਕਰਨਾ ਹੋਵੇ) ਦੇ ਜੀਵਨ ਨੂੰ ਕਿਵੇਂ ਦੇਖਦੇ ਹਨ।"
ਅਜਾਇਬ ਘਰ ਦਾ ਪਹਿਲਾ ਅੱਧ ਸੀਆਈਏ ਦੀ ਸ਼ੁਰੂਆਤ ਤੋਂ ਲੈ ਕੇ 1947 ਵਿੱਚ ਸ਼ੀਤ ਯੁੱਧ ਤੱਕ ਹੈ।
ਇਸ ਦੇ ਨਾਲ ਹੀ 11 ਸਤੰਬਰ 2001 ਦਾ ਹਮਲਾ ਅਤੇ ਕੁਝ ਲੋਕਾਂ ਵੱਲੋ ਦਾਨ ਕੀਤੀਆਂ ਚੀਜ਼ਾਂ ਨੂੰ ਵੀ ਪ੍ਰਦਰਸ਼ਿਤ ਕੀਤਾ ਗਿਆ ਹੈ।
ਆਮ ਤੌਰ 'ਤੇ ਅਜਾਇਬ ਘਰ ਵਿੱਚ ਆਉਣ ਵਾਲੇ ਦਰਸ਼ਕ ਸੀਆਈਏ ਦਾ ਆਪਣਾ ਸਟਾਫ਼ ਅਤੇ ਅਧਿਕਾਰਤ ਅਫ਼ਸਰ ਹੀ ਹਨ।
ਇਹ ਸਿਰਫ਼ ਸਫਲਤਾ 'ਤੇ ਧਿਆਨ ਨਹੀਂ ਦਿੰਦੇ। ਇਸ ਦੇ ਇੱਕ ਭਾਗ ਵਿੱਚ ਬੇਅ ਆਫ਼ ਪਿੰਗਜ਼ ਦਾ ਹੈ
ਤਸਵੀਰ ਸਰੋਤ, Central Intelligence Agency
ਜੋ ਕਿਊਬਾ ਵਿੱਚ ਫਿਦੇਲ ਕਾਸਤਰੋ ਦਾ ਤਖ਼ਤਾ ਪਲਟਾਉਣ ਲਈ ਇੱਕ ਸੀਆਈਏ ਦਾ ਅਸਫ਼ਲ ਮਿਸ਼ਨ ਸੀ।
ਇਸ ਦੇ ਨਾਲ ਹੀ ਇਰਾਕ ਵਿੱਚ ਵਿਆਪਕ ਤਬਾਹੀ ਦੇ ਹਥਿਆਰਾਂ ਨੂੰ ਲੱਭਣ ਦੇ ਅਸਫ਼ਲਤਾ ਦੇ ਹਵਾਲੇ ਵੀ ਹਨ।
ਬੇਅਰ ਕਹਿੰਦੇ ਹਨ, "ਇਹ ਅਜਾਇਬ ਘਰ ਸਿਰਫ਼ ਇਤਿਹਾਸ ਦੀ ਖ਼ਾਤਰ ਇੱਕ ਅਜਾਇਬ ਘਰ ਨਹੀਂ ਹੈ। ਇਹ ਇੱਕ ਸੰਚਾਲਨ ਅਜਾਇਬ ਘਰ ਹੈ।"
"ਅਸੀਂ ਇਸ ਰਾਹੀਂ ਸੀਆਈਏ ਅਫ਼ਸਰਾਂ ਨੂੰ ਸਾਡੇ ਇਤਿਹਾਸ ਦੀ ਪੜਚੋਲ ਲਈ ਲੈ ਕੇ ਜਾਂਦੇ ਹਾਂ, ਭਾਵੇਂ ਇਹ ਚੰਗੇ ਹੋਣ ਜਾਂ ਮਾੜੇ।"
ਤਸਵੀਰ ਸਰੋਤ, Central Intelligence Agency
"ਅਸੀਂ ਇਹ ਯਕੀਨੀ ਬਣਾਉਂਦੇ ਹਾਂ ਕਿ ਸਾਡੇ ਅਧਿਕਾਰੀ ਇਤਿਹਾਸ ਨੂੰ ਸਮਝਣ ਤਾਂ ਜੋ ਉਹ ਭਵਿੱਖ ਵਿੱਚ ਵਧੀਆ ਕੰਮ ਕਰ ਸਕਣ।"
