ਅਰਸ਼ਦੀਪ ਦੱਖਣੀ ਅਫ਼ਰੀਕਾ ਖ਼ਿਲਾਫ਼ ਬਣੇ ‘ਪਲੇਅਰ ਆਫ਼ ਦਿ ਸੀਰੀਜ਼’, ਦੱਸਿਆ ਕਿਉਂ ਕੀਤੀਆਂ ਵਾਧੂ ਅਪੀਲਾਂ
ਤਸਵੀਰ ਸਰੋਤ, Getty Images
ਦੱਖਣੀ ਅਫ਼ਰੀਕਾ ਦੇ ਖਿਲਾਫ਼ ਤੀਜੇ ਵਨਡੇਅ ਮੈਚ ਵਿੱਚ ਦੀ ਪਾਰੀ ਦਾ 49ਵਾਂ ਓਵਰ ਦੀ ਗੇਂਦ ਸੀ ਤੇ ਸਾਹਮਣੇ ਸੀ ਅਰਸ਼ਦੀਪ ਸਿੰਘ।
ਉਸ ਆਖਰੀ ਗੇਂਦ ਉੱਤੇ ਅਰਸ਼ਦੀਪ ਸਿੰਘ ਨੇ ਸ਼ਾਨਦਾਰ ਛਿੱਕਾ ਲਗਾਇਆ। ਇਸ ਮੈਚ ਵਿੱਚ ਅਰਸ਼ਦੀਪ ਦਾ ਇਹ ਛਿੱਕਾ ਚਰਚਾ ਦਾ ਵਿਸ਼ਾ ਨਹੀਂ ਰਿਹਾ ਸਗੋਂ ਉਨ੍ਹਾਂ ਨੇ ਇਸ ਮੈਚ ਵਿੱਚ ਚਾਰ ਵਿਕਟ ਲਏ।
ਇਸ ਦੇ ਨਾਲ ਹੀ ਅਰਸ਼ਦੀਪ ਸਿੰਘ ਨੂੰ ਮੈਨ ਆਫ ਦਿ ਸੀਰੀਜ਼ ਵੀ ਮਿਲਿਆ।
ਭਾਰਤ ਨੇ ਤੀਜੇ ਅਤੇ ਆਖ਼ਰੀ ਵਨ ਡੇਅ ਕ੍ਰਿਕਟ ਮੈਚ ਵਿੱਚ ਦੱਖਣੀ ਅਫ਼ਰੀਕਾ ਦੀ ਟੀਮ ਨੂੰ 78 ਦੌੜਾਂ ਨਾਲ ਹਰਾ ਕੇ ਤਿੰਨ ਮੈਚਾਂ ਦੀ ਵਨ ਡੇਅ ਸੀਰੀਜ਼ ਉੱਤੇ 2-1 ਨਾਲ ਕਬਜ਼ਾ ਕਰ ਲਿਆ ਹੈ।
ਜਿੱਤ ਲਈ 297 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਵਾਲੀ ਦੱਖਣੀ ਅਫ਼ਰੀਕਾ ਦੀ ਪੂਰੀ ਟੀਮ ਸਿਰਫ਼ 218 ਦੌੜਾਂ ਉੱਤੇ ਆਊਟ ਹੋ ਗਈ।
ਭਾਰਤ ਨੇ 8 ਵਿਕਟਾਂ ਉੱਤੇ 296 ਦੌੜਾਂ ਬਣਾਈਆਂ ਸਨ। ਸੰਜੂ ਸੈਮਸਨ ਨੇ 114 ਗੇਂਦਾਂ ਉੱਤੇ 108 ਦੌੜਾਂ ਬਣਾਈਆਂ। ਉਨ੍ਹਾਂ ਆਪਣੀ ਪਾਰੀ ਵਿੱਚ 6 ਚੌਕੇ ਅਤੇ 3 ਛੱਕੇ ਲਗਾਏ।
