Oyo PDP: Atiku bẹ̀rẹ̀ ìgbésẹ̀ áti yanjú aáwọ̀ láàrín Seyi Makinde ati igun PDP l‘Oyo
Oríṣun àwòrán, Seyi Makinde
Oludije sipo aarẹ lẹgbẹ oṣelu PDP, Atiku Abubakar ti da si aawọ to jẹyọ laarin Gomina ipinlẹ Oyo, Seyi Makinde ati awọn ọmọ ẹgbẹ oṣelu naa to n fi apa janu.
Abubakar Atiku lo gbe igbesẹ naa lasiko to wa si ilu Ibadan lati si papakọ iṣere, Lekan Salami Sports Complex in Adamasingba, ni ilu Ibadan.
Awọn oloṣelu miran to wa nibi ipade naa ni gomina ipinlẹ Niger, Aliyu Babangida, Sẹnato Abiodun Olujimi, Dino Melaye ati awọn miran.
Àwọn iròyin tì ẹ leè ní ìfẹ̀ síí:
- Kayeefi: Àdììtú tó rọ̀ mọ́ ìdí tí ìlú Okeluse ṣe fi ọmọ ọdún 16, tó wà ní SSS 2 jọba
- Wàhálà lẹ̀ ń wá tẹ́ ẹ̀ bá tú Sunday Igboho àtàwọn èèyàn rẹ̀ mẹ́rin sílẹ̀ ní àhámọ́ - Ọmọ Nàíjíríà lókè òkun
- Ẹ wo àtúpalẹ̀ bí Bobrisky ṣe ná ₦500m péré láti ṣe ọjọ́ ìbí mi
- Àwọn tó lu ₦6trn owó àjọ NDDC ní póńpó rugi oyin - Buhari fọnmú
- Kí ló dé tí Oluwo àti ìyàwó rẹ̀ àná ń sòkò ọ̀rọ̀ síra wọn lórí ayélujára?
- "Ojú mi rí màbo lásìkò tí mo lọ gbé N2.5m fáwọn jàndùkú tó jí ẹbí mi gbé"
- Wo ohun mẹ́rin tó lè mú ikú wá lásìkò ìbálòpọ̀
- Ẹ se mẹ̀dọ̀ ẹ̀yin olórí Fulani, ẹ yé tàbùkù àṣà Yorùbá nílẹ̀ wa mọ́ - YCE kìlọ̀
Awọn igun kan ninu ẹgbẹ oṣelu PDP ni ko faramọ bi gomina Makinde ṣe n dari ẹgbẹ naa ni ipinlẹ Ọyọ, ti wọn si pinnu lati ṣiṣẹ tako gomina naa.
Awọn igun naa ni awọn ti lọ gba fọọmu ti wọn yoo fi dibo fun ẹlomiran tako awọn ti gomina Makinde yan lati dije dupo labẹle fun ipo si awọn adari ẹgbẹ naa ni ipinlẹ.
Nibi ipade naa ni awọn aṣoju igun to n binu naa bi Oloye Nureni Akanbi, Alhaji Hazeem Gbolarumi, Alhaji Bola Akinyemi ti fi aidunnu wọn han si gomina Seyi Makinde.
Amọ Atiku lo rawọ ẹbẹ si wọn lati maṣe gbe iru igbesẹ bẹẹ, pẹlu idaniloju pe gbogbo ẹdun ọkan wọn ni oun yoo yanju ni pẹlẹ-putu.
Bakan naa lo fi da wọn loju wi pe ipade alaafia miran yoo waye laarin awọn igun to n fi apa janu naa ati gomina Makinde.
Ninu ọrọ awọn ti inu wọn ko dun si iṣejọba Gomina ni wọn ti sọ wi pe, gbogbo igba ni ipade n waye lai si aṣeyọri.
Wọn ni ipade ti awọn ṣe pẹlu sẹnetọ Bukola Saraki ni wọn ti pinnu lati gba alaafia laaye, ti gomina naa si parọwa si wọn pe ki ipari Osu Kẹjọ to de ni atunṣe yoo waye.
Amọ wọn ni titi di asiko yii, ko i tii si aṣeyọri kankan nipa gbogbo ọrọ ti awọn to wa nibi ipade naa panupọ sọ wi pe yoo jẹ ọna abayọ si idojukọ ẹgbẹ oṣelu PDP ni ipinlẹ Oyo.
