ਕੋਰੋਨਾਵਾਇਰਸ: ਜਾਅਲੀ ਖ਼ਬਰਾਂ ਤੇ ਵੀਡੀਓ ਗਰੀਬ ਮੁਸਲਮਾਨਾਂ ਲਈ ਇੰਝ ਬਣੀ ਮੁਸੀਬਤ
ਤਸਵੀਰ ਸਰੋਤ, SOCIAL MEDIA
- ਲੇਖਕ, ਕੀਰਤੀ ਦੂਬੇ
- ਰੋਲ, ਬੀਬੀਸੀ ਪੱਤਰਕਾਰ
ਘਟਨਾ 1- 10-15 ਲੋਕ ਤਿੰਨ ਮੁਸਲਮਾਨ ਮਛੇਰਿਆਂ ਨੂੰ ਘੇਰ ਲੈਂਦੇ ਹਨ। ਤਿੰਨੇ ਮਛੇਰੇ ਹੱਥ ਜੋੜ ਕੇ ਝੁਕਦੇ ਹਨ। ਲੋਕ ਸਥਾਨਕ ਭਾਸ਼ਾ ਵਿੱਚ ਚੀਕਦੇ ਹਨ - ‘ਉਨ੍ਹਾਂ ਨੂੰ ਹੱਥ ਨਾ ਲਾਓ, ਇਹ ਲੋਕ ਕੋਰੋਨਾ ਫੈਲਾ ਰਹੇ ਹਨ।’ - ਕਰਨਾਟਕ ਦੇ ਬਾਗਲਕੋਟ ਦੀ ਘਟਨਾ
ਘਟਨਾ 2- 'ਜਾਵੇਦ ਭਾਈ, ਤੁਸੀਂ ਆਪਣੀ ਦੁਕਾਨ ਇੱਥੋਂ ਚੁੱਕ ਲਵੋ ਅਤੇ ਇੱਥੇ ਦੁਕਾਨ ਨਾ ਲਗਾਓ। ਤੁਹਾਡੇ ਨਾਲ ਲੋਕਾਂ ਨੂੰ ਬਹੁਤ ਪਰੇਸ਼ਾਨੀ ਹੋ ਰਹੀ ਹੈ। ਇਨ੍ਹਾਂ ਲੋਕਾਂ ਤੋਂ ਹੀ ਬਿਮਾਰੀ ਫੈਲ ਰਹੀ ਹੈ. ਚੁੱਕੋ ... ਆਪਣੀ ਦੁਕਾਨ ਨੂੰ ਚੁੱਕੋ. '- ਉਤਰਾਖੰਡ ਦੇ ਹਲਦਵਾਨੀ ਦੀ ਘਟਨਾ
ਇਹ ਪਿਛਲੇ ਕੁਝ ਦਿਨਾਂ ਵਿਚ ਦੇਸ਼ ਦੇ ਦੋ ਹਿੱਸਿਆਂ ਵਿਚ ਵਾਪਰੀਆਂ ਘਟਨਾਵਾਂ ਹਨ, ਇਸ ਤਰ੍ਹਾਂ ਦੀਆਂ ਕਈ ਹੋਰ ਘਟਨਾਵਾਂ ਦੀਆਂ ਖ਼ਬਰਾਂ ਅਤੇ ਵੀਡਿਓ ਸਾਹਮਣੇ ਆਈਆਂ ਹਨ।
ਤਸਵੀਰ ਸਰੋਤ, ASHWANI SHARMA/BBC
ਕੋਰੋਨਾ ਦੀ ਲਾਗ ਅਤੇ ਲੌਕਡਾਊਨ ਕਾਰਨ ਸਾਰੇ ਦੇਸ਼ ਵਿਚ ਲੋਕ ਪਰੇਸ਼ਾਨ ਹਨ, ਖ਼ਾਸਕਰਮਜ਼ਦੂਰਾਂ ਅਤੇ ਛੋਟੇ ਦੁਕਾਨਦਾਰਾਂ ਨੂੰ ਬਹੁਤ ਸਾਰੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਪਿਛਲੇ ਦਿਨੀਂ ਉੱਤਰ-ਪੂਰਬੀ ਭਾਰਤ ਦੇ ਲੋਕਾਂ ਉੱਤੇ ਅਤਿਆਚਾਰ ਦੀਆਂ ਕੁਝ ਘਟਨਾਵਾਂ ਸਾਹਮਣੇ ਆਈਆਂ ਸਨ।
ਜਦੋਂ ਤੋਂ ਤਬਲੀਗ਼ੀ ਜਮਾਤ ਦੇ ਮਰਕਜ਼ ਤੋਂ ਵੱਡੇ ਪੈਮਾਨੇ 'ਤੇ ਵਾਇਰਸ ਫੈਲਣ ਦੀਆਂ ਖ਼ਬਰਾਂ ਆਈਆਂ ਹਨ, ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਗਰੀਬ ਮੁਸਲਮਾਨਾਂ ਨੂੰ ਨਿਸ਼ਾਨਾ ਬਣਾਉਣ ਦੀਆਂ ਖ਼ਬਰਾਂ ਵੀ ਆ ਰਹੀਆਂ ਹਨ।