ਸੈਮਸਨ ਤੋਂ ਇਲਾਵਾ ਤਿਲਕ ਵਰਮਾ ਨੇ ਆਪਣੇ ਕਰੀਅਰ ਦਾ ਪਹਿਲਾ ਅਰਧ ਸੈਂਕੜਾ ਲਗਾਉਂਦੇ ਹੋਏ 52 ਦੌੜਾਂ ਬਣਾਈਆਂ, ਰਿੰਕੂ ਸਿੰਘ ਨੇ 38 ਦੌੜਾਂ, ਰਜਤ ਪਾਟੀਦਾਰ ਨੇ 22 ਦੌੜਾਂ ਅਤੇ ਕਪਤਾਨ ਕੇ ਐੱਲ ਰਾਹੁਲ ਨੇ 21 ਦੌੜਾਂ ਬਣਾਈਆਂ।
ਸੰਜੂ ਸੈਮਸਨ ਦਾ ਪਹਿਲਾ ਵਨ ਡੇਅ ਸੈਂਕੜਾ, ਅਰਸ਼ਦੀਪ ਸਿੰਘ ਅਤੇ ਵਾਸ਼ਿੰਗਟਨ ਸੁੰਦਰ ਦੀ ਗੇਂਦਬਾਜ਼ੀ ਦੀ ਪਾਰਟਨਰਸ਼ਿਪ ਨੇ ਭਾਰਤ ਦੇ ਹੱਕ ਵਿੱਚ ਤਿੰਨ ਮੈਚਾਂ ਦੀ ਵਨ ਡੇਅ ਸੀਰੀਜ਼ 'ਤੇ ਮੋਹਰ ਲਗਾ ਦਿੱਤੀ। ਇਸ ਤਰ੍ਹਾਂ ਮਹਿਮਾਨ ਭਾਰਤ ਦੀ ਟੀਮ ਨੇ ਬੋਲੈਂਡ ਪਾਰਕ ਵਿੱਚ ਦੱਖਣੀ ਅਫਰੀਕਾ ਨੂੰ 78 ਦੌੜਾਂ ਨਾਲ ਹਰਾ ਦਿੱਤਾ।
ਸੈਮਸਨ ਦੇ ਪਹਿਲੇ ਸੈਂਕੜੇ ਨੇ ਭਾਰਤ ਦੀ ਟੀਮ ਨੂੰ ਪਹਿਲੀ ਪਾਰੀ ਵਿਚ 8 ਵਿਕਟਾਂ 'ਤੇ 296 ਦੌੜਾਂ 'ਤੇ ਪਹੁੰਚਾਇਆ, ਪਰ ਟੋਨੀ ਡਿਜ਼ੋਰਜ਼ੀ ਦੀ ਬੱਲੇਬਾਜ਼ੀ ਨੇ ਦੱਖਣੀ ਅਫ਼ਰੀਕਾ ਟੀਮ ਦੀ ਇਸ ਸਕੋਰ ਵੱਲ ਪਹੁੰਚਦੀ ਦਿਖਾਈ।
ਟੋਨੀ ਨੇ 87 ਗੇਂਦਾਂ ਵਿੱਚ 81 ਦੌੜਾਂ ਬਣਾਈਆਂ, ਹਾਲਾਂਕਿ ਦੱਖਣੀ ਅਫ਼ਰੀਕਾ ਦੇ ਰੀਜ਼ਾ ਹੈਂਡਰਿਕਸ ਅਤੇ ਰੈਸੀ ਵੈਨ ਡੇਰ ਡੁਸਨ ਜਲਦੀ ਆਊਟ ਹੋ ਗਏ।
30ਵੇਂ ਓਵਰ ਵਿੱਚ ਟੋਨੀ ਆਊਟ ਹੋ ਗਏ ਅਤੇ ਇਹ ਕੰਮ ਅਰਸ਼ਦੀਪ ਸਿੰਘ ਨੇ ਆਪਣੇ ਯਾਰਕਰ ਨਾਲ ਕੀਤਾ। ਇਸ ਤੋਂ ਪਹਿਲਾਂ ਟੋਨੀ ਨੇ 6 ਚੌਕੇ ਅਤੇ 3 ਛੱਕੇ ਜੜੇ।
ਤਸਵੀਰ ਸਰੋਤ, Getty Images
