NA EME UGBU A, E gbuola onye na-eyi ndụ egwu dịka ndịagha napụtara mmadụ 19

Mkpuchi Na Eme Ozugbo

Michael Ngene, Chinonso Ugorji, Uzoamaka Ewuzie, Ikechukwu Kalu, Michael Ilediagu, Adline Okere, Marvelous Obomanu, Uche Akolisa

1. nkeji 55 gara agaDon-Anele Munachimso emeriela n'asọmpi onye kachasị mara 'Maths' n'Ọwụwa Anyanwu

   

   Ebe foto si, Alex Onyia/X

   Otu nwata akwụkwọ na-agụ n'ụlọakwụkwọ 'Diamond Special College Owerri, Imo steeti emerịala n'asọmpi ndị kachasị mara mgbakọ na mwepụ n'Ọwụwa-Anyanwụ a kpọrọ, ''South East Mathematics Olympiad' e mere na nsonso a.

   Munachimso ritere nde naịra ise maka mmeri ya ma ritekwara onye nkụzi ya otu nde naịra.

   N'okwu ya, onye nkụzi ya bụ Maazị Anthony Iwuegbu kwuru na mmeri ahụ gosiri na "ịgba mbọ na ịgụsi akwụkwọ ike nwere ụgwọ ọrụ."

   Nwataakwụkwọ onyenkuzi ya pịanyere n'ọnọdụ ọdị ndụ ọnwụ ka mma anwụọla

   Aka akparala nwoke kere nwa ya nwaanyị agbụ n’ime ụlọ ruo otu ọnwa

   Abia Baby Factory: "Mama ukwu anyị sị na ọ na-ekunye gọọmentị ụmaụaka anyị na-amụ"

2. otu elekere gara agaE gbuola onye oyindụegwu, dịka ndịagha napụtara mmadụ 19

   

   Ebe foto si, Getty Images

   Ndịagha 7 Guards Battalion, Guards Brigade nke ụlọorụ ndịagha Naịjirịa anapụtala mmadụ iri na itoolu a tọọrọ, ma memilaa otu onye a na-enyo enyo na ọ na-eyi ndụ egwu.

   Nke a mere oge ndị nchekwa buru agha a haziri nke ọma n’isi obodo Naịjirịa bụ Abuja.

   Onye na-arụgodu ọrụ dịka osote ọnụ na-ekwuchitere ndịagha n’isi ụlọọrụ Guards Brigade bụ Lieutenant Olawuyi Itunuoluwa kpughere nke a n’ozi o wepụtara n’ụbọchị Satọde, abalị asaa nke ọnwa Maachị, afọ 2026.

   Ozi ahụ kwuru na ọ bụ n’akụkụ Gidan Dogo dị na mpaghara ọchịchị ime obodo Bwari ka ndịagha kpara ike ahụ site n’ozi bara uru ha nwetara gbasara ndị oyindụegwu aka ha dị na ntọrị ndị bi na mpaghara Byazhin dị na Bwari.

   Ndịagha buru agha ahụ site na njikọaka ndị uweojii Naịjirịa nakwa ndị nche obodo.

   Ozi ruru anyị aka kwuru na a na-elekọta ndị ahụ a napụtara anya, dịka ndịagha laghachiri n’ogige 'Forward Operating Base' dị na Bwari, iji gaa n’ihu na-akpagharị na mpaghara ahụ maka igbochi mpụ na omekome.

   Akụkọ ndị ọzọ ga-amasị gị:

   * Ọtụtụ ndị mmadụ na ụgbọala amalitela ịkwụ n'ahịrị n'ihi mbuli ọnụego mmanụ ụgbọala na Naịjirịa

   * Gọvanọ Ebonyi Steeti enyela iwu ka e mee nnyocha maka ogbugbu e gburu Eze Francis Igwe

   * Ihe m jiri anya m hụ ka m jiri ọgbaatumtum gaa Jamini - Nwaanyị na-agba ọgbaatumtum

3. elekere 2 gara agaỤmụ Igbo, ụtụtụ ọma nụ ooo, Ka ụbọchị taa maara onye niile mma

   Obi aṅụrị ka anyị ji anabata gị n'ọgbakọ BBC Igbo n'ụbọchị taa bụ Sọnde Nkwọ, 8 Maachị 2026.

   Gaa n'ihu nọnyere anyị maka inweta akụkọ ndị mere n'ala Igbo, na Naịjirịa, n'Afrịka nakwa n'ụwa dum gbaa gburugburu.

   E chefukwala isonyere anyị na Facebook, Instagram nakwa WhatsApp chanelụ maka akụkọ ndị ahụ na-amasị gị.

   Anyị ji obi ụtọ na-asị gị nnọọ!