30 ਮਾਰਚ ਨੂੰ ਦਿੱਲੀ ਦੀ ਤਬਲੀਗ਼ੀ ਜਮਾਤ ਦੇ ਧਾਰਮਿਕ ਸਮਾਗਮ ਵਿਚ ਸ਼ਾਮਲ ਲੋਕਾਂ ਵਿੱਚੋਂ ਕੋਵਿਡ -19 ਨਾਲ 6 ਲੋਕਾਂ ਦੀ ਮੌਤ ਦੀ ਖ਼ਬਰ ਸਾਹਮਣੇ ਆਉਣ ਤੋਂ ਬਾਅਦ ਤੋਂ ਹੀ ਜਾਅਲੀ ਖ਼ਬਰਾਂ ਅਤੇ ਅਫ਼ਵਾਹਾਂ ਚੱਲ ਰਹੀਆਂ ਹਨ।
ਮਰਕਜ਼ ਵਿਚ ਹਿੱਸਾ ਲੈਣ ਵਾਲੇ 8,000 ਲੋਕਾਂ ਦੇ ਕਾਰਨ ਵਾਇਰਸ ਨਿਸ਼ਚਤ ਤੌਰ 'ਤੇ ਫੈਲਿਆ ਹੈ, ਸੰਕਰਮਣ ਦੇ ਮਾਮਲਿਆਂ ਦਾ ਇੱਕ ਵੱਡਾ ਹਿੱਸਾ ਦੇਸ਼ ਭਰ ਵਿੱਚ ਜਮਾਤ ਨਾਲ ਸਿੱਧਾ ਜੁੜੇ ਹੋਣ ਦੀ ਖ਼ਬਰ ਹੈ।
ਸਮੱਸਿਆ ਇਹ ਹੈ ਕਿ ਹੁਣ ਬਹੁਤ ਸਾਰੇ ਲੋਕ ਲੱਖਾਂ ਮੁਸਲਮਾਨਾਂ ਅਤੇ ਮਰਕਜ਼ ਦੇ ਜਮਾਤੀਆਂ ਵਿਚਕਾਰ ਫਰਕ ਨਹੀਂ ਕਰ ਰਹੇ ਹਨ।
31 ਮਾਰਚ ਤੋਂ ਹੀ ਮੁਸਲਮਾਨਾਂ ਨੂੰ ਨਿਸ਼ਾਨਾ ਬਣਾਉਣ ਅਤੇ ਮੁਸਲਮਾਨਾਂ ਨੂੰ ਦੋਸ਼ੀ ਦਿਖਾਉਣ ਵਾਲੀਆਂ ਜਾਅਲੀ ਵੀਡੀਓ ਸਾਹਮਣੇ ਆਉਣੀਆਂ ਸ਼ੁਰੂ ਹੋ ਗਈਆਂ।
ਹਲਦਵਾਨੀ ਦਾ ਜਾਵੇਦ
ਅਜਿਹਾ ਹੀ ਇੱਕ ਵੀਡੀਓ ਉਤਰਾਖੰਡ ਦੇ ਹਲਦਵਾਨੀ ਤੋਂ ਆਇਆ ਹੈ। ਜਿਸ ਵਿਚ ਕੁਝ ਲੋਕ ਆਉਂਦੇ ਹਨ ਅਤੇ ਉਨ੍ਹਾਂ ਦਾ ਨਾਮ ਪੁੱਛਦੇ ਹਨ।
ਜਾਵੇਦ ਨਾਮ ਦੱਸਣ 'ਤੇ ਲੋਕ ਉਸ ਨੂੰ ਦੁਕਾਨ ਚੁੱਕਣ ਲਈ ਕਹਿੰਦੇ ਹਨ ਅਤੇ ਨਾਲ ਹੀ ਕਹਿੰਦੇ ਹਨ ਕਿ ਉਹ ਆਪਣੀ ਦੁਕਾਨ ਹੁਣ ਕਦੇ ਇੱਥੇ ਨਾ ਲਗਾਏ।
ਵੀਡੀਓ ਵਿਚ ਦੂਸਰਾ ਦੁਕਾਨਦਾਰ ਪੁੱਛਦਾ ਹੈ ਕਿ ਕੀ ਅਸੀਂ ਵੀ ਦੁਕਾਨ ਇੱਥੇ ਨਹੀਂ ਲਗਾਉਣੀ ਤਾਂ ਇਸ ਦੇ ਜਵਾਬ ਵਿੱਚ ਲੋਕ ਕਹਿੰਦੇ ਹਨ - ਨਹੀਂ, ਤੁਸੀਂ ਤਾਂ ਲਗਾਓ। ਬਸ ਇਹ ਲੋਕ ਨਹੀਂ ਲਗਾ ਸਕਦੇ ਕਿਉਂਕਿ ਇਨ੍ਹਾਂ ਤੋਂ ਹੀ ਕੋਰੋਨਾ ਆ ਰਿਹਾ ਹੈ।
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post, 1
ਇਸ ਦੇ ਨਾਲ ਹੀ, ਉਹ ਕਹਿੰਦੇ ਹਨ ਕਿ ਜੇ ਕੋਈ ਮੁਸਲਮਾਨ ਰਿਹੜੀ ਲਗਾਉਂਦਾ ਹੈ ਜਾਂ ਕੁਝ ਸਾਮਾਨ ਚੁੱਕਦਾ ਵੇਖਿਆ ਜਾਂਦਾ ਹੈ, ਤਾਂ ਸਾਡਾ ਨੰਬਰ ਲਓ, ਸਾਨੂੰ ਤੁਰੰਤ ਦੱਸੋ।
ਬੀਬੀਸੀ ਨੇ ਵੀਡੀਓ ਵਿੱਚ ਨਜ਼ਰ ਆ ਰਹੇ ਬਨਾਭੁਲਪੁਰਾ ਦੇ ਹਲਦਵਾਨੀ ਵਿੱਚ ਰਹਿਣ ਵਾਲੇ ਜਾਵੇਦ ਨਾਲ ਗੱਲ ਕੀਤੀ। ਜਾਵੇਦ ਨੇ ਦੱਸਿਆ, “ਆਈਟੀਆਈ ਰੋਡ 'ਤੇ ਐਤਵਾਰ ਸਵੇਰੇ ਸੱਤ ਵਜੇ ਸਨ, ਮੈਂ ਦੁਕਾਨ ਲਗਾਉਣੀ ਸ਼ੁਰੂ ਕੀਤੀ ਸੀ ਕਿ ਕੁਝ ਲੋਕ ਆਏ ਅਤੇ ਮੈਨੂੰ ਆਧਾਰ ਕਾਰਡ ਬਾਰੇ ਪੁੱਛਣ ਲੱਗੇ। ਮੇਰਾ ਆਧਾਰ ਘਰ ਸੀ ਤਾਂ ਉਨ੍ਹਾਂ ਨੇ ਮੇਰਾ ਨਾਮ ਪੁੱਛਿਆ। ਉਸਨੇ ਕਿਹਾ ਕਿ ਦੁਕਾਨ ਨੂੰ ਚੁੱਕੋ ਅਤੇ ਇੱਥੇ ਦੁਕਾਨ ਕਦੇ ਨਹੀਂ ਲਗਾਣੀ।“
ਜਾਵੇਦ ਦਾ ਦਾਅਵਾ ਹੈ ਕਿ ਜਦੋਂ ਉਸ ਦੀ ਦੁਕਾਨ ਹਟਾਈ ਜਾ ਰਹੀ ਸੀ ਤਾਂ ਇਕ ਮਹਿਲਾ ਪੁਲਿਸ ਮੁਲਾਜ਼ਮ ਇਸ ਨੂੰ ਚੁੱਪ-ਚਾਪ ਦੇਖ ਰਹੀ ਸੀ। ਨਾਲ ਹੀ, ਦੁਕਾਨ ਨੂੰ ਹਟਾਉਣ ਵਾਲੇ ਲੋਕਾਂ ਨੇ ਦੂਜੇ ਦੁਕਾਨਦਾਰਾਂ ਨੂੰ ਕਿਹਾ ਕਿ ਉਹ ਦੁਕਾਨ ਲਗਾ ਸਕਦੇ ਹਨ।
ਜਦੋਂ ਸਾਰੇ ਦੇਸ਼ ਦੇ ਮਜ਼ਦੂਰ ਪੈਦਲ ਆਪਣੇ ਪਿੰਡ ਜਾਣ ਲੱਗ ਪਏ ਤਾਂ ਜਾਵੇਦ ਇਹ ਸੋਚਦਿਆਂ ਆਪਣੇ ਪਿੰਡ ਨਹੀਂ ਗਿਆ ਕਿ ਫਲਾਂ ਦੀ ਵਿਕਰੀ ਜਾਰੀ ਰਹੇਗੀ।
ਮੂਲ ਤੌਰ 'ਤੇ ਉੱਤਰ ਪ੍ਰਦੇਸ਼ ਦੇ ਬਦਾਯੂਂ ਦਾ ਰਹਿਣ ਵਾਲਾ ਜਾਵੇਦ ਕਹਿੰਦਾ ਹੈ, "ਹੁਣ ਕੀ ਕਰੀਏ, ਘਰ ਬੈਠੇ। 10-15 ਲੋਕ ਸਨ, ਕੁਝ ਬੋਲ ਨਹੀਂ ਸਕਦੇ ਸੀ। ਹੁਣ ਉਹ ਦੁਕਾਨ ਨਹੀਂ ਲਗਾਉਣ ਦੇਣਗੇ।"
ਉਸਦੀ ਆਵਾਜ਼ ਵਿਚ ਡੂੰਘੀ ਨਿਰਾਸ਼ਾ ਸੀ। ਜਾਵੇਦ ਫਲ ਵੇਚਦਾ ਸੀ ਅਤੇ ਉ ਸਦਾ ਭਰਾ ਮੰਡੀ ਤੋਂ ਫਲ ਲੈ ਕੇ ਆਉਂਦਾ ਸੀ। ਹੁਣ ਦੋਵੇਂ ਭਰਾਵਾਂ ਦਾ ਕੋਈ ਕੰਮ ਨਹੀਂ ਹੈ।
ਨੈਨੀਤਾਲ ਦੇ ਐਸਐਸਪੀ ਸੁਨੀਲ ਮੀਨਾ ਨੇ ਸਾਨੂੰ ਦੱਸਿਆ ਕਿ ਫਲ ਵੇਚਣ ਵਾਲੇ ਤੋਂ ਕੋਈ ਸ਼ਿਕਾਇਤ ਨਹੀਂ ਮਿਲੀ ਹੈ, ਪਰ ਸਾਨੂੰ ਸ਼ਿਕਾਇਤ ਮਿਲੀ ਹੈ ਕਿ ਕੁਝ ਲੋਕਾਂ ਨੇ ਤਾਲਾਬੰਦੀ ਦੀ ਉਲੰਘਣਾ ਕੀਤੀ ਹੈ, ਆਈਪੀਸੀ ਦੀ ਧਾਰਾ 188 ਲਗਾ ਕੇ ਕਾਰਵਾਈ ਕੀਤੀ ਗਈ ਹੈ।
ਦਿੱਲੀ ਵਿੱਚ ਵੀ ਆਧਾਰ ਕਾਰਡ ਦੀ ਮੰਗ ਕੀਤੀ ਗਈ
ਫਰਵਰੀ ਵਿਚ ਦੰਗਿਆਂ ਦਾ ਸਾਹਮਣਾ ਕਰ ਚੁੱਕੀ ਦਿੱਲੀ ਵੀ ਇਸ ਤੋਂ ਅਛੂਤੀ ਨਹੀਂ ਹੈ। ਅਜਿਹਾ ਹੀ ਇਕ ਵੀਡੀਓ ਉੱਤਰ-ਪੱਛਮੀ ਦਿੱਲੀ ਦੇ ਸ਼ਾਸਤਰੀ ਨਗਰ ਤੋਂ ਸਾਹਮਣੇ ਆਇਆ ਹੈ।
ਸ਼ਾਸਤਰੀ ਨਗਰ ਦੇ ਬੀ-ਬਲਾਕ ਖੇਤਰ ਵਿਚ ਇਕ ਮੀਟਿੰਗ ਕੀਤੀ ਗਈ ਅਤੇ ਇਹ ਫੈਸਲਾ ਲਿਆ ਗਿਆ ਕਿ ਕੋਈ ਵੀ ਮੁਸਲਮਾਨ ਇਸ ਖੇਤਰ ਵਿਚ ਦਾਖ਼ਲ ਨਹੀਂ ਹੋਣ ਦਿੱਤਾ ਜਾਵੇਗਾ।
ਇਸ ਘਟਨਾ ਦੀ ਇਕ ਵੀਡੀਓ ਵੀ ਸਾਹਮਣੇ ਆਈ ਹੈ, ਜਿੱਥੇ ਇਹ ਲੋਕ ਫਲਾਂ ਅਤੇ ਸਬਜ਼ੀਆਂ ਦੇ ਗਲੀ ਵਿਕਰੇਤਾਵਾਂ ਨੂੰ ਆਧਾਰ ਕਾਰਡ ਦਿਖਾ ਕੇ ਆਪਣੀ ਪਛਾਣ ਦੱਸਣ ਲਈ ਕਹਿ ਰਹੇ ਹਨ। ਬੀਬੀਸੀ ਨੇ ਇੱਕ ਵਿਅਕਤੀ ਨਾਲ ਸੰਪਰਕ ਕੀਤਾ ਜੋ ਇਸ ਮੀਟਿੰਗ ਵਿੱਚ ਸ਼ਾਮਲ ਹੋਇਆ ਸੀ।
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post, 2
ਵੀਡੀਓ ਵਾਇਰਲ ਹੋਣ ਦੇ ਕਾਰਨ, ਵਿਅਕਤੀ ਨੇ ਸਾਡੇ ਨਾਲ ਆਨ-ਰਿਕਾਰਡ 'ਤੇ ਗੱਲ ਨਹੀਂ ਕੀਤੀ ਪਰ ਇਹ ਨਿਸ਼ਚਤ ਤੌਰ 'ਤੇ ਦੱਸਿਆ ਕਿ ਉਸ ਦੀ ਕਲੋਨੀ ਵਿਚ ਅਜਿਹੀ ਮੀਟਿੰਗ ਕੀਤੀ ਗਈ ਸੀ।
ਇਹ ਵੀ ਪੜ੍ਹੋ:
ਕਰਨਾਟਕ ਵਿੱਚ ਗਿੜਗਿੜਾਉਂਦੇ ਮੁਸਲਮਾਨ
ਪਿਛਲੇ ਦੋ ਦਿਨਾਂ ਵਿਚ ਰਾਜ ਵਿਚ ਇਸੇ ਤਰ੍ਹਾਂ ਦੀ ਹਿੰਸਾ ਅਤੇ ਕਿਸੇ ਧਰਮ ਦੇ ਲੋਕਾਂ ਪ੍ਰਤੀ ਜ਼ਬਰਦਸਤੀ ਦੀਆਂ ਦੋ ਵੀਡੀਓ ਸਾਹਮਣੇ ਆਈਆਂ ਹਨ।
ਸੋਮਵਾਰ ਨੂੰ ਕਰਨਾਟਕ ਦੇ ਬਾਗਲਕੋਟ ਜ਼ਿਲੇ ਦੇ ਬਿਡਾਰੀ ਪਿੰਡ ਵਿੱਚ ਮੁਸਲਮਾਨ ਮਛੇਰਿਆਂ ਨੂੰ ਪਿੰਡ ਵਾਸੀਆਂ ਨੇ ਘੇਰ ਲਿਆ।
ਇਹ ਮਛੇਰੇ ਕ੍ਰਿਸ਼ਨਾ ਨਦੀ ਵਿੱਚ ਮੱਛੀ ਫੜਨ ਆਏ ਸਨ, ਪਰ ਭੀੜ ਨੇ ਉਨ੍ਹਾਂ ਨੂੰ ਘੇਰ ਲਿਆ ਅਤੇ ਕਹਿਣ ਲੱਗੇ, 'ਤੁਸੀਂ ਕਿਉਂ ਆਏ ਹੋ? ਕੋਰੋਨਾ ਤੁਹਾਡੇ ਲੋਕਾਂ ਦੇ ਕਾਰਨ ਫੈਲ ਰਿਹਾ ਹੈ।'
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post, 3
ਇਸ ਘਟਨਾ ਦੀ ਇਕ ਵੀਡੀਓ ਵੀ ਸਾਹਮਣੇ ਆਈ ਹੈ ਜਿਸ ਵਿਚ ਪਿੰਡ ਵਾਸੀਆਂ ਦੇ ਹੱਥਾਂ ਵਿਚ ਡੰਡੇ ਹਨ। ਇਹ ਮਛੇਰੇ ਹੱਥ ਜੋੜ ਕੇ ਰੋ ਰਹੇ ਦਿਖਾਈ ਦਿੰਦੇ ਹਨ।
ਬਾਗਲਕੋਟ ਦੇ ਐਸਪੀ ਲੋਕੇਸ਼ ਬੀ ਜਗਲਸਰ ਨੇ ਬੀਬੀਸੀ ਨੂੰ ਦੱਸਿਆ, “ਇੱਕ ਪਿੰਡ ਵਿੱਚ ਚਾਰ ਮਛੇਰੇ ਮੱਛੀਆਂ ਫੜਨ ਗਏ ਸਨ, ਜਿਨ੍ਹਾਂ ਵਿੱਚ ਦੋ ਹਿੰਦੂ ਅਤੇ ਦੋ ਮੁਸਲਮਾਨ ਸਨ। ਜੋ ਹੋਇਆ ਉਹ ਗਲਤ ਹੈ। ਅਸੀਂ ਐਫ਼ਆਈਆਰ ਦਰਜ ਕਰ ਲਈ ਹੈ ਅਤੇ ਪੰਜ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
ਬੰਗਲੁਰੂ ਦੇ ਅਮਰੂਤਾਲੀ ਵਿਚ ਸੋਮਵਾਰ ਨੂੰ ਵੀ ਹਿੰਸਾ ਹੋਈ। ਸਵਰਾਜ ਮੁਹਿੰਮ ਨਾਲ ਜੁੜੀ ਜ਼ਰੀਨ ਤਾਜ ਆਪਣੇ ਬੇਟੇ ਤਬਰੇਜ ਨਾਲ ਬਸਤੀਆਂ ਵਿਚ ਰਾਸ਼ਨ ਵੰਡ ਰਹੀ ਸੀ ਕਿ ਕੁਝ ਲੋਕਾਂ ਨੇ ਉਸ ਨੂੰ ਅਜਿਹਾ ਕਰਨ ਤੋਂ ਰੋਕਿਆ।
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post, 4
ਤਬਰੇਜ਼ ਨੇ ਬੀਬੀਸੀ ਨੂੰ ਦੱਸਿਆ ਕਿ "ਲਗਭਗ 20 ਲੋਕਾਂ ਨੇ ਸਾਨੂੰ ਕਿਹਾ ਕਿ ਉਹ ਹਿੰਦੂਆਂ ਨੂੰ ਭੋਜਨ ਨਾ ਵੰਡਣ, ਇਸਨੂੰ ਆਪਣੇ ਲੋਕਾਂ (ਮੁਸਲਮਾਨਾਂ) ਵਿੱਚ ਵੰਡੋਂ। ਅਸੀਂ ਉਨ੍ਹਾਂ ਨਾਲ ਬਹਿਸ ਨਹੀਂ ਕੀਤੀ ਅਤੇ ਇੱਕ ਨੇੜਲੀ ਕਲੋਨੀ ਵਿੱਚ ਗਏ। ਇਸ ਤੋਂ ਬਾਅਦ, ਭੀੜ ਆਈ ਅਤੇ ਸਾਨੂੰ ਡਾਂਗਾਂ ਨਾਲ ਕੁੱਟਣਾ ਸ਼ੁਰੂ ਕਰ ਦਿੱਤਾ”। ਤਬਰੇਜ਼ ਦੇ ਸੱਜੇ ਹੱਥ ਵਿੱਚ ਤਿੰਨ ਟਾਂਕੇ ਲੱਗੇ ਹਨ ਅਤੇ ਸਿਰ 'ਤੇ ਵੀ ਕੁਝ ਟਾਂਕੇ ਹਨ।
23 ਸਾਲਾ ਤਬਰੇਜ਼ ਇਕ ਕੱਪੜੇ ਦੇ ਸ਼ੋਅਰੂਮ ਵਿਚ ਕੰਮ ਕਰਦਾ ਹੈ ਅਤੇ ਪਿਛਲੇ 14 ਦਿਨਾਂ ਤੋਂ ਯੋਗੇਂਦਰ ਯਾਦਵ ਦੀ ਸੰਸਥਾ ਸਵਰਾਜ ਇੰਡੀਆ ਵੱਲੋਂ ਗਰੀਬਾਂ ਵਿਚ ਰਾਸ਼ਨ ਵੰਡ ਰਿਹਾ ਸੀ। ਇਸ ਮਾਮਲੇ 'ਚ ਪੁਲਿਸ ਨੇ 6 ਅਣਪਛਾਤੇ ਲੋਕਾਂ ਖਿਲਾਫ਼ ਐਫਆਈਆਰ ਦਰਜ ਕੀਤੀ ਹੈ।
ਇੱਥੇ ਅਸੀਂ ਉਨ੍ਹਾਂ ਘਟਨਾਵਾਂ ਬਾਰੇ ਸਿਰਫ ਗੱਲ ਕੀਤੀ ਹੈ ਜੋ ਸੋਸ਼ਲ ਮੀਡੀਆ ਰਾਹੀਂ ਸਾਡੇ ਤੱਕ ਪਹੁੰਚੀਆਂ।
ਕੋਵਿਡ -19 ਇਕ ਮਹਾਂਮਾਰੀ ਹੈ ਜੋ ਕਿਸੇ ਵੀ ਧਰਮ, ਲਿੰਗ ਅਤੇ ਨਸਲ ਤੋਂ ਪਰੇ ਹੈ। ਹਰੇਕ ਵਿਅਕਤੀ ਜੋ ਇਸ ਨਾਲ ਸੰਕਰਮਿਤ ਹੈ ਉਹ ਇਸ ਦੀ ਲਾਗ ਨੂੰ ਅੱਗੇ ਲੈ ਜਾ ਸਕਦਾ ਹੈ।