ਅਰਸ਼ਦੀਪ ਨੇ ਹੈਂਡਰਿਕਸ ਨੂੰ ਨਵੀਂ ਗੇਂਦ ਨਾਲ ਆਊਟ ਕੀਤਾ ਅਤੇ ਫਿਰ ਕੇਸ਼ਵ ਮਹਾਰਾਜ ਅਤੇ ਲਿਜ਼ਾਦ ਵਿਲੀਅਮਜ਼ ਨੂੰ ਆਪਣੇ ਆਖ਼ਰੀ ਸਪੈਲ ਵਿੱਚ 30 ਦੌੜਾਂ ਦੇ ਕੇ 4 ਵਿਕਟਾਂ ਨਾਲ ਆਊਟ ਕੀਤਾ।
ਵਾਸ਼ਿੰਗਟਨ ਸੁੰਦਰ ਨੇ ਕੁਲਦੀਪ ਯਾਦਵ ਦੀ ਥਾਂ ਤੀਜਾ ਵਨ ਡੇਅ ਮੈਚ ਖੇਡਿਆ।
ਮੁਕੇਸ਼ ਕੁਮਾਰ ਅਤੇ ਅਵੇਸ਼ ਖਾਨ ਨੇ ਵੀ ਕ੍ਰਮਵਾਰ ਡੇਵਿਡ ਮਿਲਰ ਅਤੇ ਹੇਨਰਿਚ ਕਲਾਸੇਨ ਨੂੰ ਆਊਟ ਕੀਤਾ। ਦੱਖਣੀ ਅਫ਼ਰੀਕਾ ਨੇ 12.1 ਓਵਰਾਂ ਵਿੱਚ 3 ਵਿਕਟਾਂ 'ਤੇ 131 ਦੌੜਾਂ ਤੋਂ 7 ਵਿਕਟਾਂ 'ਤੇ 192 ਦੌੜਾਂ ਬਣਾਈਆਂ।
ਵਾਸ਼ਿੰਗਟਨ ਸੁੰਦਰ ਨੇ 38 ਦੌੜਾਂ ਦੇ ਕੇ 2 ਵਿਕਟਾਂ ਲਈਆਂ, ਇੱਥੋਂ ਤੱਕ ਕਿ ਅਰਸ਼ਦੀਪ ਦੇ ਮੈਚ ਜੇਤੂ ਸਪੈਲ ਗੇਂਦ ਦੀ ਤਾਰੀਫ਼ ਹੋਈ।
ਇਸ ਤੋਂ ਪਹਿਲਾਂ ਡੈਬਿਊ ਕਰਨ ਵਾਲੇ ਰਜਤ ਪਾਟੀਦਾਰ, ਉਨ੍ਹਾਂ ਦੇ ਸਾਥੀ ਸਲਾਮੀ ਬੱਲੇਬਾਜ਼ ਬੀ ਸਾਈ ਸੁਦਰਸ਼ਨ ਅਤੇ ਨੰਬਰ 4 ਕੇਐੱਲ ਰਾਹੁਲ ਸਾਰੇ ਮੁਕਾਬਲਤਨ ਘੱਟ ਸਕੋਰ ਉੱਤੇ ਹੀ ਆਊਟ ਹੋ ਗਏ।
ਪਾਟੀਦਾਰ ਨੇ 16 ਗੇਂਦਾਂ ਵਿਚ 22 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ ਸੀ ਪਰ ਨੰਦਰੇ ਬਰਗਰ ਨੇ ਉਨ੍ਹਾਂ ਨੂੰ ਬੋਲਡ ਕਰ ਦਿੱਤਾ। ਸੁਦਰਸ਼ਨ ਨੂੰ ਬਿਊਰਨ ਹੈਂਡਰਿਕਸ ਨੇ ਐੱਲਬੀਡਬਲਯੂ ਆਊਟ ਕੀਤਾ ਜਦਕਿ ਰਾਹੁਲ ਮਲਡਰ ਨੂੰ ਫਲਿੱਕ ਕਰਨ ਦੀ ਕੋਸ਼ਿਸ਼ ਵਿੱਚ ਆਊਟ ਹੋ ਗਏ।
19ਵੇਂ ਓਵਰ ਵਿੱਚ 3 ਵਿਕਟਾਂ 'ਤੇ 101 ਦੌੜਾਂ ਸਨ ਜਦੋਂ ਸੈਮਸਨ ਨੰਬਰ 3 'ਤੇ ਆਏ ਅਤੇ ਤਿਲਕ ਵਰਮਾ ਨੇ ਵਿਚਕਾਰਲੇ ਓਵਰਾਂ ਨੂੰ ਸਾਂਭਿਆ। 136 ਗੇਂਦਾਂ ਵਿੱਚ ਉਨ੍ਹਾਂ ਦੀ 116 ਦੌੜਾਂ ਦੀ ਪਾਰੀ ਨੇ ਮੁਸ਼ਕਲ ਦੌਰ ਵਿੱਚ ਪਾਰੀ ਨੂੰ ਸੰਭਾਲਿਆ ਜਿੱਥੇ ਮਹਾਰਾਜ ਅਤੇ ਮਾਰਕਰਮ ਦੀ ਹੌਲੀ ਸਤਹ ਅਤੇ ਸਟੀਕ ਸਪਿਨ ਗੇਂਦਬਾਜ਼ੀ ਨੇ ਦੌੜਾਂ ਬਣਾਉਣ ਨੂੰ ਮੁਸ਼ਕਲ ਬਣਾ ਦਿੱਤਾ।
ਪਹਿਲੇ 10 ਓਵਰਾਂ ਵਿੱਚ ਭਾਰਤ ਨੇ 59 ਦੌੜਾਂ ਬਣਾ ਕੇ ਸ਼ੁਰੂਆਤੀ ਰਫ਼ਤਾਰ ਕਾਇਮ ਕੀਤੀ ਸੀ। ਪਰ ਜਦੋਂ ਤਿਲਕ ਨੂੰ ਸਪਿਨ ਗੇਂਦ ਨੇ ਘੇਰਾ ਪਾਇਆ ਤਾਂ ਭਾਰਤ ਮੈਚ ਨੂੰ ਗੁਆਉਂਦਾ ਦਿਖਾਈ ਦਿੱਤਾ। 11 ਅਤੇ 30 ਓਵਰਾਂ ਦੇ ਵਿਚਕਾਰ ਉਨ੍ਹਾਂ ਦੀ ਦੌੜਾਂ ਦੀ ਦਰ ਵਿੱਚ ਕਾਫੀ ਗਿਰਾਵਟ ਆਈ, ਕਿਉਂਕਿ ਇਸ ਜੋੜੀ ਨੇ ਹੌਲੀ ਰਫ਼ਤਾਰ ਨਾਲ ਸਕੋਰ ਬਣਾਇਆ, 20 ਓਵਰਾਂ ਵਿੱਚ ਸਿਰਫ਼ 73 ਦੌੜਾਂ ਜੁੜੀਆਂ।
ਤਿਲਕ ਦੇ ਸੰਘਰਸ਼ ਨੇ ਪਾਰਟਨਰਸ਼ਿਪ ਦੇ ਸ਼ੁਰੂਆਤੀ ਪੜਾਅ ਵਿੱਚ ਸੈਮਸਨ ਨੂੰ ਵੀ ਸਟ੍ਰਾਈਕ ਤੋਂ ਬਾਹਰ ਕਰ ਦਿੱਤਾ, ਪਰ ਸੈਮਸਨ ਨੇ ਆਪਣੀ ਪਾਰੀ ਨੂੰ ਘੜਨ ਵਿੱਚ ਸਬਰ ਨਹੀਂ ਗੁਆਇਆ, ਭਾਰਤ ਨੂੰ ਅੱਗੇ ਵਧਣ ਲਈ ਕਦੇ-ਕਦਾਈਂ ਬਾਊਂਡਰੀ ਸ਼ੌਟ ਦੇ ਕੇ ਦਬਾਅ ਨੂੰ ਘੱਟ ਕੀਤਾ।
ਸੈਮਸਨ ਨੇ ਹਾਲਾਂਕਿ ਮੁਕਾਬਲਤਨ ਜ਼ੋਖਮ ਮੁਕਤ ਕ੍ਰਿਕਟ ਖੇਡਿਆ ਤੇ ਭਾਰਤ ਦੇ ਸਕੋਰ ਨੂੰ ਚਲਦਾ ਰੱਖਿਆ। ਉਨ੍ਹਾਂ ਨੇ 86 ਦੌੜਾਂ ਵਾਲੇ ਪਿਛਲੇ ਵਨ ਡੇਅ ਮੈਚ ਦੇ ਹਾਈ ਸਕੋਰ ਨੂੰ ਸੌਖੇ ਹੀ ਪਾਰ ਕੀਤਾ ਅਤੇ 44ਵੇਂ ਓਵਰ ਵਿੱਚ ਇੱਕ ਰਨ ਲੈ ਕੇ ਆਪਣਾ ਪਹਿਲਾ ਸੈਂਕੜਾ ਪੂਰਾ ਕੀਤਾ।
