Stanley Okoro, onye ihe ejije a ma ama alaala mmụọ

12 Ọgọọst 2021

Igwe mmadụ si mpaghara Naijiria dị iche iche, ọkachasị ndị na-eme ejije tụrụ n'Amabriba dị n'Ananri, Enugwu Steeti, n'ngwụrụ Stanley Okoro n'abali Ọnwa Ọgọstụ, afọ 2021.

Okoro, onye e ji 'Ibu Junior' mara nwụrụ n'abalị 11 nke ọnwa Ọgọstụ afọ 2021 ka ọ gbachara afọ 29, dịka ọ rịachara ọrịa nwa oge.

Igbe ozu Stanley Okoro — Nkọwa foto, E mere mmmemme olili Ozu Stanley Okoro na ngwuru nna ya dị na n'Amabriba, Okpuru Ọchịchị Ananri,Enugwu Steeti

Tupu ụbọchi olili ya, a mụrụ Okoro anya abali n'Owere, Imo steeti, bụ ebe o bi were na-eme ihe ejije.

Maleek Milton na Destiny Etiko na ndí ózó

Stanley Okoro, onye ihe ejije a ma ama alaala mụọ

Anyammiri na arịrị ejuola ọtụtụ ndị na-eme ejijje na ndị ihe ha na-amasị ọnụ dịka ọ pụtara ihe na Stanley Okoro, onye ihe ejije Nollywood a ma ama alaala mụọ ka ọ gbachara afọ 29.

Dịka otu enyi ya ma bụrụkwa onye nchịkọta otu jikọrọ ndị na-eme ihe ejije a kpọrọ 'Actors Guild of Nigeria', ngalaba nke Ọlụ, bụ Holy Chidi Okorie, siri gwa BBC Igbo, Okoro nwụrụ ụnyahụ bụ Wenezde, abalị 11 nke ọnwa Ọgọstụ afọ 2021 ka ọ rịachara ọrịa obere oge.

Okorie sịrị, "Nwanne ụnyahụ ka o kwuru na obi na-atachị ya, (breathlessness), ọ naghị ejelikwa ije n'ihi na ụkwụ ya zara aza."

"E bugara ya ebe a na-agwọ ya. Ụtụtụ ụnyaahu (11/08/2021), o bilie gagharịcha, mana oge mgbede, ozi bịara na ọ nwụọla."

Ọnwụ Okoro na-abịa abalị ole na ole onye ejije Nollywood ọzọ bụ Rich Oganiru nwụchara ka ọ rịachara ọrịa ogologo oge.

Skip Akachasị Gụọ and continue reading

Akachasị Gụọ

End of Akachasị Gụọ

Ihe ndị ịmaghị maka Stanley Okoro:

Okoro bụ onye Enugwu steeti
Ọ gbara afọ 29 tupu ọ nwụọ n'abalị 11 nke ọnwa Ọgọstụ, afọ 2021
Ọtụtụ ihe ndị mmadụ ji mara onye ọkpaọchị a bụ 'Stanley Rabbi', ebe ụfọdụ ji 'Ibu Junior' mara ya.
O sonyela n'ọtụtụ ihe onyonyo gụnyere "Marrige War", bụ ebe o mere agwa 'osinri'.
Ejije ndị ọzọ o soro bụ; "The Pocket Book" "50 Cent", the "Tailor" "Behind the Mask", "The Dark Knight"na ndị ọzọ.