Petroleum Industry Bill: Ọ gịnị bụ PIB a onyeisiala Muhammadu Buhari debanyere n'iwu?

2 Julaị 2021

Femi Adesina bụ ọnye ndụmọdụ pụrụiche onyeisiala Naijirịa edepụtala akwụkwọ ozi were sị na onyeisiala Muhammadu Buharị edebanyela iwu Petroleum Industrial Bill n'iwu Naijirịa.

O kọwara na ọ bụ dịka Buhari dopuru onwe ya iche dịka iwu covid-19 siri kwuo maka ndị mere njem ka ọ debanyere ya bụ iwu n'akwụkwọ iwu Naijirịa.

Adesina kwuru sị, "Mmemme maka ya bụ iwu ọhụrụ ga-ebido n'ụbọchị wenezde dịka oge ndopu iche ya gwụchara".

Ọ kọwara na ndị omeiwu ukwu wepụtara ya bụ iwu ka atulee n'ụbọchị iri na ise nke ọnwa Julaị 2021, ebe ndị ụlọ omeiwu nta wepụtara ya bụ iwu n'ụbọchị iri na isii nke ọnwa Julaị 2021, nke a mere ka ihe echewere kamgbe mbido afọ ndị 2000 bịa na mmezu.

Ihe dị mkpa i kwesịrị ịma maka iwu 'Petroleum Industry Bill'

Nkọwa foto, Iwu PIB ga-achịkọta mmepụta mmanụ agbịdị na Naịjirịa

N'ụbọchị Tọzde, abalị mbụ nke ọnwa Julaị afọ 2020, ụlọomeiwu Naịjirịa - nke ukwu na nke nta - binyere aka n'iwu a kpọrọ 'Petroleum Industry Bill' maọbụ PIB n'ịchafụ.

Ọ bụrụ na Onyeisiala Muhammadu Buhari kwadoo iwu a, ọ ga-abụzi iwu ga na-achịkọta mmepụta nakwa ire mmanụ agbịdị na Naịjirịa.

Ọtụtụ na-ekwu na nke a bụ otu ọkpụrụkpụ ihe nke ndị omeiwu mepụtarala.

Mana ndị ọzọ na-ajụ sị, "gịnị bụ PIB?"

Skip Akachasị Gụọ and continue reading

Akachasị Gụọ

End of Akachasị Gụọ

Nkọwa maka PIB

Nkọwa foto, Celestine Akpobari bụ onye na-agba mbọ ka gọọmentị Naịjirịa mezie mpaghara Ogoni, Rivers steeti, ebe mmanụ agbịdị mebiri

Mmanụ agbịdị - maọbụ 'crude oil na bekee - bụ otu ngwaahịa kacha enye Naịjirịa ego.

Ya mere o ji dị mkpa na a ga-enwe iwu doro anya na-ahụ maka mmepụta ya bụ mmanụ.

Ka ọ dị ugbua, iwu na-achịkọta mmepụta na orire mmanụ na Naịjirịa bụ nke a kpọrọ 'Petroleum Act' nke afọ 1969 nakwa 'Petroleum Profit Tax (PPT) Act 1959'.

E nwekwara ụmụ kịrịkịrị iwu ndị ọzọ na-ahụ maka ngalaba dị icheiche dị na mmepụta mmanụ.

Mana n'ihi mgbanwe nke na-apụta ihe kwa ụbọchị, ọ dị mkpa ka e nwee iwu ọhụrụ zuru oke nke ga-ahụ maka ọdachi niile si na mmepụta mmanụ.

Aha onyonyo, Naịjirịa kwụsị ịtụkwasị obi n'elu mmanụ agbịdị - Moghalu

Ọdachi ndị a gụnyere:

Mmebi okirikiri ebe a na-egwupụta mmanụ
Mpụ na nrụrụaka
Ọrụ dịịrị ụlọọrụ na-emepụta mmanụ
Ihe kwesịrị irute obodo ndị mmanụ dị na be ha, wdg.

Nkọwa foto, Umaru Yar'Adua bụ onyeisiala mbụ wegara iwu PIB n'ụlọomeiwu Naịjirịa n'afọ 2008

Ọ bụ Olusegun Obasanjo tụpụtara alo iwepụta iwu PIB n'afọ 2000, mana ọ bụ Musa Yar'Adua wegara iwu a n'ụlọomeiwu Naịjirịa n'afọ 2008

Kamgbe ahụ ruo taa, Naịjirịa enweela ndị isi ala anọ, mana iwu PIB enwebeghị isi.

Oge Buhari batara n'ọchịchị, o kere PIB ụzọ anọ. Ha bụ:

'Petroleum Industry Governance Bill' - PIGB
'Fiscal Regime Bill'
'Upstream and Mainstream Administration Bill', na
'Petroleum Host Communities Bill'

Nkọwa foto, Bukola Saraki binyere aka n'iwu PIGB oge ọ bụ onye isi SIneti, mana Onyeisiala Buhari akwadoghị ya bụ iwu

Na 2017, ụlọomeiwu nta binyere aka n'iwu PIGB. Ndị Sineti binyekwara ya aka n'ọnwa Jenụwarị 2018.

Mana Onyeisiala Buhari akwadoghị ya bụ iwu tupu agba nke mbụ ọchịchị ya abịa n'isi njedebe na 2019.

N'ọnwa Sepụtemba 2020, Buhari wegara iwu PIB ọhụrụ n'ụlọomeiwu ka ha lebaa ya anya.

Ọ bụ iwu nke a ka ndị omeiwu kwadoro n'ụbọchị Tọzde.

Ihe ndị gbara ọkpụrụkpụ n'iwu PIB nke a

PIB — Nkọwa foto, Iwu ọhụrụ a ga-eme ka mmepe bata n'obodo ndị nwere mmanụ na be ha

NNPC agaghị abụzị ụlọọrụ gọọmentị nwe, kama ọ ga-abụzi ụlọorụ onwe (private limited company) nke ndị mmadụ nkịtị nwere ike ịzụta oke n'ime ya.
Pasentị iri atọ n'ime ọmụrụnwa NNPC ka a ga-eji na-achọkwa mmanụ agbịdị n'akụkụ dị icheiche na Naịjirịa.
Ndị obodo mmanụ dị na ya ga-enweta pasentị ise maọbụ pasentị atọ n'ime ego si na mmanụ ahụ
Ụlọọrụ na-emepụta mmanụ agbịdị ga-ahụ maka mmezi ihe ọbụla mebiri n'okirikiri ebe ha na-arụ ọrụ
Ọ ga-eme ka o doo anya ụtụisi ego ole ụlọọrụ na-egwupụta mmanụ ga na-akwụ gọọmentị