 | 
![]()
![]()
|  | Arddangoswr: Holder Mathias Alcock
Yn 1990, ymgymerodd y Penseiri â pharatoi prif gynlluniau a chyfarwyddiadau cynllunio trefol ar gyfer "Capital Waterside" ym Mae Caerdydd. Safai adeilad y Waterguard, a adwaenid bryd hynny fel y Custom House, yn wynebu'r Harbwr Mewnol a gweithredai fel Swyddfa Tollau ac Ecséis ar gyfer Awdurdod Porthladd Dociau Caerdydd.
Yn 1993, symudwyd y Waterguard, a oedd erbyn hyn yn adeilad rhestredig Gradd II, i'w safle presennol ar gyrion Parc Britannia, i hwyluso'r ffordd i ddatblygu Adeilad Swyddfa Pencadlys Yswiriant Credyd NCM (hefyd gan y Penseiri), a, heb yr adeilad cyfagos diangen, ymddangosai ar ei newydd wedd yn adeilad bychan cyffredin heb gefn iddo. Chwe blynedd yn ddiweddarach, yn 1999, cawsom gomisiwn i baratoi cynlluniau ar gyfer Tafarn newydd fel estyniad o'r hen Custom House a fyddai'n rhoi ffasâd cefn taclus iddo bellach, ond a fyddai'n gadael iddo wynebu Parc Britannia yn ffurfiol. Roedd y cyfarwyddyd yn gofyn am gynllun a ddylai gyfannu'r Waterguard, ond â'i wreiddiau yn elfennau traddodiadol cynlluniau a theipoleg adeiladu Tafarn. O ran cysyniad, mae'r estyniad newydd yn datblygu gosodiad a throshaeniad y graen, y geometreg a'r gridiau amrywiol sy'n gynhenid i gyd-destun y safle. Y rhain yw: geometreg orthogonol y Waterguard; graen trefol adeiladau'r Capital Waterside Plot One a pharhad tro graddol y llwybr troed cyfagos ger glan y dwr ym Masn Y Rhâth drwy Barc Britannia tuag at yr Eglwys Norwyaidd. Mae'r adeilad yn arbennig o eglur, ac, yn ei leoliad, mae'n arddangos llawer o nodweddion cain, deinamig, cerfluniol soffistigedig gydag ymdeimlad o bresenoldeb di-amser a gonestrwydd pensaernïol.
|
|
