Dhaabbanni Meetaa kan duraan Facebook jedhamu basaastoota saayibarii dhorke

Abbaan qabeenyaa Facebook, Meetaan kubaaniyyoota torba kanneen hujeffannoo (platform) isaa irratti fayyadamtoota hordofan dhorkuu hime.

Gabaasni haaraan Meetaan bahe akka jedheetti, fayyadamtoonni gara 50,000 ta'an waa'ee ''sochiilee miidhaa geessisan'' akeekkachiisni isaan qaqqaba.

Dhaabbatichis dhaabbilee qorannoo kanneen akkaawuntiiwwan sobaa uumuun erga hirriyaa ta'aniin booda malawwan odeeffannoo hatuutti fayyadamuun ragaa walitti qabachuun himateera.

Dhaabbileen kunneen gaazexeessitootaafi rogeeyyii mirga namoomaa dabalatee namoota dhuunfaa irratti xiyyeefatu jechuun balaaleeffate.

Gabaasa isaa kana keessattis qorannoon baatiiwwaniif erga gaggeeffamanii booda, fuulawwan gara 1,500 ta'an Facebook, Instagram fi WhatsApp irraa haqamuu himeera.

Dhaabbileen kunneenis biyyoota 100 ol keessatti bakka qaama isaan mideessee bu'uun namoota adamsu jedhe Meetaan.

Gabaasni kun dabalataanis, himannaawwan jalqaba bara kanaa waa'ee basaastota Pegasus kan kumaatama irratti xiyyeeffate tureefis indastiriiwwan qorannoo qeeqeera.

Facebook abbootii qabeenyaa Pegasus-NSO Group WhatsApp irratti soofteweerii tamsaasuu isaatiif himannaa seeraa irratti baneera.

Skip Baay'ee kan dubbifame and continue reading
Baay'ee kan dubbifame

End of Baay'ee kan dubbifame

Motummaan Ameerikaas dhaabbatichaaf kaan, motummoota biyya biraatiif meeshaa odeeffannoon ittiin basaasamu kennuu jechuun baatii darbe keessaa tarree gurraacha jala galchee ture.

''Indastiriiwwan to'annoo kubbaaniiyaa tokko caalu. Isaanis garaa garummaa tokkoo malee miseensoota hawaasaa fi namoota maqaa guddaa qaban kan akka namoota siyaasaa fi mirgaaf morman irratti xiyyeeffatu,'' jedhan Ittigaafatamaan Imaammata Nageenya Metaa Naataani'el Giyecher.

Dhaabbilee Meetaadhaan maqaan dhahame keessaa dhaabbata Israa'eel, Black Cube kan erga dubartii miidhaa quunnamtii saalaatiin Harvii Wensiteen himattee akka ishee basaasuuf beekkamtii argate tokko.

Ibsicha eeruun Rooyitarsi akka gabaaseetti, dhaabbanni Black Cube kunis gocha kana keessatti hirmaachu waakkachuun, sochiileen ergamtoota isaa hundi ''gutummaatti kan seera naannichaatiin gaggeeffamudha'' jedheera.

Fayyadamtoonni sochii kanaan miidhamanis addatti odeeffannoo osoo hinkenniineef akeekkachiiftuu saffisaa (automated) isaan qaqqaba jedheera Meetaan.

Odeessaalee dabalataa: