Tracy Zille: Onye bụdị Tracy Zille a ndị Nigeria kpụ n'ọnụ na soshal midia?

Nkọwa foto, Tracy Zillie nwere mmadụ karịrị puku iri isi na-eso na Twitter

6 Jenụwarị 2021

Oge e ji agụ akụkọ nkeji 3

Kemgbe o wepụtara na nsonso a ozi ndị e nwere ike ịkpọ 'ikpu nkata n'ihu gwa eze okwu' nke metụtara ndị isiojii Afrika na ndị ndu ha, aha @TracyZille na-ewu na Twitter na Naijiria nakwa Afrịka niile.

N'ozi o wepụtara n'ụtụtụ Wenezde, abali isii nke ọnwa Jenụwarị afọ 2020, Tracy Zille kwuru na "ndị ndu Afrịka na-aga ụlọọgwụ ala Bekee. Ọ bụrụ na e mepụtara ọgwụ mgbochi n'Afrịka, ndị ndu Afrịka ga-ahapụ ya gawa Alabekee ịga gba ọgwụ mgbochi."

Ọ gara n'ihu kwuo na ọrịa Covid-19 bụ ihe ncheta na ndị mpụ na-edu Afrịka enweghị mgbe anya ha dị n'ọganihu Afrịka.

Okwu ahụ dịka ịwasara ahụhụ nnu Bekee dịka ọtụtụ ụmụ Afrịka ruru otu puku tinyere ọnụ n'okwu akụ , ebe ndị ọzọ kekọrịtara ya na-egbughị oge.

Ihe ndị mmadụ na-ajụ bụ onye bụ 'nwaaanyị' a obi kara ịkpọ okwu aha na atụghị ụjọ ọbụla ịgwa ndị isiojii Afrịka ebe ha si adajọ n'okwu mmepe obodo na ọganihu mpaghara ahụ?

N'akara Twitter ya, naanị ihe ị ga-ahụ dịka nkọwa onye ọ bụ bụ "Aha m bụ Tracy Zille. Nke a bụ ọba ozi m," nakwa foto nwaanyị onye ọcha.

Mana, na-agbanyeghị na ọ bụ n'ọnwa Juune afọ 2020 ka o mepere ọba ozi ahụ nke e chere n'ọ bụ onye Saụt Afrịka nwe ya, mana ọbaozi ya na-apụ ọkụ dịka o nwere mmadụ puku iri ise na itoolu na ụma isii(59,600 ) na-eso ya na Twitter.

A na-eche na ọ bụ okwu na-ese okwu ọ na-edepụtakarị bụ ihe na-adọtara ya ndị mmadụ.

Skip Akachasị Gụọ and continue reading

Akachasị Gụọ

End of Akachasị Gụọ

Skip X post

Hapụ X ihe dị na ya?

Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

Warning: Third party content may contain adverts

End of X post

Content is not available

View content on XBBC anaghị ahụta maka ọdịnaya nke saịtị ndị dị na mpụga.s

Nke a bụ n'ihi na oge ụfọdụ, Tracy Zille na-akwa ndị isiojii emo maka ọnọdụ "ohu" ha nọ na ya n'ihi ihe ndị ndu ha nakwa ndịọcha gbakọtara aka na-eme ha.

Ngalaba na-ahụ maka ikike dịrị onye na Saụt Afrịka bụ South African Human Rights Commission (SAHRC) kwuru n'afọ 2020 na ha ga-akpụpụ onye nwe ọbaozi Tracy Zille nke ha akpọghị aha ya ụlọikpe maka okwu asị (hate speech).

Mana onye bụdị 'Tracy Zille'

Ọtụtụ ndị mmadụ na-ahụta Tracy Zille ka nwaanyị onyeọcha onye Saut Afrika na-agba mbọ maka ọdimma ndị isiojii Afrịka.

Mana ndị ịma ihe ekwe na-akụ na-ekwu na ọ bụghị nwaanyị nwe ọbaozi ahụ, kama ọ bụ ọbaozi adigboroja nke otu onye ndọrọndọtọ ọchịchị Saut Afrịka ji achụ akpa ya.

A na-enyo ọbaozi Tracy Ville dịka nke e ji arata ndị mmadụ site n'ikwu okwu na-akpa oke agbụrụ(Saụt Afrịka bụ ebe oke agbụrụ nnwere ntọala) iji dọta ndị mmadụ gaa na websaiti atọ ebe a na-agbasa ozi maka ịnweta ọrụ iji si na ya rite ego 'Google Adsence' maka mmadụ ole a dọtara na websaiti ahụ.

Ụlọọrụ na-eme nchọpụta maka akụkọ ụgha a kpọrọ 'Africa Check' kwuru na Tracy Zille bụ akara obaozi adigboroja.

AfricaCheck na ụlọọrụ nnyocha miri emi nke Atlantic Council nwe bụ "Digital Forensic Research Lab" (DFRLab) gbara n'anwụ na @TracyZille bụ ọbaozi adigboroja nke otu na-agba onya ego nke otu onye n'ime otu "Economic Freedom Fighters (EFF), nwe."

Economic Freedom Fighters (EFF) otu ndọrọndọrọ ọchịchị mba Saụt Afrịka na-anọghị na gọọmenti nke onye ndọrọndọrọ ọchịchị a ma ama bụ Julius Malema hiwere n'afọ 2013.

Ewezụga, ịgbasa ozi na-ese okwu,Tracy Zille na-ejikarị akara Twitter ya agbasaozi ọrụ maka ndị na-achọ ọrụ.

'Africa Check' na-akọwa na websaiti atọ ndị Tracy Zille na-adọga ndị mmadụ na ya bụ nke otu nwoke a ma ama mana nwoke ahụ agọọla na o nweghị ihe gbasara ya n'akara Tracy Zille.