Dudu Heritage Burial: Dudu Heritage ló jẹ kí n dí ènìyàn láyé nínú iṣẹ́ orin kíkọ
Oríṣun àwòrán, Others
Iroyin iku gbajugbaja to n gbe awọn olorin jade, Ola Ibironke ti ọpọ eniyan mọ si Dudu Heritage ṣi n mi ilu titi lẹyin to jade laye.
Ọpọlọpọ awọn gbajumọ ni agbo ere oṣere lo ti jade lati wa sọ ọrọ iwuri nipa Dudu Heritage ati ipa ribiribi to ko ni igbesi aye wọn.
Lara wọn ni gbajugbaja olorin Fuji, Dudu Heritage to sọ nipa eniyan nla ti Dudu Heritage jẹ, ati bi awọn ṣe pade titi to fi da oloogbe.
Àwọn iròyin tì ẹ leè ní ìfẹ̀ síí:
- Bimbo Oshin ṣàlàyé ọ̀rọ̀ ìkẹyìn tí ọkọ rẹ̀ sọ fun un kó tó kú
- Ọ̀pọ̀ àwọn tó fẹ́ ràn mí lọ́wọ́ ló fi ìlọ̀kulọ̀ lọ̀ mí, àyàfi Dudu Heritage nìkan
- Èmi tí wọ́n kọ́kọ́ pé ọkọ Bimbo kú gàn an ti di jálajála lórí ìròyìn burúkú náà- Jaye Kuti, ọ̀rẹ́ Bimbo Oshin
- Ta ni Ola Ibironke, ọkọ Bimbo Oshin to dólògbé?
- "Mo ti pa ọmọdé mẹ́wàá, mo sì ń mu ẹ̀jẹ̀ wọn"
- Agbébọn jí ìbejì ọba gbé àti èèyàn mẹta míì ní Kwara
- Àlàyé rèé lórí ohun tí ojú mi rí ní àhámọ́ - Chiwetalu Agu
- Mompha pàdánù èròjà olówó ìyebíye mọ̀kànlá sọ́wọ́ EFCC
Obesere ni iroyin iku Dudu Heritage to jẹ ọrẹ oun fun bi ọgbọn ọdun bayii ati oṣiṣẹ kan naa ninu agbo oṣere.
O ni oun ko le gbagbe ipa ribiribi to ko ninu aye oun, ti awọn si jẹ ọrẹ timọtimọ titi di ọjọ iku rẹ.
Bakan naa ni ọpọ eniyan ko mọ wipe Dudu Heritage lo gbe awo orin Obesere, ''Overflow'' jade, eleyii to sọ ọ di ilumọọka.
Obesere salaye bi Dudu Heritage ṣe dagbere fun aye
Obesere to salaye pe iku Dudu Heritage ba oun ni ojiji to si jẹ ibanujẹ ọkan fun oun.
O ni ti ẹnikẹni ba sọ fun oun pe Dudu Heritage ko ni lo ogun ọdun tabi ọgbọn ọdun si ni oke ilẹ, oun yoo sọ pe irọ ni.
''Dudu Heritage ko ni ipenija ara nitori oun ṣe ere idaraya loore-koore, ti gbogbo eniyan si mọ pe o ma n gba ere idaraya Golf.
''O ti lẹ ṣẹṣẹ gba Golf tan lo ni ki wọn ba oun mu suya , ko to di pe o fo sanlẹ ku.''
''Mo tilẹ gbọ wi pe o kesi iyawo rẹ keji , Bimbo Oshin wa si ile ere idaraya Golf lati wa pade rẹ, amọ o ni ki Bimbo ma ṣeyọnu nitori oun ni ipade pẹlu ẹnikan ni aago mẹjọ.''
''Ibẹ lo wa ti o ti daku, to si gba ibẹ lọ amọ ki la fẹ ba Ọlọrun fa''
''O ti le ni ọdun mẹrindinlọgbọn ti emi ati Dudu Heritage ti jẹ ọrẹ fun ọdun mẹrindinlọgbọn. ''
''Orilẹede Amẹrika ni a ti pade, lati igba naa ni o si ti jẹ ibatan rere si mi, ti a si ọrọ nipa iṣẹ orin kikọ mi, ti oun naa si sọ pe oun yoo bẹrẹ si ni gbe awo orin jade.''
Bakan naa lo sọ wi pe oun yoo ma ṣeranwọ fun awọn oṣere ti wọn ṣẹṣẹ bẹrẹ ni agbo oṣere.
''Dudu Heritage ni o gbe awo orin Sola Allyson jade, to si ni igbagbọ ninu rẹ''
Oberese ni igba ti mo pade rẹ ni mo gbe awo orin mi jade, Overflow, ti awo naa si ta kaakiri agbaye lati ọdun 1999 titi di oni.
''Lẹyin naa ni mo gbe aawo orin American Faaji 1&2, ti ko si si igba kankan ti ko fẹran mi denu denu.''
Obesere fikun un pe Dudu Heritage fẹran rẹ dẹnudẹnu to si ri pe oun jẹ eniyan laye.
O ni ninu aawo orin tuntun ti oun ṣe lọwọ, ni oun yoo ti sọrọ ribiribi nipa igbeaye Dudu Heritage.
