Dapo Abiodun fìdí Ladi Adebutu àti Biyi Otegbeye janlẹ̀, ó wọlé sáà kejì

Gomina ipinlẹ Ogun, Dapo Abiodun ti jawe olubori ninu ibo gomina to waye lọjọ Abamẹta.

Abiodun wọle fun saa keji lẹyin to ni iye ibo to pọju ninu idibo gomina naa gẹgẹ bii ajọ INEC ṣe kede.

Ninu ijọba ibilẹ ogun to wa nipinlẹ ọhun, APC ni mejila, nigba ti PDP ni mẹjọ.

Apapọ iye ibo to gbe Abiodun wọle jẹ 276,298.

Bi esi awọn ijọba ibilẹ ṣe wọle ree:

ODEDA LGA

APC: 11,089

PDP: 8,050

NNPP: 31

ADC: 3,65

EGBADO NORTH LGA

APC: 15,331

PDP: 11,627

NNPP: 64

ADC: 12,190

EGBADO SOUTH LG

APC: 15,047

PDP: 10,913

NNPP: 75

ADC: 6,435

EWEKORO LG

APC: 8,192

PDP: 7,449

NNPP: 60

ADC: 3,881

ABEOKUTA SOUTH LG

APC: 19,689

PDP: 24,175

NNPP: 99

ADC: 9,264

IJEBU NORTH LG

APC: 18,815

PDP: 15,904

NNPP: 22

ADC: 2,393

IKENNE LG

APC: 9,125

PDP: 12,472

NNPP: 09

ADC: 336

IJEBU NORTH-EAST LG

APC: 5,408

PDP: 7,086

NNPP: 27

ADC: 1,448

IJEBU-ODE LG

APC: 12,907

PDP: 10,714

NNPP: 36

ADC: 1,348

ABEOKUTA NORTH

APC: 14,294

PDP: 12,622

NNPP: 34

ADC: 9,143

IJEBU EAST LG

APC: 7,883

PDP: 11,242

NNPP: 45

ADC: 1,885

REMO NORTH LG

APC: 4,306

PDP: 8,177

NNPP: 06

ADC: 327

IPOKIA LG

APC: 21,338

PDP: 19,189

NNPP: 46

ADC: 1,897

ODOGBOLU LG

APC: 9,143

PDP: 12,963

NNPP: 10

ADC: 1,281

OGUN WATERSIDE LG

APC: 5,878

PDP: 7,716

NNPP: 56

ADC: 2,575

IMEKO AFON LG

APC: 9,591

PDP: 6,981

NNPP: 93

ADC: 6,124

ADO-ODO OTA LG

APC: 39,006

PDP: 31,022

NNPP: 194

ADC: 12,174

OBAFEMI OWODE LG

APC: 15,466

PDP: 11,004

NNPP: 275

ADC: 5,105

IFO

APC: 20,653

PDP: 16,052

NNPP: 154

ADC: 11,040

ṢAGAMU

APC: 13,128

PDP: 17,025

NNPP: 58

ADC: 2,257

Mọ̀ nípa Dapo Abiodun, Ladi Adebutu, Biyi Otegbeye; mẹ́ta nínú àwọn olùdíje ipò gómìnà nípínlẹ̀ Ogun

Eto idibo gomina ni Naijiria ku ọjọ perete, gbogbo eto lo ti to, awọn araalu si ti ṣetan lati lọ dibo.

Lara awọn ipinlẹ ti yoo maa kopa ninu idibo gomina yii ni ipinlẹ Ogun wa.

Eyi ni agbeyẹwo itan ati iri mẹta gboogi ninu awọn oludije to n dije fun ipo gomina ni ipinlẹ Ogun lasiko idibo ti yoo waye lọjọ kọkanla oṣu kẹta ọdun 2023.

Gomina Adedapọ Abiọdun, MFR (Ẹgbẹ oṣelu APC)

Ọjọ kọkandinlọgbọn oṣu keji ọdun 1960 ni wọn bi Ọmọọba Adedapọ Oluṣeun Abiọdun MFR ni ilu Ipẹru Rẹmọ, ni ijọba ibilẹ Ikẹnẹ ni ipinlẹ Ogun.

O lọsi ile ẹkọ girama Christ’s School Ado Ekiti lọdun 1972 ati ile ẹkọ girama St. Joseph’s College, nilu Ondo lọdun 1977 ati Ondo High School lọdun 1978.

Nitoripe olukọ ni awọn obi rẹ, eyi lo mu ki eto ẹkọ rẹ maa kaakiri gẹgẹ bi iṣẹ ṣe n gbe awọn obi rẹ kiri.

Lẹyin eyi lo wa lọ si ile ẹkọ giga fasiti Ifẹ ti o ti di Ọbafẹmi Awolọwọ University bayi nilu Ile Ifẹ ni ipinlẹ Ọṣun nibi to ti kẹkọọ gba oye imọ ijinlẹ ninu imọ ẹrọ Civil Engineering ki o to wa lọ si ileẹkọ giga fasiti Kennesaw State University nilu Atlanta ni ipinlẹ Georgia lorilẹede Amẹrika nibi ti o ti kẹkọ gboye ijinlẹ ninu iṣiro owo lọdun 1986.

Ọdun 1998 ni Dapọ Abiọdun kọkọ bẹrẹ irinajo rẹ sinu oṣelu nigba to wọle gẹgẹ bi sẹnetọ ni ẹkun idibo apapọ Ogun East Senatorial labẹ ẹgbẹ oṣelu United Nigeria Congress Party, UNCP lasiko ijọba ologun nigba naa ki bi nnkan ṣe n lọ lagbo iṣejọba nigba naa to mu ki wọn wọgile eto idibo ọhun.

Lẹyin eyi lo darapọ mọ ẹgbẹ oṣelu PDP lọdun 1999, o dije lati di aṣia oludije ẹgbẹ oṣelu PDP fun ipo gomina ni ipinlẹ Ogun lọdun 2002 ṣugbn ko bọ sii fun un.

Lẹyin eyi lo darapọ mọ APC lati dije fun di aṣia oludije ẹgbẹ oṣelu naa fun ipo Sẹnetọ ẹkun ogun east ṣugbọn o lulẹ ki o to wa ri ipo gomina mu lọdun 2028 labẹ oṣelu APC kan naa.

Gomina Dapọ Abiọdun bori pẹlu ibo 241, 670 lati di gomina, Adekunle Akinlade ti Allied Peopls Movement, APM lo tẹ lee pẹlu ibo 222, 153.

Oloye Ladi Adebutu (Ẹgbẹ oṣelu PDP)

Ọgbẹni Ladi Adebutu ni oludije fun ipo gomina lẹgbẹ oṣelu PDP ni ipinlẹ Ogun

Ladi Adebutu kii ṣe ọjẹ wẹwẹ tabi majeṣin ninu ọrọ oṣelu nitori pe o ti le ni ọgbọn ọdun ti o ti n wẹ ninu agbami oṣelu.

Lọdun 1992 lo di ọmọ ile igbimọ aṣofin apapọ Naijiria labẹ ẹgbