ਵਟਸਐਪ ਇਹ ਨਵਾਂ ਫੀਚਰ ਲਿਆਉਣ ਜਾ ਰਿਹਾ ਹੈ
ਤਸਵੀਰ ਸਰੋਤ, Reuters
ਵਟਸਐਪ ਪਹਿਲੀ ਵਾਰ ਇੱਕ ਅਜਿਹੇ ਫੀਚਰ ਦੀ ਅਜ਼ਮਾਇਸ਼ ਕਰ ਰਹੀ ਹੈ, ਜਿਸ ਤਹਿਤ ਲੋਕ ਬਿਨਾਂ ਆਪਣੇ ਫ਼ੋਨ ਦੀ ਵਰਤੋਂ ਕੀਤਿਆਂ ਸੁਨੇਹੇ ਭੇਜ ਸਕਣਗੇ।
ਫਿਲਹਾਲ ਵਟਸਐਪ ਵਿਅਕਤੀ ਦੇ ਫ਼ੋਨ ਨਾਲ ਜੁੜੀ ਹੁੰਦੀ ਹੈ। ਜੇ ਕੋਈ ਇਸ ਨੂੰ ਕੰਪਿਊਟਰ ਉੱਪਰ ਵਰਤਣਾ ਵੀ ਚਾਹੇ ਤਾਂ ਉਸ ਨੂੰ ਆਪਣਾ ਫ਼ੋਨ ਵੀ ਚਾਲੂ ਰੱਖਣਾ ਪੈਂਦਾ ਹੈ, ਜਿਸ ਉੱਪਰ ਕਿ ਇੰਟਰਨੈਟ ਚਾਲੂ ਹੋਵੇ।
ਹਾਲਾਂਕਿ ਨਵੇਂ ਫ਼ੀਚਰ ਤਹਿਤ ਲੋਕ ਉਸ ਸਮੇਂ ਵੀ ਸੁਨੇਹੇ ਭੇਜ ਅਤੇ ਹਾਸਲ ਕਰ ਸਕਣਗੇ ਜਦੋਂ ਉਨ੍ਹਾਂ ਦੇ ਮੋਬਾਈਲ ਦੀ ਬੈਟਰੀ ਬਿਲਕੁਲ ਹੀ ਮਰ ਕਿਉਂ ਨਾ ਗਈ ਹੋਵੇ।
ਵਟਸਐਪ ਨੇ ਕਿਹਾ ਕਿ ਮੋਬਾਈਲ ਤੋਂ ਇਲਾਵਾ ਚਾਰ ਹੋਰ ਉਪਕਰਨਾਂ ਜਿਵੇਂ- ਪੀਸੀ, ਟੈਬਲੈਟ ਆਦ ਉੱਪਰ ਵਟਸਐਪ ਵਰਤੀ ਜਾ ਸਕੇਗੀ ਜਦਕਿ ਫਿਲਹਾਲ ਅਜਿਹਾ ਨਹੀਂ ਹੈ।
ਇਹ ਵੀ ਪੜ੍ਹੋ:
ਅਜ਼ਮਾਇਸ਼ੀ ਪੜਾਅ ਉੱਪਰ ਇਸ ਫੀਚਰ ਨੂੰ ਕੁਝ ਸੀਮਤ ਵਰਤੋਂਕਾਰਾਂ ਲਈ ਜਾਰੀ ਕੀਤਾ ਜਾਵੇਗਾ।
ਹਾਲਾਂਕਿ ਵਟਸਐਪ ਦੇ ਕਾਰੋਬਾਰ ਦੀ ਧੁਰੀ ਮੰਨੀ ਜਾਂਦੀ ਐਂਡ-ਟੂ-ਐਂਡ ਇਨਕ੍ਰਿਪਸ਼ਨ -ਇਸ ਨਵੀਂ ਪ੍ਰਣਾਲੀ ਵਿੱਚ ਵੀ ਕੰਮ ਕਰਦੀ ਰਹੇਗੀ। ਕਈ ਹੋਰ ਸੁਨੇਹਾ ਐਪਲੀਕੇਸ਼ਨਾਂ ਵਿੱਚ ਇਹ ਸਹੂਲਤ ਪਹਿਲਾਂ ਤੋਂ ਹੀ ਮੌਜੂਦ ਹੈ ਜਿਵੇਂ ਸਿਗਨਲ ਵਿੱਚ।
ਸਾਫ਼ਟਵੇਅਰ ਵਿੱਚ ਸੁਧਾਰ ਦੀ ਲੋੜ
ਸਿਗਨਲ ਵਿੱਚ ਸਾਈਨ ਅਪ ਕਰਨ ਲਈ ਤਾਂ ਤੁਹਾਨੂੰ ਫ਼ੋਨ ਦੀ ਲੋੜ ਪੈਂਦੀ ਹੈ ਪਰ ਸੁਨੇਹਾ ਭੇਜਣ ਜਾਂ ਹਾਸਲ ਕਰਨ ਵੇਲੇ ਨਹੀਂ।
ਇਸ ਫੀਚਰ ਬਾਰੇ ਦੱਸਦਿਆਂ ਫੇਸਬੁੱਕ ਦੇ ਇੰਜੀਨੀਅਰਾਂ ਨੇ ਇੱਕ ਬਲੌਗ ਵਿੱਚ ਕਿਹਾ ਕਿ ਇਸ ਲਈ ਵਟਸਐਪ ਦੇ ਸਾਫ਼ਟਵੇਅਰ ਉੱਪਰ ਮੁੜ ਤੋਂ ਵਿਚਾਰ ਕਰਨਾ ਹੋਵੇਗਾ।
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post
ਇਸ ਦੀ ਵਜ੍ਹਾ ਹੈ ਕਿ ਮੌਜੂਦਾ ਵਰਜ਼ਨ ਸਮਾਰਟਫੋਨ ਵਿਚਲੀ ਐਪਲੀਕੇਸ਼ਨ ਨੂੰ ਮੁੱਢਲਾ ਉਪਕਰਨ ਮੰਨਦੀ ਹੈ।
ਵਟਸਐਪ ਦੀਆਂ ਦੂਜੀਆਂ ਸੇਵਾਵਾਂ ਤਾਂ ਜੋ ਫ਼ੋਨ ਉੱਪਰ ਹੋਣ ਵਾਲੀ ਗਤੀਵਿਧੀ ਨੂੰ ਕੰਪਿਊਟਰ ਵਗੈਰਾ ਦੀ ਸਕ੍ਰੀਨ ਉੱਪਰ ਮਹਿਜ਼ ਦਿਖਾਉਂਦੀਆਂ ਹਨ। ਇਸ ਵਿੱਚ ਹਾਲੇ ਕੁਝ ਕਮੀਆਂ ਵੀ ਹਨ, ਕਈ ਲੋਕਾਂ ਦੀ ਸ਼ਿਕਾਇਤ ਹੈ ਕਿ ਵਟਸਐਪ ਦੀ ਵੈਬ ਵਰਜ਼ਨ ਵਾਰ-ਵਾਰ ਸੰਪਰਕ ਟੁੱਟ ਜਾਂਦਾ ਹੈ।
ਇਹ ਵੀ ਪੜ੍ਹੋ:
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post
