Budget 2022 : બજેટમાં તમારા ફાયદાનું શું? નાણામંત્રીએ કઈ-કઈ જાહેરાતો કરી?

નાણામંત્રી નિર્મલા સીતારમણે આજે સંસદમાં બજેટ 2022-2023 રજૂ કર્યું. તેમનું ભાષણ લગભગ બે કલાક ચાલ્યું.

બજેટની મુખ્ય વાતો પર નજર કરીએ તો બજેટમાં વ્યક્તિગત કરવેરામાં કોઈ ફેરફાર નથી કરવામાં આવ્યો તથા ડિજિટલ રૂપિયા અંગે જાહેરાત કરવામાં આવી હતી.

નાણામંત્રી દ્વારા વ્યક્તિગત કરના દરમાં કોઈ ફેરફાર નથી કરવામાં આવ્યો. નવો કોઈ કર લાગુ નથી કરવામાં આવ્યો કે કોઈ નવી રાહત નથી આપવામાં આવી.

કૉંગ્રેસના મહાસચિવ રણદીપ સુરજેવાલાએ ટ્વિટર ઉપર લખ્યું, "મહામારીના સમયમાં પગારમાં ઘટાડા તથા મોંઘવારીને કારણે પીડાતા પગારદાર વર્ગ તથા મધ્યમ વર્ગ માટે રાહતની અપેક્ષા રાખવામાં આવતી હતી. પરંતુ નાણામંત્રી તથા વડા પ્રધાને સીધા કરવેરાની બાબતમાં નિરાશ કર્યા છે. આ ભારતના પગારદાર તથા મધ્યમવર્ગ સાથે દગો છે."

બજેટ ભાષણની શરૂઆતમાં નાણામંત્રીએ કહ્યું કે તેમની સરકાર વિકાસ અને ગરીબોના ભલા માટે પ્રતિબદ્ધ છે.

નિર્મલા સીતારમણે ઍર ઇન્ડિયાને તાતા પાસે જવા તથા ભારતીય જીવન વીમા નિગમ (એલઆઈસી)ના આઈપીઓ જલદી લાવવાની વાતને પોતાની સરકારની ઉપલબ્ધિઓ ગણાવી.

તેમણે કહ્યું કે તેમની સરકાર સમાવેશી વિકાસના પથ પર આગળ વધી રહી છે.

તેમણે કહ્યું કે આ વર્ષે ભારતના અર્થતંત્રમાં વૃદ્ધિના દરનો અંદાજ નવ ટકાથી ઉપર છે અને આ દુનિયાના મહાકાય અર્થતંત્રોથી પણ વધારે છે.

નાણાકીય વર્ષ 2025-26 સુધી રાજસ્વ ઘટ જીડીપીના 4.5 ટકા સુધી પહોંચવાની વાત હતી. 2022-23માં રાજસ્વ ઘટ જીડીપીના 6.4 ટકા રહેવાનું અનુમાન છે.

2021-22માં સંધોશિત રાજસ્વ ઘટ જીડીપીના 6.9 ટકા રહેવાની વાત કહેવામાં આવી હતી. 2022-23માં કુલ ખર્ચ 39.45 ટ્રિલિયન રૂપિયા હશે.

નાણામંત્રીની મુખ્ય જાહેરાતો

યુવાનો, ઉદ્યોગો અને રોજગાર સંબંધિત જાહેરાતો

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો