Ysgrifennu a gwerthuso theatrPropiau

Meddylia sut roedd y propiau’n cael eu defnyddio yn y cynhyrchiad. Oedden nhw’n cael eu defnyddio’n naturiolaidd neu’n symbolaidd? Oedd ganddyn nhw ystyr arwyddocaol penodol? Efallai fod un prop arbennig yn cael ei ddefnyddio mewn ffyrdd amrywiol.

Roedd cynhyrchiad Theatr Genedlaethol Cymru, Rhwydo/Vangst yn defnyddio teipiaduron mewn ffordd ddifyr drwy ofyn i’r gynulleidfa eu defnyddio nhw cyn y cynhyrchiad. Felly dylid nodi’r elfen ddiddorol hon yn yr adolygiad.

Dylunio golau

Sut wnaeth dyluniad y golau gyfoethogi’r cynhyrchiad? Meddylia am yr elfennau canlynol pan fyddi di’n ysgrifennu dy adolygiad.

• A ddefnyddiwyd golau’n naturiolaidd neu mewn ffordd symbolaidd?
• A oedd y defnydd o olau’n ychwanegu at y ddrama a phrofiad y gynulleidfa?
• Sut roedd y goleuadau’n creu naws ac awyrgylch?
• Oedden nhw’n cael eu defnyddio i awgrymu lleoliadau gwahanol neu dreigl amser?
• A oedd unrhyw effeithiau goleuo allweddol yn y cynhyrchiad?
• Sut roedden nhw’n effeithio ar gyflymder symud o un olygfa i’r nesaf? Cofia fod newid cyflym yn creu tempo cyflym, stacato, ond bod pylu yn fwy esmwyth ac yn arafach.

Darllena Dylunio theatr i ddysgu mwy.