 | | | | | | Botuar: E hënë , 15 mars 2004 - 06:17 CET | | | | Putin konfirmon fitoren në zgjedhje | | | Presidenti rus, Vladimir Putin, thotë se do të mbrojë parimet demokratike dhe do të forcojë lirinë e shtypit gjatë mandatit të tij të dytë.
Putini konfirmon fitoren në zgjedhje |
Zoti Putin këto komente i bëri pas fitores së pritur në zgjedhjet presidenciale.
Me gjysmën e rezultateve të njohura, ai ka fituar rreth shtatëdhjetë përqind të votave, dhe kundërshtari i tij më i afërt, kandidati komunist Nikolay Kharitov, e pranoi atë.
Këto nuk ishin thjeshtë zgjedhjet më të parashikueshme të mbajtura ndonjëherë në një shtet jototalitar, por duhet të jenë ndër të paktat kur kandidati fitues ishte aq sigurt saqë ka shpallur paraprakisht se si do të duket qeveria e tij pas zgjedhjeve.
Zoti Putin e emëroi kryeministrin e tij të ri dy javë më parë dhe kabinetin javën e shkuar. Ata pritet të mbajnë takimin e tyre të parë të rregullt ditën e hënë.
Përkundër disa kandidatëve kundërshtarë të zotit Putin, të vetmet pyetje që kërkojnë përgjigje për zgjedhjet e së dielës janë cila ishte pjesëmarrja dhe shumica për zotin Putin.
Ai mund të jetë i kënaqur me të dyjat. Rreth 62 përqind e elektoratit rus doli në zgjedhje dhe mbi 70 përqind e tyre votuan për zotin Putin. | |
| | |