"ਸਾਨੂੰ ਭਵਿੱਖ ਵਿੱਚ ਬਿਹਤਰ ਬਣਨ ਲਈ ਆਪਣੀਆਂ ਸਫ਼ਲਤਾਵਾਂ ਅਤੇ ਅਸਫ਼ਲਤਾਵਾਂ ਤੋਂ ਸਿੱਖਣਾ ਪਵੇਗਾ।"
ਸੀਆਈਏ ਦੇ ਕੰਮ ਸਭ ਤੋਂ ਵਿਵਾਦਪੂਰਨ ਪਹਿਲੂ ਘੱਟ ਦਿਖਾਈ ਦਿੰਦੇ ਹਨ।
ਇਹਨਾਂ ਵਿੱਚ MI6 ਦੇ ਨਾਲ 1953 ਦਾ ਸੰਯੁਕਤ ਆਪ੍ਰੇਸ਼ਨ, ਈਰਾਨ ਵਿੱਚ ਲੋਕਤੰਤਰੀ ਤੌਰ 'ਤੇ ਚੁਣੀ ਗਈ ਸਰਕਾਰ ਨੂੰ ਉਖਾੜ ਸੁੱਟਣਾ ਅਤੇ 2001 ਤੋਂ ਬਾਅਦ ਅੱਤਵਾਦੀ ਸ਼ੱਕੀਆਂ ਦਾ ਤਸ਼ੱਦਦ ਸ਼ਾਮਿਲ ਹੈ।
ਬੀਬੀਸੀ ਪੰਜਾਬੀ ਨੂੰ ਆਪਣੇ ਮੋਬਾਈਲ ਦੀ ਹੋਮ ਸਕਰੀਨ ਉੱਤੇ ਇੰਝ ਲੈ ਕੇ ਆਓ
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 1
'ਅਸੀਂ ਨਾ ਤਾਂ ਪੁਸ਼ਟੀ ਕਰ ਸਕਦੇ ਹਾਂ ਤੇ ਨਾ ਇਨਕਾਰ'
ਅਜਾਇਬ ਘਰ ਦਾ ਦੂਜਾ ਅੱਧ ਕੁਝ ਖਾਸ ਕੰਮਾਂ ਉਪਰ ਕੇਂਦਰਿਤ ਹੈ।
ਇਹ ਕਹਾਵਤ ਹੈ ਕਿ "ਅਸੀਂ ਨਾ ਤਾਂ ਪੁਸ਼ਟੀ ਕਰ ਸਕਦੇ ਹਾਂ ਅਤੇ ਨਾ ਹੀ ਇਨਕਾਰ ਕਰ ਸਕਦੇ ਹਾਂ", ਉਹਨਾਂ ਲੋਕਾਂ ਲਈ ਜਾਣਿਆ-ਪਛਾਣਿਆ ਹੈ, ਜੋ ਖੁਫੀਆ ਏਜੰਸੀਆਂ ਬਾਰੇ ਰਿਪੋਰਟ ਕਰਦੇ ਹਨ।
ਇਸ ਦੀ ਸ਼ੁਰੂਆਤ ਅਜਾਇਬ ਘਰ ਵਿੱਚ ਵਿਸਥਾਰਤ ਕਹਾਣੀ ਹੈ, ਜੋ ਪਹਿਲਾਂ ਕਦੇ ਨਹੀਂ ਵੇਖੀਆਂ ਗਈਆਂ ਚੀਜ਼ਾਂ ਦੀ ਵਰਤੋਂ ਕਰਦੇ ਹੋਏ।
1960 ਦੇ ਦਹਾਕੇ ਦੇ ਅਖੀਰ ਵਿੱਚ ਸੋਵੀਅਤ ਸੰਘ ਦੀ ਪਣਡੁੱਬੀ ਸਮੁੰਦਰ ਦੇ ਤਲ ਉੱਤੇ ਕਿਤੇ ਗੁਆਚ ਗਈ ਸੀ।
ਯੂਐੱਸ ਵੱਲੋਂ ਇਸ ਦਾ ਪਤਾ ਲਗਾਉਣ ਤੋਂ ਬਾਅਦ, ਸੀਆਈਏ ਨੇ ਅਰਬਪਤੀ ਹਾਵਰਡ ਹਿਊਜ਼ ਨਾਲ ਮਿਲ ਕੇ ਮਲਬੇ ਅਤੇ ਬੋਰਡ ਵਿੱਚ ਤਕਨਾਲੋਜੀ ਨੂੰ ਪ੍ਰਾਪਤ ਕਰਨ ਦੀ ਕੋਸ਼ਿਸ਼ ਕੀਤੀ।
