 | | | | | | Botuar: E hënë , 15 mars 2004 - 08:28 CET | | | | Planet i ri në sistemin tonë diellor | | | Në kufijtë e sistemit tonë diellor është gjetur një planet tjetër në orbitë rreth Diellit, i pari që gjendet këto 74 vitet e fundit.
Planeti i ri u zbulua nga teleskopi hapësinor Spitzer |
Planeti i ri, i quajtur Sedna, sipas perëndeshës eskimeze të oqeanit, ndodhet përtej orbitës së planetit më të largët të njohur deri tani, Plutonit.
Ai është gjetur nga një teleskop që vepron në hapësirë dhe është objekti më i madh në orbitë rreth Diellit që gjendet që nga koha kur u zbulua Plutoni në vitin 1930.
Disa astronomë besojnë se Sedna mund të jetë në fakt më i madh se Plutoni.
Kohët e fundit në limitet e sitemit tonë diellor janë gjetur shumë botë të përbëra nga shkëmbinj dhe akuj si Sedna, por më të vogla, por madhësia e Sednas e bën atë diçka të veçantë.
Duke pasur një diametër prej rreth 1700 kilometrash, shumica do ta pranojnë se ai është planeti i dhjetë dhe pika më e largët nga Dielli duke sjellë kështu ndryshimin e kufirit të sistemit tonë diellor. | |
| | |
