वामिका : विराट कोहली आणि अनुष्का शर्माच्या मुलीचे फोटो व्हायरल

बॉलिवूड अभिनेत्री अनुष्का शर्मा आणि क्रिकेटपटू विराट कोहली यांची मुलगी वामिकाचे फोटो सोशल मीडियावर व्हायरल झाले आहेत.

अनुष्का शर्मा ही भारत आणि दक्षिण आफ्रिकेविरुद्धचा तिसरा एकदिवसीय सामना पाहायला पोहोचली होती.

या सामनादरम्यानचे अनुष्का आणि वामिकाचे फोटो सोशल मीडियावर प्रचंड व्हायरल झालेत. या फोटोत वामिका तिच्या आईच्या कडेवर दिसत आहे.

स्टेडियमच्या स्टॅंडवर वामिका तिच्या आईच्या कडेवर असून वडील विराट कोहलीचा खेळ पाहत असल्याचं दिसून येतं.

याआधी विराट आणि अनुष्काने वामिकाचे फोटो सोशल मीडियावर शेअर केले, पण त्यांनी कधीच तिचा चेहरा दाखवला नाही. आता पहिल्यांदाच सोशल मीडियावर वामिकाचा चेहरा दिसत आहे.

अनुष्काचं आवाहन

हे फोटो व्हायरल झाल्यानंतर अनुष्कानं सोशल मीडियावर पोस्ट लिहित आवाहन केलं आहे.

तिनं म्हटलंय, "काल स्टेडियममध्ये आमच्या मुलीचे फोटो काढण्यात आले आणि त्यानंतर ते मोठ्या प्रमाणावर शेअर करण्यात आले आहेत. पण, कॅमेरा आमच्यावर होता, हे आम्हाला त्यावेळी ठाऊक नव्हतं. आम्ही अचानक त्यात कैद झालो.

"याप्रकरणी आमची भूमिका कायम आहे. वामिकाचे फोटो न काढणं किंवा शेअर न करणं यालाच आमची पसंती आहे. यासाठीचं कारणं आम्ही मागेच सांगितलं आहे."

हेही वाचलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.

बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.

'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)