સરકારે મંજૂરી આપી એ નાકથી લેવાતી નેઝલ વૅક્સિન શું છે અને ક્યારે મળશે?

ચીનમાં કોરોના વાઇરસના નવા પ્રકારે કેર વર્તાવ્યો છે. આથી ગુજરાત સહિત ભારતમાં પણ કોરોના વાઇરસ મામલે ફરી તંત્ર દ્વારા તૈયારીઓ શરૂ કરી દેવાઈ છે.

વડા પ્રધાન નરેન્દ્ર મોદીએ પણ ગુરુવારે હાઈલેવલ મિટિંગ લીધી હતી અને સંબંધિત અધિકારીઓને જરૂરી સૂચના આપી છે.

તો ભારત બાયૉટેકની નીડલ ફ્રી નેઝલ કોવિડ વૅક્સિનને 18 વર્ષથી વધુ ઉંમરના લોકો માટે બૂસ્ટર ડોઝ તરીકે મંજૂરી પણ અપાઈ છે.

નાકથી લઈ શકાય તેવી આ વૅક્સિન માટે ઇન્જેક્શનની જરૂર નથી હોતી. આ ખાનગી ક્લિનિક્સ પર ઉપલબ્ધ હશે અને જલદી જ આ કોવિન પ્લૅટફૉર્મ પર લૉન્ચ કરવામાં આવશે.

સમાચાર સંસ્થા એએનઆઈએ આધિકારિક સૂત્રોને ટાંકતા લખ્યું છે કે ભારત સરકારે નેઝલ વૅક્સિનને મંજૂરી આપી છે જે પહેલાં ખાનગી હૉસ્પિટલ્સમાં ઉપલબ્ધ બનશે. આ નેઝલ રસીને કોરોના વૅક્સિન રસીકરણ કાર્યક્રમમાં શુક્રવારથી સામેલ કરાશે.

એનડીવીટીના અહેવાલ અનુસાર આ ભારતમાં નિર્મિત ટુ ડ્રૉપ વૅક્સિન iNCOVACC કોવિન ઍપ પર શુક્રવારે સાંજે ઉપલબ્ધ હશે.

ભારત બાયૉટેક કંપની આ રસીનું નિર્માણ કરી રહી છે અને હાલ ખાનગી કેન્દ્રો પર જ ઉપલબ્ધ હશે.

આ હિટિરોલોગસ બૂસ્ટર ડોઝ હોવાને કારણે કોવિશિલ્ડ અને કોવૅક્સિન લીધી હોય તે પણ નેઝલ વૅક્સિન લઈ શકે છે.

નીડલ ફ્રીન વૅક્સિનને ઇમર્જન્સી યૂઝ માટે મર્યાદિત વપરાશ માટે નવેમ્બર મહિનામાં ડ્રગ કંટ્રોલર જનરલ ઑફ ઇન્ડિયા દ્વારા મંજૂરી અપાઈ હતી.

કેવી રીતે લઈ શકાશે આ રસી?

રસી અને પરીક્ષણ

કોરોના વાઇરસ સામે સૌપ્રથમ સ્વદેશી વૅક્સિન વિકસાવનારી હૈદરાબાદસ્થિત કંપની ભારત બાયોટૅક દ્વારા આ રસી તૈયાર કરવામાં આવી છે.

ડ્રગ્સ કંટ્રોલર જનરલ ઑફ ઇન્ડિયા દ્વારા ફેબ્રુઆરી 2021માં આ નાક મારફત અપાતી વૅક્સિનને મંજૂરી આપવામાં આવી હતી.

દેશનાં ચાર શહેર ચેન્નાઈ (તામિલનાડુ), નાગપુર (મહારાષ્ટ્ર), હૈદરાબાદ (તેલંગણા) અને પટણા (બિહાર) એમ ચાર શહેરની ચાર હૉસ્પિટલમાં 175 તંદુરસ્ત લોકો પર તેનું પરીક્ષણ હાથ ધરવામાં આવ્યું હતું.

જેમના પર પરીક્ષણ હાથ ધરવામાં આવ્યું છે, તેમાં 18થી 60 વર્ષની ઉંમરનાં મહિલાઓ અને પુરુષોનો સમાવેશ થાય છે.

ભારત બાયૉટેક 24 વર્ષથી વૅક્સિન બનાવે છે તથા તે 123 દેશોમાં 16 અલગ-અલગ પ્રકારની રસીઓની નિકાસ કરે છે, તેણે નેશનલ ઇન્સ્ટિટ્યૂટ ઑફ વાઇરૉલૉજી દ્વારા આપવામાં આવેલા કોરોના વાઇરસના નમૂનાનો ઉપયોગ કર્યો હતો. ભારતમાં ઉપલબ્ધ વૅક્સિનોમાંથી તે એકમાત્ર સ્વદેશી છે.

આંતરરાષ્ટ્રીય યાત્રા માટે સરકારે નવા નિયમ જાહેર કર્યા, શું-શું બદલાયું?

ભારત સરકારે આંતરરાષ્ટ્રીય યાત્રાઓને લઈને નવાં દિશાનિર્દેશ જાહેર કર્યાં છે. આ નવા નિયમો કેટલાક દેશોમાં કોરોનાના વધતા મામલાને કારણે બનાવાયા છે.

નવા નિયમો વિદેશોથી ભારત આવનારા યાત્રીઓ, ઍરપૉર્ટ, પૉર્ટ અને જમીનની સરહદ પર લાગુ થશે. આ નિયમ 24 ડિસમેબર, 2022થી લાગુ થઈ જશે.

આ નિયમો ત્રણ ભાગમાં વહેંચાયેલા છે. પહેલો નિયમ યાત્રાની તૈયારી દરમિયાન, બીજો નિયમ યાત્રા દરમિયાન અને ત્રીજો યાત્રા ખતમ થાય ત્યારે પાળવાનો રહેશે.

શું છે નવા નિયમો?

તમે બીબીસી ગુજરાતીને સોશિયલ મીડિયા પર અહીં ફૉલો કરી શકો છો

Facebook પર સમાચાર વાંચવા અહીં ક્લિક કરો.

Instagram પર બીબીસી ગુજરાતીને અહીં ફૉલો કરો.

YouTube પર બીબીસી ગુજરાતીના વીડિયો જોવા માટે અહીં ક્લિક કરો.

Twitter પર બીબીસી ગુજરાતીની ફૉલો કરવા અહીં ક્લિક કરો.