Soun Ogbomoso: Ọkùnrin kan kọlu Ààfin Soun, ó ba dúkìá jẹ́

Ọkunrin ẹni ọgbọn ọdun kan, Bukola Adediji, ti ọpọ mọ si Ajanlekoko ti ṣekọlu si aafin Soun ti ilu Ogbomoso, nibi to ti ba awọn dukia kan jẹ.

Iroyin ni okunrin naa, to ni arun ọpọlọ fi ẹṣẹ yọ eyin meji lẹnu ọkan lara awọn oloye to gbiyanju lati dẹkun rẹ lasiko ikọlu ọhun.

Akọwe aafin Ṣoun, Toyin Ajamu lo fidi iroyin naa mulẹ fun BBC Yoruba.

Gẹgẹ bii ohun to sọ, kii ṣe igba akọkọ ree ri okunrin naa yoo kọlu aafin Soun.

O ni o ni kọkọ kọlu aafin naa lọdun to kọja ti wọn fi ṣikun ofin mu ki wọn to gbe lọ sile iwaosan awọn alarun ọpọlọ.

O ni "Igba ti wọn mu, awọn mọlẹbi rẹ wa, wọn si gbe lọ sile iwosan awọn alaarun ọpọlọ."

Nigba ti wọn ge de ibẹ ni a ṣawari pe o ni kaadi nibẹ, to n tumọ si pe kii ṣe ajoji nile iwosan ọhun."

Gẹgẹ bii ohun ti a gbọ, Adediji, to n gbe ni apa iha Ariwa Naijiria tẹlẹ wa si Ogbomoso lẹyin ti o bẹrẹ si n ṣaarẹ ọpọlọ.

Ọgbẹni Ajamu sọ pe okunrin naa ko ji ade ọba lọ laafin gẹgẹ bii iroyin ti awọn eeyan kan n gbe kiri.

O fi kun pe okunrin ọhun kii ṣe mọlẹbi ọba, kii si si ṣe ọmọ ọba.

O ni "Ko wa lati ile ọba kankan."

"O ti kọkọ gbiyanju irufẹ nnkan bayii ri amọ wọn gbe kuro lafin lọ si ile iwosan ẹkọṣẹ iṣegun Bowen nitori o farapa lasiko naa."

"Ibẹ ni wọn ti ṣawari pe onibara wọn ni."

Lẹyin naa lo ni ki awọn araalu ma naani iroyin to ni okunrin naa ji ade ọba gbe lọ.