ਲਿਜ਼ਾਦ ਵਿਲੀਅਮਜ਼ ਦੀ ਗੇਂਦ ਨੂੰ ਮੈਦਾਨ ਤੋਂ ਬਾਹਰ ਕਰਨ ਦੀ ਕੋਸ਼ਿਸ਼ ਵਿੱਚ ਸੈਮਸਨ 46ਵੇਂ ਓਵਰ ਵਿੱਚ ਲਗਭਗ 95 ਦੇ ਸਟ੍ਰਾਈਕ ਰੇਟ ਦੇ ਨਾਲ 108 ਦੇ ਸਕੋਰ 'ਤੇ ਆਊਟ ਹੋਏ, ਪਰ ਉਨ੍ਹਾਂ ਦੇ ਸੈਂਕੜੇ ਦਾ ਮਤਲਬ ਸੀ ਕਿ ਕੁਝ ਸਮੇਂ ਬਾਅਦ ਆਤਿਸ਼ਬਾਜ਼ੀ ਹੋਣ ਵਾਲੀ ਹੈ।
ਇਸ ਆਤਿਸ਼ਬਾਜ਼ੀ ਨੂੰ ਅੱਗੇ ਰਿੰਕੂ ਸਿੰਘ ਨੇ ਤੋਰਿਆ ਤੇ 27 ਗੇਂਦਾਂ ਵਿੱਚ 38 ਦੌੜਾਂ ਬਣਾਈਆਂ। ਵਾਸ਼ਿੰਗਟਨ ਤੇ ਅਰਸ਼ਦੀਪ ਨੇ ਵੀ ਮਿਲ ਕੇ 11 ਗੇਂਦਾਂ ਵਿੱਚ 21 ਦੌੜਾਂ ਦਾ ਯੋਗਦਾਨ ਪਾਇਆ। ਇਸ ਨੇ ਭਾਰਤ ਨੂੰ 8 ਵਿਕਟਾਂ 'ਤੇ 296 ਦੌੜਾਂ ਦੇ ਸਕੋਰ 'ਤੇ ਪਹੁੰਚਾ ਦਿੱਤਾ। ਇਸ ਵਿੱਚ ਆਖਰੀ 20 ਓਵਰਾਂ ਵਿੱਚ 164 ਦੌੜਾਂ ਵੀ ਸ਼ਾਮਲ ਸਨ।
‘ਪਲੇਅਰ ਆਫ਼ ਦਿ ਸੀਰੀਜ਼’ ਬਣੇ ਅਰਸ਼ਦੀਪ ਨੇ ਕੀ ਕਿਹਾ
ਤਸਵੀਰ ਸਰੋਤ, Getty Images
ਦੱਖਣੀ ਅਫ਼ਰੀਕਾ ਟੀਮ ਖਿਲਾਫ਼ ਇਸ ਵਨ ਡੇਅ ਸੀਰੀਜ਼ ਵਿੱਚ ਅਰਸ਼ਦੀਪ ਸਿੰਘ ਨੇ ਕੁੱਲ 10 ਵਿਕਟਾਂ ਲ਼ਈ ਅਤੇ ਉਹ ‘ਪਲੇਅਰ ਆਫ਼ ਦਿ ਸੀਰੀਜ਼’ ਬਣੇ।
ਇਹ ਖ਼ਿਤਾਬ ਮਿਲਣ ਤੋਂ ਬਾਅਦ ਅਰਸ਼ਦੀਪ ਸਿੰਘ ਨੇ ਕਿਹਾ, ‘‘ਪਲਾਨ ਸਾਦਾ ਸੀ ਕਿ ਵਿਕਟ ਟੂ ਵਿਕਟ ਬਾਊਲਿੰਗ ਕਰਨੀ ਹੈ ਅਤੇ ਵਿਕਟਾਂ ਲੈਣੀਆਂ ਹਨ। ਜਦੋਂ ਕਈ ਵਾਰ ਵਿਕਟ ਦੇ ਮਾਮਲੇ ਵਿੱਚ ਕੁਝ ਨਹੀਂ ਹੋ ਰਿਹਾ ਹੁੰਦਾ ਤਾਂ ਤੁਹਾਨੂੰ ਅੰਪਾਇਰ ਤੋਂ ਕੁਝ ਸਪੋਰਟ ਦੀ ਲੋੜ ਹੁੰਦੀ ਹੈ, ਇਸੇ ਕਰਕੇ ਮੈਨੂੰ ਬਹੁਤ ਸਾਰੀਆਂ ਅਪੀਲਾਂ ਕਰਨੀਆਂ ਪਈਆਂ।’’
‘‘ਆਈਪੀਐੱਲ ਸਾਡੇ ਨੌਜਵਾਨਾਂ ਲਈ ਬਹੁਤ ਚੰਗਾ ਮੰਚ ਹੈ, ਇੰਟਰਨੈਸ਼ਨਲ ਕ੍ਰਿਕਟ ਅਤੇ ਆਈਪੀਐੱਲ ਦਰਮਿਆਨ ਕੋਈ ਬਹੁਤਾ ਫ਼ਰਕ ਨਹੀਂ ਹੈ। ਤੁਸੀਂ ਇੰਟਰਨੈਸ਼ਨਲ ਕ੍ਰਿਕਟਰਾਂ ਦੀ ਸਮਝ ਨੂੰ ਮਹਿਸੂਸ ਕਰਦੇ ਹੋ ਅਤੇ ਇਸ ਨਾਲ ਮਦਦ ਮਿਲਦੀ ਹੈ। ਸਾਨੂੰ ਖ਼ੁਸ਼ੀ ਹੈ ਕਿ ਸਾਨੂੰ ਸਾਰਿਆਂ ਨੂੰ ਮੌਕੇ ਮਿਲੇ ਹਨ। ਅਸੀਂ ਆਪਣਾ ਯੋਗਦਾਨ ਭਵਿੱਖ ਵਿੱਚ ਦਿੰਦੇ ਰਹਾਂਗੇ ਅਤੇ ਚੰਗਾ ਕਰਾਂਗੇ।’’
ਕਪਤਾਨ ਕੇਐੱਲ ਰਾਹੁਲ ਨੇ ਕੀ ਕਿਹਾ
ਤਸਵੀਰ ਸਰੋਤ, Getty Images
ਕੇਐੱਲ ਰਾਹੁਲ ਨੇ ਕਿਹਾ, ‘‘ਜਦੋਂ ਮੈਂ ਨਿਰਾਸ਼ਾਜਨਕ ਵਿਸ਼ਵ ਕੱਪ ਫਾਈਨਲ ਤੋਂ ਬਾਅਦ ਕੁਝ ਸਮੇਂ ਬਾਅਦ ਦੱਖਣੀ ਅਫਰੀਕਾ ਆਇਆ ਹਾਂ ਤਾਂ ਮੁੰਡਿਆਂ ਦੇ ਆਲੇ ਦੁਆਲੇ ਰਹਿਣਾ ਪਸੰਦ ਹੈ। ਸੰਜੂ ਲਈ ਖੁਸ਼ ਹਾਂ, ਉਹ ਪਿਛਲੇ ਸਾਲਾਂ ਵਿੱਚ ਆਈਪੀਐੱਲ ਵਿੱਚ ਇੱਕ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਿਹਾ ਹੈ।’’
‘‘ਬਦਕਿਸਮਤੀ ਨਾਲ ਅਸੀਂ ਉਸ ਨੂੰ ਨੰਬਰ 3 'ਤੇ ਮੌਕਾ ਨਹੀਂ ਦੇ ਸਕੇ, ਕਿਉਂਕਿ ਸਪੱਸ਼ਟ ਤੌਰ 'ਤੇ ਵਨ ਡੇਅ 'ਚ ਅਜਿਹੇ ਦਿੱਗਜ ਖਿਡਾਰੀ ਹਨ ਜੋ ਉਨ੍ਹਾਂ ਅਹਿਮ ਸਥਾਨਾਂ 'ਤੇ ਕਾਬਜ਼ ਹਨ।’’
