Ers nifer o flynyddoedd bellach bum yn defnyddio camerâu fformat mawr a chanolig i gynhyrchu ffotograffau du a gwyn sylweddol a manwl o dirluniau. Mae gen i ddiddordeb yn y prosesau sy'n llunio a ffurfio'r tirwedd boed hynny'n naturiol neu o waith dyn.
Mae'r dull hwn o weithio yn rhywbeth myfyrgar ac yn gofyn llawer yn dechnegol.
Ar yr un pryd, bum yn defnyddio camera Polaroid SX-70 fel llyfr nodiadau gweledol. Heb fod angen poeni llawer am yr ochr dechnegol, mae'r printiau bychan sy'n cael eu cynhyrchu gan y camera hwn yn ymddangos yn syth ac y maent yn fympwyol liwgar.
Mae gweithio â SX-70 yn wrthgyferbyniol, sy'n galluogi rhywun i ymdrin â chreu delweddau mewn modd greddfol a naturiol, sy'n gyffrous a rhydd.