ਇੱਕ ਕਵਰ ਸਟੋਰੀ ਤਿਆਰ ਕੀਤੀ ਗਈ ਸੀ ਕਿ ਹਿਊਜ਼ ਗਲੋਮਰ ਐਕਸਪਲੋਰਰ ਨਾਮਕ ਇੱਕ ਜਹਾਜ਼ ਦੀ ਵਰਤੋਂ ਕਰਕੇ ਸਮੁੰਦਰੀ ਤਲ ਦੀ ਖੁਦਾਈ ਕਰਨ ਜਾ ਰਿਹਾ ਸੀ।
ਤਸਵੀਰ ਸਰੋਤ, Central Intelligence Agency
ਅਜਾਇਬ ਘਰ ਵਿੱਚ ਸੋਵੀਅਤ ਪਣਡੁੱਬੀ ਦੇ ਇੱਕ ਮਾਡਲ ਦੇ ਨਾਲ-ਨਾਲ ਕੱਪੜੇ, ਐਸ਼ ਟ੍ਰੇ ਅਤੇ ਗਲੋਮਰ ਦੇ ਕਵਰ ਨੂੰ ਬਣਾਈ ਰੱਖਣ ਲਈ ਬਣਾਏ ਗਏ ਮੇਲਬੈਗ ਸ਼ਾਮਲ ਹਨ।
ਇੱਥੋਂ ਤੱਕ ਕਿ ਜਹਾਜ਼ ਦੀ ਫੇਰੀ ਦੌਰਾਨ ਆਪਣੇ ਭੇਸ ਵਿੱਚ ਸੀਆਈਏ ਦੇ ਡਿਪਟੀ ਡਾਇਰੈਕਟਰ ਵੱਲੋਂ ਪਹਿਨੀ ਇੱਕ ਵਿੱਗ ਵੀ ਪ੍ਰਦਰਸ਼ਿਤ ਕੀਤੀ ਗਈ ਹੈ।
ਮਿਸ਼ਨ ਸਿਰਫ਼ ਅੰਸ਼ਕ ਤੌਰ 'ਤੇ ਸਫ਼ਲ ਰਿਹਾ ਕਿਉਂਕਿ ਪਣਡੁੱਬੀ ਟੁੱਟ ਗਈ ਕਿਉਂਕਿ ਗਲੋਮਰ ਦੇ ਸਟੀਲ ਦੇ ਪੰਜੇ ਨੇ ਇਸ ਨੂੰ ਲਿਆਉਣ ਦੀ ਕੋਸ਼ਿਸ਼ ਕੀਤੀ ਹਾਲਾਂਕਿ ਕੁਝ ਹਿੱਸੇ ਅਜੇ ਵੀ ਬਰਾਮਦ ਕੀਤੇ ਗਏ ਸਨ।
ਬਾਇਰ ਦਾ ਕਹਿਣਾ ਹੈ, "ਉਸ ਪਣਡੁੱਬੀ 'ਤੇ ਉਨ੍ਹਾਂ ਨੂੰ ਜੋ ਕੁਝ ਮਿਲਿਆ, ਉਨ੍ਹਾਂ ਵਿੱਚੋਂ ਜ਼ਿਆਦਾਤਰ ਅੱਜ ਵੀ ਵਰਗੀਕ੍ਰਿਤ ਹਨ।"
ਜਦੋਂ ਬਾਕੀ ਪਣਡੁੱਬੀ ਨੂੰ ਕੱਢਣ ਤੋਂ ਪਹਿਲਾਂ ਦੇ ਪ੍ਰੋਜੈਕਟ, ਜਿਸ ਨੂੰ ਅਜ਼ੋਰਿਅਨ ਵਜੋਂ ਵੀ ਜਾਣਿਆ ਜਾਂਦਾ ਹੈ, ਇਸ ਬਾਰੇ ਖ਼ਬਰਾਂ ਆਈਆਂ ਕਿ ਅਧਿਕਾਰੀਆਂ ਨੂੰ ਇਹ ਕਹਿਣ ਲਈ ਕਿਹਾ ਗਿਆ ਕਿ ਉਹ "ਨਾ ਤਾਂ ਪੁਸ਼ਟੀ ਕਰ ਸਕਦੇ ਹਨ ਅਤੇ ਨਾ ਹੀ ਇਨਕਾਰ" ਕਰ ਸਕਦੇ ਹਨ।
