Мурдагы депутат Марат Аманкулов узакка созулган оорудан улам көз жумду
Сүрөттүн булагы, social media
Жогорку Кеңештин мурдагы депутаты, Бишкек шаардык кеңешинин мурдагы төрагасы Марат Аманкулов кайтыш болду. Бул тууралуу анын партиялашы Чынасыл Чыныбаев Би-Би-Сиге билдирди.
Чыныбаевдин айтымында Аманкулов узакка созулган оорудан улам бүгүн эртең менен көз жумду, сөөгү 2-январда жерге берилет.
Марат Аманкулов 2012-жылы Кыргызстан социал-демократиялык партиясынан (КСДП) Бишкек шаардык кеңешининин депутаты болгон, кийин төрагалыгын жетектеген. 2015-жылы Жогорку Кеңешке депутаттыкка шайланган.
2019-жылдан тарта "Биримдик" партиясынын жетекчиси болуп, 2020-жылы октябрь окуяларынан кийин лидерликти тапшырган.
2021-жылы Улуттук коопсуздук мамлекеттик комитети Аманкуловго Кылмыш-жаза кодексинин 323-беренеси ("Мыйзамсыз баюу") менен иш козгоп, кийин Борбордук шайлоо комиссиясы Аманкуловду мандатынан ажыраткан.
Аманкулов 55 жашта болчу.
