 | | | | | | Botuar: E shtunë, 13 mars 2004 - 07:22 CET | | | | Miliona në demonstratën kundër terrorit | | | Rreth 8 milion njerëz marshuan në rrugët e kryeqytetit të Spanjës dhe qytete të tjera të vendit për të shprehur zemërimin e tyre për sulmet terroriste që lanë të enjten në Madrid gati 200 të vdekur dhe shumë të plagosur.
Policia tha se 8 milion njerëz kishin marrë pjesë në demonstrata |
Megjithë shiun e vazhdueshëm turma e madhe e njerëzve paralizoi jetën në kryeqytet.
Shumë prej protestuesve mbanin parrulla ku dënonin terrorizmin, të tjerë mbanin në duar qirinj që ndriçonin qiellin e mbrëmjes.
Një tjetër demonstratë e madhe u zhvillua në rajonin bask në veri të Spanjës që është edhe bastioni i ETA-s, organizata nacionaliste që kërkon pavarësinë e provincës.
Mijra njerëz marshuan në heshtje duke dënuar terrorizimin dhe sulmet e fundit që morën jetë njerëzish të pafajshëm.
Kush është fajtori?
E ndërsa spanjollët vazhdojnë të mbajnë zi për viktimat autoritetet thonë se besojnë që ETA është përgjegjëse për sulmet e së enjtes.
Policia po kërkon informacione lidhur me dy persona që u panë të zbresin të enjten herët në mëngjes nga trenat në Madrid.
Autoritet thonë se bombat ishin vendosur në bagazhe dhe ishin aktivizuar nëpërmjet telekomandave.
Megjithë këtë, vazhdojnë spekullimet që në këto sulme të ketë patur gisht edhe rrjeti al-Kaeda.
Në një deklaratë të lëshuar nga një gazetë në gjuhën arabe që del në Londër, thuhet se sulmi i fundit i kishte të gjitha elementet për të qënë i al-Kaedas. | |
| | |
