#sareeflow : સાડી, સ્પૉર્ટ્સ શૂઝ અને હુલા હૂપનું અનોખું મિશ્રણ રજૂ કરતાં એશ્ના કુટ્ટી - સોશિયલ

તમે સાડી પહેરીને શું કરી શકો છો? કૂદવું, નાખવું, ચાલવું કે તેનાથી ઘણું વધારે.. પણ શું તમે સાડીમાં હુલા હૂપ નૃત્ય કરી શકો છો?

અમે વાત કરી રહ્યાં છીએ #sareeflow નામના હેશટેગની જે સોશિયલ મીડિયા પર વાઇરલ થઈ રહ્યો છે.

આ હેશટેગની શરૂઆત દિલ્હીનાં એક હુલાહૂપ ડાન્સ એશ્ના કુટ્ટીએ કરી હતી. આ ત્યારે થયું જ્યારે એશ્નાએ સાડી પહેરીને 'સસુરાલ ગેંદા ફૂલ' ગીત સાથે હુલા હૂપિંગનો વીડિયો પોસ્ટ કર્યો.

અસાધારણ દેખાતો આ ડાન્સ હવે વાઇરલ થઈ ગયો છે અને લોકો તેને ખૂબ પ્રેમ આપી રહ્યાં છે. એશ્નાએ આ વીડિયોમાં પોતાનાં માતાની સાડી અને સ્પૉર્ટ્સ શૂઝ પહેર્યાં છે. અને આ વીડિયોને અત્યાર સુધી લાખો વ્યૂ મળી ગયા છે.

એશ્નાએ પોતાની ઇન્સ્ટાગ્રામ પોસ્ટમાં લખ્યું છે "#sareeflow ટ્રૅન્ડની શરૂઆત એટલે નથી કેમ કે હું સાડીનો સારો વીડિયો બનાવવા માગતી હતી. પરંતુ હું એ કહેવા માગું છું કે એક મહિલા હોવાનાં દબાણ વગર પણ તેને પહેરવી કેટલી આરામદાયક છે અને તેનાથી ખૂબ ખુશી થશે."

એશ્નાનાં આ વીડિયોને લોકોએ ખૂબ પસંદ કર્યો છે. તેમાં આનંદ મહિન્દ્રા તેમજ ગેંદા ફૂલ ગીતનાં ગાયિકા રેખા ભારદ્વાજનો પણ સમાવેશ થાય છે.

એશ્ના કુટ્ટીનો વીડિયો વાઇરલ થયા બાદ લોકો તેમનાં ખૂબ વખાણ કરી રહ્યાં છે.

કોણ છે એશ્ના કુટ્ટી?

હિંદુસ્તાન ટાઇમ્સમાં પ્રકાશિત અહેવાલ પ્રમાણે એશ્ના કુટ્ટી દિલ્હીની લેડી શ્રી રામ કૉલેજના વિદ્યાર્થિની રહ્યાં છે.

તેઓ છેલ્લા પાંચ વર્ષથી હુલા હૂપ શીખવી રહ્યાં છે.

કોરોના વાઇરસના કારણે છેલ્લા છ મહિનાથી તેઓ હુલા હૂપના ઑનલાઇન ક્લાસ ચલાવી રહ્યાં છે.

શું છે હુલા હૂપ ડાન્સ?

તમે ઘણી વખત લોકોને પ્લાસ્ટિકની રિંગ લઈને કમરની ચારે તરફ ફેરવતા જોયા હશે.

આ એક પ્રકારની કસરત છે જેનાથી વજન ઓછું કરવામાં મદદ મળે છે. આ જ કસરતને લોકો હુલા હૂપના નામે ઓળખે છે.

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો