An kashe jami'an tsaro 24 a Buni Yadi

Karanta rubutu kawai domin rage cin data
Mazauna garin sun ce 'yan Boko Haram ne suka kai harin.
Bayanan hoto, Mazauna garin sun ce 'yan Boko Haram ne suka kai harin.

Rahotanni daga garin Buni Yadi na Jihar Yobe sun ce an kashe jami'an tsaro kusan 24 a wani hari da 'yan Boko Haram suka kai a sansanin jami'an soji a jihar.

Mazauna garin sun ce 'yan Boko Haram din sun je garin cikin arayin motoci goma da mota mai suka daya.

A cewar 'yan garin, 'yan Boko Haram din sun ce sun zo daukar fansa a kan sojoji ne a don haka ba za su taba fararen hula ba.

'Yan Boko Haram din kuma sun kona gine-gine ciki hadda gidan Hakimin garin da motocinsa.

Wata majiyar tsaro a Nigeria ta shaidawa BBC cewar an kashe sojoji 11 da 'yan sanda 13 a harin da ya aka kai a yammacin ranar Litinin.

Jihar Yobe na daga cikin jihohi uku da ke karkashin dokar ta baci, kuma 'yan Boko Haram na yawan kai hare-hare a Jihar.

Harin na zuwa ne a daidai lokacin da 'yan Boko Haram ke ci gaba da rike 'yan matan Chibok da suka sace fiye da makonni shida da suka wuce.