ਆਈ ਫਲੂ: ਅਚਾਨਕ ਇਸਦੇ ਮਾਮਲੇ ਕਿਉਂ ਵਧ ਰਹੇ ਹਨ, ਕੀ ਹਨ ਲੱਛਣ ਅਤੇ ਬਚਾਅ ਦੇ ਤਰੀਕੇ

ਹੜ੍ਹਾਂ ਜਾਂ ਮੀਂਹ ਦਾ ਪਾਣੀ ਭਰਨ ਤੋਂ ਬਾਅਦ ਅਕਸਰ ਹੀ ਕਈ ਪ੍ਰਕਾਰ ਦੀਆਂ ਬਿਮਾਰੀਆਂ ਫੈਲਣ ਦਾ ਖਤਰਾ ਵਧ ਜਾਂਦਾ ਹੈ।

ਇਨ੍ਹੀਂ ਦਿਨੀਂ ਮਲੇਰੀਆ, ਡੇਂਗੂ ਆਦਿ ਦੇ ਜੋਖਮ ਦੇ ਨਾਲ-ਨਾਲ ਆਈ ਫਲੂ ਵੀ ਤੇਜ਼ੀ ਨਾਲ ਫੈਲ ਰਿਹਾ ਹੈ।

ਆਈ ਫਲੂ, ਅੱਖਾਂ ਨਾਲ ਸਬੰਧਿਤ ਇੱਕ ਪ੍ਰਕਾਰ ਦੀ ਲਾਗ ਹੈ, ਜਿਸ ਵਿੱਚ ਅੱਖਾਂ ਵਿੱਚ ਸੋਜਸ਼ ਆ ਜਾਂਦੀ ਹੈ, ਰੜਕ ਪੈਂਦੀ ਹੈ, ਖੁਜਲੀ ਹੁੰਦੀ ਅਤੇ ਕਈ ਵਾਰ ਦਰਦ ਵੀ ਹੁੰਦਾ ਹੈ।

ਇਸ ਨੂੰ 'ਪਿੰਕ ਆਈ' ਅਤੇ ਕੰਨਜਕਟਿਵਾਇਟਿਸ ਵੀ ਕਿਹਾ ਜਾਂਦਾ ਹੈ।

ਰਾਜਧਾਨੀ ਦਿੱਲੀ ਅਤੇ ਪੰਜਾਬ ਵਿੱਚ ਵੀ ਹਾਲ ਦੇ ਦਿਨਾਂ ਵਿੱਚ ਆਈ ਫਲੂ ਦੇ ਕਈ ਮਾਮਲੇ ਸਾਹਮਣੇ ਆਏ ਹਨ।

ਆਈ ਫਲੂ ਦੇ ਕੀ ਕਾਰਨ ਹਨ, ਇਹ ਕਿੰਨੇ ਪ੍ਰਕਾਰ ਦਾ ਹੁੰਦਾ ਹੈ, ਇਸ ਦੇ ਲੱਛਣ ਕੀ ਹਨ, ਇਹ ਕਿਵੇਂ ਫੈਲਦਾ ਹੈ, ਇਸ ਤੋਂ ਕਿਵੇਂ ਬਚਿਆ ਜਾ ਸਕਦਾ ਹੈ, ਆਓ ਜਾਣਦੇ ਹਾਂ...

ਆਈ ਫਲੂ ਜਾਂ ਕੰਨਜਕਟਿਵਾਇਟਿਸ ਦੇ ਮੁੱਖ ਕਾਰਨ

ਅਮੈਰੀਕਨ ਅਕੈਡਮੀ ਆਫ਼ ਓਪਥੈਲਮੋਲਾਜੀ ਅਤੇ ਅਪੋਲੋ ਫਾਰਮੈਸੀ ਦੀ ਵੈੱਬਸਾਈਟ 'ਤੇ ਦਿੱਤੀ ਜਾਣਕਾਰੀ ਮੁਤਾਬਕ, ਇਹ ਵਾਇਰਸ, ਬੈਕਟੀਰੀਆ ਜਾਂ ਐਲਰਜੀ ਕਾਰਨ ਹੋ ਸਕਦਾ ਹੈ।

