ਅਮਰੀਕਾ ਵਿੱਚ ਉੱਡਦੇ ਜਹਾਜ਼ ਨੂੰ ਲੱਗੀ ਅੱਗ, ਯਾਤਰੀਆਂ ਨੇ ਕੀ ਦੱਸਿਆ
ਤਸਵੀਰ ਸਰੋਤ, IMAGE COPYRIGHTHAYDEN SMITH/@SPEEDBIRD5280/REUTERS
ਅਮਰੀਕਾ ਵਿੱਚ ਬੋਇੰਗ ਜੈਟ ਜਹਾਜ਼ ਦੇ ਇੱਕ ਇੰਜਨ ਵਿੱਚ ਅੱਗ ਲੱਗ ਗਈ ਅਤੇ ਇੰਜਨ ਦਾ ਮਲਬਾ ਰਿਹਾਇਸ਼ੀ ਇਲਾਕੇ ਵਿੱਚ ਜਾ ਡਿੱਗਿਆ।
ਇਹ ਘਟਨਾ ਡੈਨਵਰ ਦੇ ਨੇੜੇ ਹੋਈ ਜਿੱਥੇ ਜਹਾਜ਼ ਦੇ ਉਡਾਨ ਭਰਨ ਤੋਂ ਬਾਅਦ ਉਸਦਾ ਇੱਕ ਇੰਜਨ ਫੇਲ੍ਹ ਹੋ ਗਿਆ।
ਬੋਇੰਗ 777 ਜਹਾਜ਼ ਵਿੱਚ 231 ਯਾਤਰੀ ਅਤੇ ਚਾਲਕ ਦਲ ਦੇ 10 ਮੈਂਬਰ ਸਵਾਰ ਸਨ। ਇੰਜਨ ਵਿੱਚ ਅੱਗ ਲੱਗਣ ਦੇ ਬਾਵਜੂਦ ਇਹ ਜਹਾਜ਼ ਸਕੂਸ਼ਲ ਡੇਨਵਰ ਹਵਾਈ ਅੱਡੇ 'ਤੇ ਪਰਤ ਕੇ ਉਤਰਨ ਵਿੱਚ ਸਫ਼ਲ ਰਿਹਾ।
ਇਹ ਵੀ ਪੜ੍ਹੋ:
ਜਹਾਜ਼ ਵਿੱਚ ਸਫ਼ਰ ਕਰ ਰਹੇ ਇੱਕ ਮੁਸਾਫ਼ਰ ਡੇਵਿਡ ਡੈਲੂਸ਼ੀਆ ਨੇ ਖ਼ਬਰ ਏਜੰਸੀ ਏਐੱਫ਼ਪੀ ਨੂੰ ਦੱਸਿਆ ਜਦੋਂ ਧਮਾਕਾ ਹੋਇਆ ਤਾਂ ਪਾਇਲਟ ਨੇ ਅਨਾਊਂਸਮੈਂਟ ਕੀਤੀ ਸੀ।
ਡੇਵਿਡ ਨੇ ਦੱਸਿਆ ਕਿ ਜਹਾਜ਼ ਜ਼ੋਰ ਨਾਲ ਕੰਬਣ ਲੱਗਿਆ ਅਤੇ ਅਸੀਂ ਤੇਜ਼ੀ ਨਾਲ ਹੇਠਾਂ ਆਉਣ ਲੱਗੇ।
'ਮੇਰੀ ਪਤਨੀ ਨੇ ਪਛਾਣ ਪੱਤਰ ਸਾਡੀਆਂ ਜੇਬਾਂ ਵਿੱਚ ਪਾ ਦਿੱਤੇ ਸਨ ਤਾਂ ਜੋ ਸਾਡੀ ਪਛਾਣ ਹੋ ਸਕੇ।'
ਤਸਵੀਰ ਸਰੋਤ, BROOMFIELD PD
ਬਰੂਮਫ਼ੀਲਡ ਕਸਬੇ ਦੀ ਪੁਲਿਸ ਨੇ ਇੱਕ ਤਸਵੀਰ ਪੋਸਟ ਕੀਤੀ ਹੈ ਜਿਸ ਵਿੱਚ ਨਜ਼ਰ ਆ ਰਿਹਾ ਹੈ ਕਿ ਵਿਸ਼ਾਲ ਇੰਜਨ ਦਾ ਬਾਹਰੀ ਫਰੇਮ ਇੱਕ ਘਰ ਦੇ ਸਾਹਮਣੇ ਬਗੀਚੇ ਵਿੱਚ ਡਿੱਗਿਆ ਹੋਇਆ ਹੈ।
ਇਹ ਜਹਾਜ਼ ਡੇਨਵਰ ਤੋਂ ਹੋਨੋਲੂਲੂ ਜਾ ਰਿਹਾ ਸੀ।
ਫੈਡਰਲ ਏਵੀਏਸ਼ਨ ਐਡਮਿਨਿਸਟਰੇਸ਼ਨ ਦਾ ਕਹਿਣਾ ਹੈ ਕਿ ਫਲਾਈਟ 328 ਦੇ ਖੱਬੇ ਇੰਜਣ ਵਿੱਚ ਖ਼ਰਾਬੀ ਆਈ ਸੀ।
ਤਸਵੀਰ ਸਰੋਤ, BROOMFIELD PD
ਪੁਲਿਸ ਨੇ ਇਲਾਕਾ ਨਿਵਾਸੀਆਂ ਨੂੰ ਮਲਬੇ ਨੂੰ ਨਾ ਛੂਹਣ ਲਈ ਕਿਹਾ ਹੈ ਤਾਂ ਜੋ ਜਾਂਚ ਉੱਪਰ ਅਸਰ ਨਾ ਪਵੇ।
ਤਸਵੀਰ ਸਰੋਤ, BROOMFIELD PD VIA EPA
ਆਨਲਾਈਨ ਪਾਈਆਂ ਗਈਆਂ ਕਈ ਪੋਸਟਾਂ ਵਿੱਚ ਦਿਖਾਈ ਦੇ ਰਿਹਾ ਹੈ ਕਿ ਇੰਜਨ ਵਿੱਚੋਂ ਧੂਆਂ ਨਿਕਲ ਰਿਹਾ ਹੈ। ਇੱਕ ਵੀਡੀਓ ਵੀ ਸਾਹਮਣੇ ਆਇਆ ਹੈ। ਵੀਡੀਓ ਜਹਾਜ਼ ਦੇ ਅੰਦਰੋਂ ਬਣਾਇਆ ਗਿਆ ਹੈ। ਇੰਜਨ ਨੂੰ ਲੱਗੀ ਅੱਗ ਅਤੇ ਲਪਟਾਂ ਸਾਫ਼ ਦੇਖੀਆਂ ਜਾ ਸਕਦੀਆਂ ਹਨ।
ਇੱਕ ਇਲਾਕਾ ਨਿਵਾਸੀ ਨੇ ਸੀਐੱਨਐੱਨ ਨੂੰ ਦੱਸਿਆ ਕਿ ਉਨ੍ਹਾਂ ਨੇ ਜਹਾਜ਼ ਤੋਂ ਮਲਬਾ ਡਿੱਗਦਾ ਦੇਖਿਆ ਅਤੇ ਆਪਣੇ ਬੱਚਿਆਂ ਸਮੇਤ ਸੁਰੱਖਿਅਤ ਥਾਂ 'ਤੇ ਜਾ ਕੇ ਪਨਾਹ ਲਈ।
ਇਹ ਵੀ ਪੜ੍ਹੋ:
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post