ਜੋ "ਗਲੋਮਰ ਜਵਾਬ" ਵਜੋਂ ਜਾਣਿਆ ਜਾਂਦਾ ਹੈ ਅਤੇ ਅਜੇ ਵੀ ਵਿਆਪਕ ਤੌਰ 'ਤੇ ਵਰਤਿਆ ਜਾਂਦਾ ਹੈ।
ਤਸਵੀਰ ਸਰੋਤ, Central Intelligence Agency
ਆਰਗੋ ਨਾਮ ਦੀ ਜਾਅਲੀ ਫਿਲਮ ਲਈ ਕਵਰ ਸਟੋਰੀ ਬਣਾਉਣ ਲਈ ਵਰਤੀਆਂ ਜਾਂਦੀਆਂ ਚੀਜ਼ਾਂ ਵੀ ਹਨ। ਇਸ ਨੇ 1979 ਦੀ ਕ੍ਰਾਂਤੀ ਤੋਂ ਬਾਅਦ ਈਰਾਨ ਵਿੱਚ ਰੱਖੇ ਗਏ ਡਿਪਲੋਮੈਟਾਂ ਨੂੰ ਬਚਾਉਣ ਦੀ ਆਗਿਆ ਦਿੱਤੀ।
ਇਹ ਇੱਕ ਕਹਾਣੀ ਸੀ, ਬਾਅਦ ਵਿੱਚ ਇੱਕ ਹਾਲੀਵੁੱਡ ਫਿਲਮ ਵਿੱਚ ਬਦਲ ਗਈ।
ਡਿਸਪਲੇ 'ਤੇ ਜਾਅਲੀ ਫਿਲਮ ਲਈ ਸੰਕਲਪਕ ਕਲਾ ਹੈ, ਜਿਸ ਨੂੰ ਬਚਾਅ ਟੀਮ ਨੇ ਬਣਾਉਣ ਦਾ ਦਿਖਾਵਾ ਕੀਤਾ। ਕਲਾ ਨੂੰ ਜਾਣਬੁੱਝ ਕੇ ਪੜ੍ਹਣ ਜਾਂ ਸਮਝਣ ਵਿੱਚ ਮੁਸ਼ਕਲ ਹੋਣ ਲਈ ਤਿਆਰ ਕੀਤਾ ਗਿਆ ਸੀ।
ਜਦੋਂ ਇਹ ਪੜ੍ਹਣ ਦੀ ਗੱਲ ਆਉਂਦੀ ਹੈ, ਤਾਂ ਨਵੇਂ ਅਜਾਇਬ ਘਰ ਦੀ ਛੱਤ ਵਿੱਚ ਵੱਖ-ਵੱਖ ਕਿਸਮਾਂ ਦੇ ਕੋਡਾਂ ਵਿੱਚ ਲੁਕੇ ਹੋਏ ਸੰਦੇਸ਼ ਵੀ ਸ਼ਾਮਲ ਹਨ।
ਸੀਆਈਏ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਹ ਇੱਛਾ ਸੋਸ਼ਲ ਮੀਡੀਆ 'ਤੇ ਲੋਕਾਂ ਨਾਲ ਤਸਵੀਰਾਂ ਸਾਂਝੀਆਂ ਕਰਨ ਲਈ ਹੈ. ਤਾਂ ਜੋ ਇਹ ਦੇਖਿਆ ਜਾ ਸਕੇ ਕਿ ਕੀ ਉਹ ਉਨ੍ਹਾਂ ਨੂੰ ਸਮਝ ਸਕਦੇ ਹਨ।
ਕੁਝ ਪ੍ਰਦਰਸ਼ਨੀਆਂ ਆਨਲਾਈਨ ਵੀ ਉਪਲੱਬਧ ਹੋਣਗੀਆਂ। ਪਰ ਇਸ ਸਮੇਂ ਲਈ, ਨੇੜੇ ਰਹਿੰਦੇ ਵਧੇਰੇ ਲੋਕ ਇਸ ਅਜਾਇਬ ਘਰ ਤੱਕ ਪਹੁੰਚ ਸਕਣ।
ਇਹ ਵੀ ਪੜ੍ਹੋ-
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 2