‘‘ਖੁਸ਼ੀ ਹੈ ਕਿ ਉਹ ਇੱਥੇ ਆਪਣੇ ਮੌਕਿਆਂ ਨੂੰ ਹਾਸਲ ਕਰਨ ਦੇ ਯੋਗ ਸੀ। ਮੁੰਡਿਆਂ ਨਾਲ ਜਸ਼ਨ ਮਨਾਵਾਂਗੇ ਅਤੇ ਫਿਰ ਇੱਕ-ਦੋ ਦਿਨਾਂ 'ਚ ਟੈਸਟ ਸੀਰੀਜ਼ 'ਤੇ ਧਿਆਨ ਕੇਂਦਰਿਤ ਕਰਾਂਗੇ।’’
‘ਪਲੇਅਰ ਆਫ਼ ਦਿ ਮੈਚ’ ਸੰਜੂ ਸੈਮਸਨ ਨੇ ਕੀ ਕਿਹਾ
ਤਸਵੀਰ ਸਰੋਤ, Getty Images
ਭਾਰਤ ਵੱਲੋਂ ਇਸ ਮੈਚ ਦਾ ਇੱਕੋ-ਇੱਕ ਅਤੇ ਆਪਣੇ ਕਰੀਅਰ ਦਾ ਪਹਿਲਾ ਸੈਂਕੜਾ ਲਗਾਉਣ ਵਾਲੇ ਸੰਜੂ ਸੈਮਸਨ ਨੂੰ ਪਲੇਅਰ ਆਫ਼ ਦਿ ਮੈਚ ਦਾ ਖ਼ਿਤਾਬ ਦਿੱਤਾ ਗਿਆ।
ਆਪਣਾ ਪਹਿਲਾ ਵਨ ਡੇਅ ਸੈਂਕੜਾ ਮਾਰਨ ਵਾਲੇ ਸੰਜੂ ਸੈਮਸਨ ਇਸ ਗੱਲ ਤੋਂ ਬੇਹੱਦ ਖ਼ੁਸ਼ ਹਨ।
ਉਹ ਕਹਿੰਦੇ ਹਨ, ‘‘ਖ਼ਾਸ ਤੌਰ 'ਤੇ ਨਤੀਜੇ 'ਤੇ ਧਿਆਨ ਦਿੰਦੇ ਹੋਏ, ਇਸ 'ਤੇ ਮਾਣ ਹੈ। ਸਖ਼ਤ ਮਿਹਨਤ ਕੀਤੀ ਹੈ। ਇਹ ਫਾਰਮੈਟ ਤੁਹਾਨੂੰ ਵਿਕਟ ਅਤੇ ਗੇਂਦਬਾਜ਼ ਦੀ ਮਾਨਸਿਕਤਾ ਨੂੰ ਸਮਝਣ ਲਈ ਕੁਝ ਵਾਧੂ ਸਮਾਂ ਦਿੰਦਾ ਹੈ।’’
‘‘ਕ੍ਰਮ ਦੇ ਸਿਖਰ 'ਤੇ ਬੱਲੇਬਾਜ਼ੀ ਕਰਨ ਨਾਲ ਤੁਹਾਨੂੰ ਉਹ 10-20 ਵਾਧੂ ਗੇਂਦਾਂ ਮਿਲਦੀਆਂ ਹਨ। ਪੂਰੇ ਦੇਸ਼ ਨੂੰ ਇਸ ਗੱਲ 'ਤੇ ਬਹੁਤ ਮਾਣ ਹੈ ਕਿ ਤਿਲਕ ਵਰਮਾ ਜਿਸ ਤਰ੍ਹਾਂ ਅੱਗੇ ਵਧਿਆ ਹੈ, ਉਸ ਤੋਂ ਹੋਰ ਵੀ ਬਹੁਤ ਉਮੀਦਾਂ ਹਨ।’’
‘‘ਸੀਨੀਅਰਾਂ ਨੇ ਭਾਰਤੀ ਕ੍ਰਿਕਟ ਦੇ ਮਾਪਦੰਡ ਬਣਾਏ ਹਨ ਅਤੇ ਜੂਨੀਅਰ ਆ ਕੇ ਕੰਮ ਕਰ ਰਹੇ ਹਨ। ਇਹ ਬਹੁਤ ਆਸਾਨ ਨਹੀਂ ਹੈ, ਸਫ਼ਰ ਕਰਨਾ ਅਤੇ ਹਰ 2-3 ਦਿਨ ਖੇਡਣਾ ਪਰ ਉਹ ਕੰਮ ਪੂਰਾ ਕਰ ਰਹੇ ਹਨ।"