ਬੈਕਟੀਰੀਆ ਅਤੇ ਵਾਇਰਸ ਤੋਂ ਹੋਣ ਵਾਲਾ ਆਈ ਫਲੂ ਆਸਾਨੀ ਨਾਲ ਇੱਕ ਵਿਅਕਤੀ ਤੋਂ ਦੂਜੇ ਵਿਅਕਤੀ ਵਿੱਚ ਫੈਲ ਜਾਂਦਾ ਹੈ। ਜਦਕਿ ਐਲਰਜੀ ਵਾਲਾ ਫਲੂ ਇਸ ਤਰ੍ਹਾਂ ਨਹੀਂ ਫੈਲਦਾ।

1. ਵਾਇਰਲ ਆਈ ਫਲੂ

ਵਾਇਰਲ ਕੰਨਜਕਟਿਵਾਇਟਿਸ ਇਸ ਫਲੂ ਦੀ ਸਭ ਤੋਂ ਆਮ ਕਿਸਮ ਹੈ। ਇਸ ਸੌਖਿਆਂ ਹੀ ਫੈਲ ਸਕਦਾ ਹੈ ਅਤੇ ਅਕਸਰ ਸਕੂਲਾਂ ਅਤੇ ਹੋਰ ਭੀੜ ਵਾਲੀਆਂ ਥਾਵਾਂ ਰਾਹੀਂ ਫੈਲਦਾ ਹੈ।

ਇਸ ਵਿੱਚ ਆਮ ਤੌਰ 'ਤੇ ਅੱਖਾਂ ਵਿਚੋਂ ਪਾਣੀ ਨਿਕਲਣਾ, ਜਲਣ ਹੋਣਾ ਅਤੇ ਅੱਖਾਂ ਦੇ ਲਾਲ ਹੋਣ ਵਰਗੀਆਂ ਦਿੱਕਤਾਂ ਆਉਂਦੀਆਂ ਹਨ।

ਇਹ ਆਮ ਤੌਰ 'ਤੇ ਉਸੇ ਵਾਇਰਸ ਕਾਰਨ ਹੁੰਦਾ ਹੈ ਜੋ ਆਮ ਜ਼ੁਕਾਮ ਵਾਲੇ ਲੋਕਾਂ ਵਿੱਚ ਵਗਦੇ ਨੱਕ ਅਤੇ ਗਲੇ ਵਿੱਚ ਖਰਾਸ਼ ਦਾ ਕਾਰਨ ਬਣਦਾ ਹੈ।

2. ਬੈਕਟੀਰੀਅਲ ਆਈ ਫਲੂ

ਬੈਕਟੀਰੀਅਲ ਕੰਨਜਕਟਿਵਾਇਟਿਸ ਵੀ ਛੂਤ ਵਾਲਾ ਹੁੰਦਾ ਹੈ ਅਤੇ ਇਸ ਵਿੱਚ ਵੀ ਅੱਖਾਂ ਲਾਲ ਹੋਣ ਦੀ ਸ਼ਿਕਾਇਤ ਹੁੰਦੀ ਹੈ।

ਇਸ ਨਾਲ ਪੀੜਤ ਹੋਣ 'ਤੇ ਅੱਖ ਵਿੱਚ ਬਹੁਤ ਜ਼ਿਆਦਾ ਚਿਪਚਿਪਾ ਪੀਲਾ-ਹਰਾ ਜਿਹਾ ਪਾਣੀ ਨਿਕਲਦਾ ਹੈ ਅਤੇ ਦਰਦ ਹੁੰਦਾ ਹੈ।

ਮੀਂਹ ਦੇ ਮੌਸਮ ਵਿੱਚ ਵਿਰਲਾਂ ਅਤੇ ਬੈਕਟੀਰੀਆ ਵਾਲੇ ਆਈ ਫਲੂ ਦਾ ਖ਼ਤਰਾ ਕਾਫ਼ੀ ਵਧ ਜਾਂਦਾ ਹੈ।

3. ਐਲਰਜੀ ਵਾਲਾ ਆਈ ਫਲੂ

ਐਲਰਜੀ ਕੰਨਜਕਟਿਵਾਇਟਿਸ ਜਾਂ ਆਈ ਫਲੂ ਐਲਰਜੀ ਕਾਰਨ ਹੁੰਦਾ ਹੈ। ਇਹ ਸਿਗਰਟ ਦੇ ਧੂੰਏਂ, ਕਾਰ ਦੇ ਧੂੰਏਂ ਜਾਂ ਧੂੜ ਆਦਿ ਸਣੇ ਕਈ ਚੀਜ਼ਾਂ ਨਾਲ ਹੋ ਸਕਦਾ ਹੈ, ਜਿਨ੍ਹਾਂ ਤੋਂ ਕਿਸੇ ਵਿਅਕਤੀ ਨੂੰ ਐਲਰਜੀ ਹੋਵੇ।

ਉਹ ਉਪਰੋਕਤ ਦੋ ਕਿਸਮਾਂ ਵਾਂਗ ਛੂਤਕਾਰੀ ਨਹੀਂ ਹੈ। ਹਾਲਾਂਕਿ ਇਸ ਵਿੱਚ ਵੀ ਅੱਖਾਂ ਲਾਲ ਹੋ ਜਾਂਦੀਆਂ ਹਨ, ਪਾਣੀ ਨਿਕਲਦਾ ਹੈ ਅਤੇ ਖੁਜਲੀ ਹੁੰਦੀ ਹੈ।

ਫਲੂ ਦੇ ਇਨ੍ਹਾਂ ਤਿੰਨ ਪ੍ਰਕਾਰ ਤੋਂ ਇਲਾਵਾ ਲੰਮੇ ਸਮੇਂ ਤੱਕ ਅੱਖਾਂ 'ਚ ਲੈਂਸ ਪਾਉਣ ਕਾਰਨ ਅਤੇ ਸਵਿਮਿੰਗ ਪੂਲ ਆਦਿ 'ਚ ਤੈਰਾਕੀ ਕਾਰਨ ਵੀ ਅੱਖਾਂ ਦਾ ਫਲੂ ਹੋ ਸਕਦਾ ਹੈ।

ਤੁਹਾਨੂੰ ਇਸ ਦੀ ਲਾਗ ਕਿਵੇਂ ਲੱਗ ਸਕਦੀ ਹੈ

ਬੈਕਟੀਰੀਆ ਅਤੇ ਵਾਇਰਲ ਵਾਲਾ ਆਈ ਫਲੂ ਬਹੁਤ ਛੂਤਕਾਰੀ ਹੋ ਸਕਦਾ ਹੈ ਅਤੇ ਇਸ ਦੀ ਲਾਗ ਦੇ ਮੁੱਖ ਕਾਰਨ ਹਨ:

ਕੀ ਹਨ ਆਈ ਫਲੂ ਦੇ ਲੱਛਣ

ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ ਅਤੇ ਪ੍ਰਿਵੈਂਸ਼ਨ ਦੀ ਵੈੱਬਸਾਈਟ 'ਤੇ ਦਿੱਤੀ ਜਾਣਕਾਰੀ ਮੁਤਾਬਕ, ਆਈ ਫਲੂ ਦੇ ਲੱਛਣ ਇਸ ਪ੍ਰਕਾਰ ਹੋ ਸਕਦੇ ਹਨ:

ਹਾਲਾਂਕਿ ਇਨ੍ਹਾਂ ਤੋਂ ਇਲਾਵਾ ਕੁਝ ਹੋਰ ਲੱਛਣ ਵੀ ਹੋ ਸਕਦੇ ਹਨ

ਮੀਂਹ ਵੇਲੇ ਕਿਉਂ ਵਧ ਜਾਂਦੀ ਹੈ ਇਹ ਸਮੱਸਿਆ

ਦਰਅਸਲ, ਮੀਂਹ ਦੇ ਮੌਸਮ 'ਚ ਹੁੰਮਸ ਬਹੁਤ ਜ਼ਿਆਦਾ ਹੁੰਦੀ ਹੈ, ਜਿਸ ਨਾਲ ਵਾਇਰਸ ਨੂੰ ਫੈਲਣ ਚ ਮਦਦ ਮਿਲਦੀ ਹੈ।

ਹਵਾ ਵਿੱਚ ਨਮੀ ਹੋਣ ਕਾਰਨ ਇਹ ਲਾਗ ਲੰਮੇ ਸਮੇਂ ਤੱਕ ਰਹਿੰਦੀ ਹੈ।

ਸਾਨੂੰ ਵਾਰ-ਵਾਰ ਪਸੀਨਾ ਆਉਂਦਾ ਹੈ ਅਤੇ ਇਸ ਕਾਰਨ ਅਸੀਂ ਆਪਣਾ ਚਿਹਰਾ ਪੂੰਝਦੇ ਰਹਿੰਦੇ ਹਾਂ ਅਤੇ ਇਸੇ ਦੌਰਾਨ ਅੱਖਾਂ ਨੂੰ ਵੀ ਹੱਥ ਲੱਗਦੇ ਰਹਿੰਦੇ ਹਨ।

ਇਨ੍ਹਾਂ ਸਾਰੇ ਕਾਰਨਾਂ ਕਰਕੇ ਹੀ ਅੱਖਾਂ 'ਚ ਇਨਫੈਕਸ਼ਨ ਹੋ ਜਾਂਦਾ ਹੈ ਅਤੇ ਆਈ ਫਲੂ ਦਾ ਕਾਰਨ ਬਣਦਾ ਹੈ।

ਆਈ ਫਲੂ ਤੋਂ ਕਿਵੇਂ ਬਚਿਆ ਜਾਵੇ

ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ ਅਤੇ ਪ੍ਰਿਵੈਂਸ਼ਨ ਮੁਤਾਬਕ, ਚੰਗੀ ਸਫਾਈ ਅਤੇ ਕੁਝ ਸਧਾਰਨ ਕਦਮਾਂ ਦੀ ਪਾਲਣਾ ਕਰਕੇ ਆਈ ਫਲੂ ਫੈਲਣ ਦੇ ਜੋਖਮ ਨੂੰ ਬਹੁਤ ਘੱਟ ਕੀਤਾ ਜਾ ਸਕਦਾ ਹੈ।

ਜੇਕਰ ਤੁਹਾਨੂੰ ਆਈ ਫਲੂ ਹੋ ਗਿਆ ਹੈ ਤਾਂ...

ਜੇਕਰ ਤੁਸੀਂ ਲਾਗ ਵਾਲੇ ਵਿਅਕਤੀ ਨੇੜੇ ਹੋ ਤਾਂ ਵੀ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖੋ ਅਤੇ ਲੱਗ ਵਾਲੇ ਵਿਅਕਤੀ ਦਾ ਸਮਾਨ ਇਸਤੇਮਾਲ ਕਰਨ ਤੋਂ ਬਚੋ, ਉਨ੍ਹਾਂ ਦੇ ਜ਼ਿਆਦਾ ਨੇੜੇ ਨਾ ਰਹੋ ਅਤੇ ਆਪਣੀ ਸਾਫ਼-ਸਫ਼ਾਈ ਦਾ ਵਿਸ਼ੇਸ਼ ਧਿਆਨ ਰੱਖੋ।

ਇਸੇ ਤਰ੍ਹਾਂ ਇੱਕ ਵਾਰ ਲੱਗ ਦੇ ਸੰਪਰਕ ਵਿੱਚ ਆਉਣ ਤੋਂ ਬਾਅਦ, ਉਨ੍ਹਾਂ ਚੀਜ਼ਾਂ ਨੂੰ ਪੂਰੀ ਤਰ੍ਹਾਂ ਸਾਫ਼ ਕਰੋ ਜੋ ਤੁਸੀਂ ਲਾਗ ਵੇਲੇ ਵਰਤੀਆਂ ਸਨ। ਜੇ ਕੋਈ ਚੀਜ਼ ਸੁੱਟਣ ਵਾਲੀ ਹੈ ਤਾਂ ਉਸ ਨੂੰ ਸੁੱਟ ਦੇਵੋ ਨਹੀਂ ਤਾਂ ਸੈਨੇਟਾਈਜ਼ਰ ਅਤੇ ਸਾਬਣ ਆਦਿ ਨਾਲ ਸਾਫ ਕਰੋ।

ਅਜਿਹਾ ਕਰਨ ਨਾਲ ਤੁਸੀਂ ਦੂਜੀ ਵਾਰ ਲਾਗ ਹੋਣ ਤੋਂ ਬਚ ਸਕਦੇ ਹੋ।

ਲਾਗ ਹੋਣ 'ਤੇ ਡਾਕਟਰ ਨਾਲ ਸੰਪਰਕ ਜ਼ਰੂਰ ਕਰੋ ਅਤੇ ਉਨ੍ਹਾਂ ਦੇ ਦੱਸੇ ਮੁਤਾਬਕ ਹੀ ਹੀ ਆਈਡ੍ਰਾਪਸ ਵਰਤ ਜਾਂ ਇਲਾਜ ਕਰਵਾਉ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTER ਅਤੇ YouTube 'ਤੇ ਜੁੜੋ।)