ਇਹ ਸੱਚ ਹੈ ਕਿ ਦੇਸ਼ ਵਿਚ ਤਬਲੀਗ਼ੀ ਜਮਾਤ ਦੇ ਮਰਕਜ਼ ਤੋਂ ਬਾਅਦ ਕੋਵਿਡ -19 ਦੇ ਸੰਕਰਮਣ ਦੇ ਮਾਮਲੇ ਤੇਜ਼ੀ ਨਾਲ ਵਧੇ ਹਨ।
ਸਿਹਤ ਮੰਤਰਾਲੇ ਦੇ ਸਕੱਤਰ ਲਵ ਅਗਰਵਾਲ ਨੇ ਦੱਸਿਆ ਹੈ ਕਿ ਭਾਰਤ ਵਿਚ ਕੋਵਿਡ -19 ਦੇ 30% ਕੇਸਾਂ ਦੀਆਂ ਤਾਰਾਂ ਤਬਲਗੀ ਜਮਾਤ ਨਾਲ ਜੁੜੀਆਂ ਹੋਈਆਂ ਹਨ, ਪਰ ਹੁਣ ਆਮ ਲੋਕਾਂ ਨਾਲ ਨਾਰਾਜ਼ਗੀ ਰੱਖਣ ਵਾਲੇ ਲੋਕਾਂ ਦਾ ਵੀ ਜਮਾਤ ਨਾਲ ਕੋਈ ਸਬੰਧ ਨਹੀਂ ਹੈ।
ਤਸਵੀਰ ਸਰੋਤ, social media
ਭਾਰਤ ਅਜਿਹਾ ਪਹਿਲਾ ਦੇਸ਼ ਨਹੀਂ ਹੈ ਜਿਥੇ ਕਿਸੇ ਵੀ ਧਰਮ ਨਾਲ ਸਬੰਧਤ ਸੰਸਥਾ ਦੀ ਗਲਤੀ ਕਾਰਨ ਕੋਵਿਡ -19 ਦਾ ਸੰਕਰਮ ਫੈਲਿਆ ਹੈ।
ਦੱਖਣੀ ਕੋਰੀਆ ਦੇ ਡੇਗੂ ਸ਼ਹਿਰ ਵਿੱਚ ਸ਼ਿਨਚੇਂਜੀ ਚਰਚ ਦੇ ਮੁਖੀ ਲੇਹਮਾਨ ਕਾਰਨ ਕੋਰੋਨਾ ਦੇ ਚਾਰ ਹਜ਼ਾਰ ਕੇਸ ਸਾਹਮਣੇ ਆਏ ਹਨ। ਭਾਵ ਦੱਖਣੀ ਕੋਰੀਆ ਦੇ ਕੁਲ ਕੇਸਾਂ ਦਾ 60 ਪ੍ਰਤੀਸ਼ਤ।
ਲੇਹਮਾਨ ਨੂੰ ਦੱਖਣੀ ਕੋਰੀਆ ਵਿਚ ਕੋਰੋਨਾ ਸੰਕਟ ਦਾ ਕੇਂਦਰ ਬਿੰਦੂ ਕਿਹਾ ਜਾਣ ਲੱਗਾ ਹਾਲਾਂਕਿ ਬਾਅਦ ਵਿਚ ਉਸਨੇ ਆਪਣੀ ਗਲਤੀ ਲਈ ਮੁਆਫ਼ੀ ਵੀ ਮੰਗੀ।
ਝੂਠ ਨਫ਼ਰਤ ਫੈਲਾ ਰਿਹਾ ਹੈ
ਕੋਰੋਨਾ ਨੂੰ ਧਰਮ ਨਾਲ ਜੋੜਨ ਦੀ ਇਹ ਪ੍ਰਕ੍ਰਿਆ ਭਾਰਤ ਵਿਚ ਸ਼ੁਰੂ ਨਹੀਂ ਹੋਈ। ਜਾਅਲੀ ਜਾਣਕਾਰੀ ਅਤੇ ਵੀਡੀਓ ਬਹੁਤ ਯੋਜਨਾਬੱਧ ਢੰਗ ਨਾਲ ਫੈਲਾਏ ਗਏ ਹਨ ਅਤੇ ਆਮ ਲੋਕਾਂ ਨੂੰ ਇਹ ਧਾਰਨਾ ਦਿੱਤੀ ਗਈ ਕਿ ਮੁਸਲਮਾਨ ਨਾ ਸਿਰਫ ਕੋਰੋਨਾ ਤੋਂ ਪੀੜਤ ਹਨ, ਬਲਕਿ ਜਾਣ ਬੁੱਝ ਕੇ ਇਸ ਨੂੰ ਫੈਲਾ ਰਹੇ ਹਨ।
ਅਜਿਹੀਆਂ ਬਹੁਤ ਸਾਰੀਆਂ ਨਕਲੀ ਅਤੇ ਗੁੰਮਰਾਹਕੁੰਨ ਵੀਡੀਓ ਸਾਹਮਣੇ ਆਈਆਂ ਜੋ ਕਿ ਜਾਂ ਤਾਂ ਝੂਠੀਆਂ ਸਨ, ਜਾਂ ਉਨ੍ਹਾਂ ਦਾ ਹਵਾਲਾ ਕੁਝ ਹੋਰ ਸੀ।
ਜਾਅਲੀ ਵੀਡੀਓ - ਤਬਲੀਗ਼ੀ ਜਮਾਤ ਨੇ ਪੁਲਿਸ 'ਤੇ ਥੁੱਕਿਆ
