Arddangoswr: Brendan Stuart Burns "Rwy'n credu'n gryf iawn mai paentio yw'r peth mwyaf cyntefig a chreiddiol y gallaf ei wneud o ran ymateb i'r byd o'm cwmpas. Yr hyn sy'n gyffredin i fy holl waith creadigol yw'r 'ysbrydol' yn yr hyn rwy'n ei wneud fel arlunydd. Wedi meddwl am y peth, does dim gwahaniaeth a yw'r gwaith yn ymwneud â'r trefol - Efrog Newydd; neu'r gwledig - Sir Benfro. Dim ond un o nifer o resymau pam fy mod yn paentio yw'r testunau hyn. Rhaid cael ymateb arall i'r gweithiau hyn ar wahân i adnabyddiaeth syml o amser a lle. Rhaid iddynt fod yn fwy cyntefig na hynny. Rhaid iddynt eich 'cyffwrdd'. Fy uchelgais yw paentio rhywbeth sy'n siarad â phawb, p'r'un ai ydynt yn adnabod Sir Benfro ai peidio. Yr hyn rwy'n awyddus i dreiddio i mewn iddo yw ein cyfansoddiad genetig, ein profiad fel bodau dynol, bod yn effro i'r byd. Mae'r gweithiau ynglyn â bod yn fodau dynol a'r weithred o fod yn greadigol. Maent ynglyn â myfyrio. Rhaid eu synhwyro yn ogystal â'u profi. Maent yn baentiadau corfforol. Mae'r ymateb a'r diben 'ysbrydol' yn ganolog iddynt."
Katrina Allen Enillydd yr Ysgoloriaeth Bensaernïaeth 2002.
Paul de Hoxar Arddangoswr yn yr Adran Bensaernïaeth yw Paul de Hoxar. Roedd Vincent Bouvellec, Brian Evans, Ian Eggleton a Corin Yarrow wedi cynorthwyo Paul gyda'i brosiect, ac mi fyddai'n hoffi cydnabod eu rhan yn y gwaith.
Pembroke Design Cyf Enillydd Y Fedal Aur mewn Pensaernïaeth - (Gwobr Goffa Alwyn Lloyd).
