Euro 2020: Harry Kane avuga ko intego ari ukugera kuri 'final' nyuma yo gusezerera Ubudage

Inyandiko gusa
Bamwe mu bakinnyi b'Ubwongereza bishimira intsinzi

Ahavuye isanamu, Getty Images

Insiguro y'isanamu, Ubwongereza bumaze gutsinda ibitego bine muri iri rushanwa, ntiburinjizwa igitego

Kapiteni w'ikipe y'igihugu y'Ubwongereza Harry Kane yemera ko "nta kindi kintu kiruta" kuba iyi kipe yaraye isezereye Ubudage ku bitego 2-0.

Avuga ko abakinnyi bagenzi be bafite icyerekezo cy'aho bashaka kujya nyuma yo kugera muri kimwe cya kane cya Euro 2020.

Ku munota wa 86 Kane yatsinze igitego cya kabiri cy'iyi kipe - izwi nka Three Lions - nyuma yuko Raheem Sterling yari yafunguye izamu ku munota wa 75.

Ni bwo bwa mbere Ubwongereza bwongeye gutsinda Ubudage mu mukino wo gukuranamo (knockout) wo mu irushanwa rikomeye kuva ku mukino wo mu gikombe cy'isi cyo mu 1966, hari ku itariki ya 30 y'ukwezi kwa karindwi.

Kane, w'imyaka 27, yagize ati: "Ikipe iyo ari yo yose izatureba imenye ko dukaze".

"Nta kindi kintu kiruta ibi [iyi ntsinzi] aho twageze ku byo twari twitezweho, rero bikwiye kudutera ishema - ariko ntidushobora guhagararira hano. Dufite icyerekezo cy'aho dushaka kujya kandi ntidushobora guhagarara ubu".

"Twizeye ko tuzagaruka hano [ku kibuga cya Wembley] muri kimwe cya kabiri no ku mukino wa nyuma".

Hagati aho, Minisitiri w'intebe w'Ubwongereza Boris Johnson yashimiye iyi kipe ku gutsinda Ubudage, ayisaba "kukizana [igikombe] imuhira".

Skip Ibisomwa cane and continue reading
Ibisomwa cane

End of Ibisomwa cane

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa

BBC ntibazwa ibivuye ku zindi mbuga.

Ubwongereza buzakina na Ukraine ku wa gatandatu i Roma mu Butaliyani mu mukino wo gushaka itike ya kimwe cya kabiri. Ukraine yasezereye Sweden (Suède) ku bitego 2-1.