ਅਜਿਹੀ ਹੀ ਇਕ ਵੀਡੀਓ ਹੈ ਜਿਸ ਦੇ ਜ਼ਰੀਏ ਇਹ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਜਮਾਤ ਦੇ ਕੋਰੋਨਾ ਸੰਕਰਮਿਤ ਲੋਕਾਂ ਨੇ ਪੁਲਿਸ 'ਤੇ ਥੁੱਕਿਆ ਤਾਂ ਜੋ ਲਾਗ ਉਨ੍ਹਾਂ ਵਿਚ ਫੈਲ ਸਕੇ। ਬੀਬੀਸੀ ਨੇ ਵੀ ਪਿਛਲੇ ਦਿਨੀਂ ਇਸ ਵੀਡੀਓ ਨੂੰ ਤੱਥਾਂ ਤੋਂ ਜਾਂਚਿਆ ਸੀ।
ਵੀਡੀਓ ਮੁੰਬਈ ਦੀ ਸੀ ਜਿਸ ਵਿੱਚ ਇੱਕ ਅੰਡਰ ਟ੍ਰਾਇਲ ਕੈਦੀ ਦੀ ਮੁੰਬਈ ਪੁਲਿਸ ਨਾਲ ਅਦਾਲਤ ਵਿੱਚ ਜਾਣ ਸਮੇਂ ਝੜਪ ਹੋ ਗਈ ਅਤੇ ਉਸਨੇ ਪੁਲਿਸ ‘ਤੇ ਥੁੱਕਿਆ ਪਰ ਵੀਡੀਓ ਇਸ ਦਾਅਵੇ ਨਾਲ ਫੈਲਾਇਆ ਗਿਆ ਕਿ ਜਮਾਤ ਦੇ ਲੋਕ ਇਸ ਤਰ੍ਹਾਂ ਪੁਲਿਸ ਉੱਤੇ ਕੋਵਿਡ -19 ਦੇ ਸੰਕਰਮ ਨੂੰ ਫੈਲਾਉਣ ਲਈ ਥੁੱਕ ਰਹੇ ਹਨ। ਜਦਕਿ ਇਸ ਕੈਦੀ ਦਾ ਇਸ ਸਮੂਹ ਨਾਲ ਕੋਈ ਸਬੰਧ ਨਹੀਂ।
ਨਕਲੀ ਵੀਡੀਓ - ਖਾਣਾ ਪੈਕ ਕਰਦੇ ਸਮੇਂ ਥੁੱਕਦਾ ਮੁਸਲਮਾਨ
2 ਅਪ੍ਰੈਲ ਨੂੰ, ਸੋਨਮ ਮਹਾਜਨ ਨੇ ਇੱਕ ਵੀਡੀਓ ਟਵੀਟ ਕੀਤਾ। 45 ਸੈਕਿੰਡ ਦੇ ਇਸ ਵੀਡੀਓ ਵਿਚ ਇਕ ਮੁਸਲਮਾਨ ਆਦਮੀ ਭੋਜਨ ਪੈਕ ਕਰਦਾ ਹੈ ਅਤੇ ਉਸ ਵਿੱਚ ਮੁੰਹ ਨਾਲ ਫੂੰਕ ਮਾਰਦਾ ਹੈ।
ਸੋਨਮ ਮਹਾਜਨ ਨੇ ਇਸ ਵੀਡੀਓ ਨੂੰ ਟਵੀਟ ਕਰਕੇ ਉਸ ਘਟਨਾ ਨੂੰ ਜਾਇਜ਼ ਠਹਿਰਾਇਆ ਜਿਸ ਵਿੱਚ ਇੱਕ ਵਿਅਕਤੀ ਨੇ ਇੱਕ ਮੁਸਲਮਾਨ ਜ਼ੋਮੈਟੋ ਡਿਲਵਰੀ ਲੜਕੇ ਤੋਂ ਪਾਰਸਲ ਲੈਣ ਤੋਂ ਇਨਕਾਰ ਕਰ ਦਿੱਤਾ ਸੀ।
ਆਲਟ ਨਿਊਜ਼ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਇਸ ਵੀਡੀਓ ਨੂੰ ਅਪ੍ਰੈਲ, 2019 ਤੋਂ ਇੰਡੋਨੇਸ਼ੀਆ, ਸਿੰਗਾਪੁਰ, ਯੂਏਈ ਵਿੱਚ ਵੱਖ-ਵੱਖ ਦਾਅਵਿਆਂ ਨਾਲ ਸਾਂਝਾ ਕੀਤਾ ਗਿਆ ਹੈ।
ਹਾਲਾਂਕਿ ਇਸ ਵੀਡੀਓ ਦੇ ਬਾਰੇ ਵਿਚ ਕੋਈ ਪੱਕਾ ਜਾਣਕਾਰੀ ਨਹੀਂ ਹੈ, ਪਰ ਇਹ ਵੀਡੀਓ ਬਹੁਤ ਪੁਰਾਣੀ ਹੈ। ਇਸ ਦਾ ਕੋਰੋਨਾ ਦੇ ਫੈਲਣ ਨਾਲ ਕੋਈ ਲੈਣਾ ਦੇਣਾ ਨਹੀਂ ਹੈ। ਇਸਨੂੰ ਹੁਣ ਭਾਰਤ ਵਿੱਚ ਨਵੇਂ ਉਦੇਸ਼ਾਂ ਨਾਲ ਸਾਂਝਾ ਕੀਤਾ ਜਾ ਰਿਹਾ ਹੈ।
ਤੱਥ-ਜਾਂਚਕਰਤਾ ਵੈਬਸਾਈਟ ਆਲਟ ਨਿਊਜ਼ ਦੇ ਸੰਸਥਾਪਕ ਪ੍ਰਤੀਕ ਸਿਨਹਾ ਦਾ ਮੰਨਣਾ ਹੈ ਕਿ 30 ਮਾਰਚ ਤੋਂ ਜਾਅਲੀ ਵੀਡੀਓ ਅਤੇ ਸੰਪ੍ਰਦਾਇਕ ਸੁਭਾਅ ਦੇ ਸੰਦੇਸ਼ ਸਾਹਮਣੇ ਆ ਰਹੇ ਹਨ।
ਉਹ ਕਹਿੰਦੇ ਹਨ, "ਬਹੁਤ ਸਾਰੇ ਪੁਰਾਣੇ ਸੰਦੇਸ਼ ਵਾਇਰਲ ਹੋ ਰਹੇ ਹਨ, ਇਹ ਹਾਦਸਾਗ੍ਰਸਤ ਨਹੀਂ ਹੁੰਦੇ, ਕੋਈ ਉਨ੍ਹਾਂ ਨੂੰ ਭਾਲ ਕਰਕੇ ਲਿਆਉਂਦਾ ਹੈ। ਪੂਰਾ ਨੈਟਵਰਕ ਹੈ ਜੋ ਅਜਿਹੇ ਸੰਦੇਸ਼ਾਂ ਨੂੰ ਫੈਲਾਉਂਦਾ ਹੈ। ਜਦੋਂ ਆਮ ਆਦਮੀ ਨੂੰ ਉਸੇ ਤਰ੍ਹਾਂ ਦੇ ਸੰਦੇਸ਼ ਮਿਲਦੇ ਹਨ, ਤਾਂ ਉਸ ਲਈ ਵੀ ਉਨ੍ਹਾਂ 'ਤੇ ਵਿਸ਼ਵਾਸ ਕਰਨਾ ਸੌਖਾ ਹੋ ਜਾਂਦਾ ਹੈ। ਅਸੀਂ ਸਾਰੇ ਉਸ ਵੀਡੀਓ ਵਿਚ ਵਿਸ਼ਵਾਸ ਕਰਦੇ ਹਾਂ ਜੋ ਸਾਡੀ ਵਿਚਾਰਧਾਰਾ ਨਾਲ ਮੇਲ ਖਾਂਦਾ ਹੈ।"
ਦਰਅਸਲ, ਅਜਿਹੀਆਂ ਵੀਡਿਓਜ਼ ਉਦੋਂ ਹੋਰ ਵੀ ਦਿਖਾਈ ਦੇਣੀਆਂ ਸ਼ੁਰੂ ਹੋਈਆਂ ਜਦੋਂ ਉੱਤਰੀ ਰੇਲਵੇ ਦੇ ਬੁਲਾਰੇ ਨੇ ਦਾਅਵਾ ਕੀਤਾ ਕਿ ਤਬਲੀਗ਼ੀ ਜਮਾਤ ਦੇ ਲੋਕ ਤੁਗਲਕਾਬਾਦ ਕੁਆਰੰਟੀਨ ਸੈਂਟਰ ਵਿਖੇ ਸਿਹਤ ਕਰਮਚਾਰੀਆਂ ਉੱਤੇ ਥੁੱਕ ਰਹੇ ਸਨ।
ਹਾਲਾਂਕਿ ਰੇਲਵੇ ਅਥਾਰਟੀ ਦੁਆਰਾ ਇਸ ਘਟਨਾ ਦਾ ਕੋਈ ਵੀ ਵੀਡੀਓ ਜਾਰੀ ਨਹੀਂ ਕੀਤਾ ਗਿਆ ਸੀ, ਪਰ ਬਹੁਤ ਸਾਰੇ ਪੁਰਾਣੇ ਵੀਡੀਓ ਇਸ ਦਾਅਵੇ ਨਾਲ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੇ ਜਾ ਰਹੇ ਹਨ।
ਇਨ੍ਹਾਂ ਨਕਲੀ ਵੀਡਿਓ ਦਾ ਸਭ ਤੋਂ ਜ਼ਿਆਦਾ ਅਸਰ ਮੁਸਲਿਮ ਭਾਈਚਾਰੇ ਦੇ ਉਨ੍ਹਾਂ ਲੋਕਾਂ ‘ਤੇ ਪਿਆ ਹੈ ਜਿਹੜੇ ਹੇਠਲੇ ਆਰਥਿਕ ਵਰਗ ਤੋਂ ਆਉਂਦੇ ਹਨ। ਇਹ ਉਹ ਲੋਕ ਹਨ ਜੋ ਤਬਲੀਗ਼ੀ ਸਮੂਹ ਦੀ ਲਾਪਰਵਾਹੀ ਅਤੇ ਨਕਲੀ ਜਾਣਕਾਰੀ ਦੀ ਕੀਮਤ ਦਾ ਭੁਗਤਾਨ ਆਪਣੀ ਰੋਜ਼ੀ-ਰੋਟੀ ਗੁਆ ਕੇ ਕਰ ਰਹੇ ਹਨ ਅਤੇ ਡਰ ਵਿੱਚ ਰਹਿਣ ਲਈ ਮਜਬੂਰ ਹਨ।
ਇਹ ਵੀਡੀਓਜ਼ ਵੀ ਦੇਖੋ:
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 1
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 2
