Africa Games 2019: Ụmụ Igbo kpokọtara ọla n'asọmpi
Ebe foto si, Uche Eke/Debbie Ukeh
- Onye dere ya, Chimamaka Ihenacho
- Ndị mere akụkọ a, Broadcast Journalist, Igbo
Ụmụ Igbo gosiri na ha bụ atakata a gbọọ dịka ha so kpokọọ ọla dị iche iche n'asọmpi Africa Games e mere na mba Moroko n'ọnwa Ọgọstụ 2019.
Igbo nwere mmadụ n'ezie. Nke a gosiri onwe ya n'asọmpi a, dịka ha nọ na-atụtụ ọla n'akanri na akaekpe.
Naịjirịa nwetara mkpokọta ihe nrite 127 n'asọmpi a, mana lee ndị Igbo so tụkọta ihe nrite ndị ahụ.
Eze Joy Ogbonne
Ebe foto si, Facebook/ Ogbonne
Ogbonne a mụrụ ụbọchị isii nke ọnwa Juun 2004, gara asọmpi ahụ bụrụ 'agụ'.
Nwaada a kpokọtara ọlaedo atọ.
Ọ bụ onye Ebonyi steeti.
Amalaha Joy Chika
Ebe foto si, Getty Images
Amalaha a mụrụ ụbọchị 28 nke ọnwa Ọktoba 1997, ji aka na-ekpokọ ọla n'asọmpi ibuli igwe e ji akpụ ụzụ.
O nwetara otu ọlaedo na ọlaọcha abụọ na nke afọ 2019 a.
N'afọ 2014, o nwetara ihe nrite ọlaedo n'asọmpi Commonwealth, mana a napụrụ ya mmeri ahụ makana a chọtara 'ọgwụ ike' n'ahụ ya.
Ọ bụ onye Abịa steeti.
Kalu King
Ebe foto si, Facebook/Kalu King
Kalu a mụrụ ụbọchị 11 nke ọnwa Nọvemba 1995, tụtụchara ọla atọ a na-enye n'asọmpi ibuli igwe.
O nwetara otu ọlaedo, otu ọlaọcha na otu ọlanchara.
Ọ nọchitekwara anya Naịjirịa n'asọmpi Commonwealth nke afọ 2014.
Eke Uche Devon
Ebe foto si, Instagram/Uchemantellem
Eke a mụrụ ụbọchị 12 nke ọnwa Ọgọstụ 1997, nwetara ọla abụọ n'imegharị na ịgbatị ahụ nke a kpọrọ 'Gymnastics'.
O nwetara otu ọlaedo na otu ọlanchara.
Ọ bụ onye Amaukwu, Imo steeti a mụrụ na mba Amerịka.
Akano Desmond
Ebe foto si, Facebook/Akano Desmond
Akano a mụrụ ụbọchị 30 nke ọnwa Septemba 1997, nwetara ihe nrite abụọ n'asọmpi ibuli igwe.
O nwetara ọlaọcha abụọ.
Ọ bụ onye Imo steeti.
Nwaokolo Augustina Nkem
Ebe foto si, Getty Images
Nwaokolo a mụrụ ụbọchị 12 nke ọnwa Disemba 1992, nwetara ihe nrite atọ n'asọmpi ibuli igwe.
O nwetara ọlanchara atọ.
O ritekwara ọlaedo n'asọmpi Commonwealth nke afọ 2010.
Ukeh Uchechukwu Deborah
Ebe foto si, Facebook/Debbie Ukeh Divine
Ukeh a mụrụ ụbọchị 12 nke ọnwa Nọvemba 1996, nwetara ihe nrite abụọ n'asọmpi 'Badminton'.
O nwetara otu ọlaedo na otu ọlaọcha.
Ọlaọcha ya bụ nke ya na Dorcas Adesokan so pịata.
Ndị a niile bụ ndị nwetara ihe nrite karịrị otu.
Ndị Igbo ndị ọzọ sokwa nweta ihe nrite dịka n'ọsọ, bọọlụ nakwa egwuregwu ndị ọzọ.
Akụkọ ndị a ga-amasị gị:
Ihe nkiri a ga-amasị gị:
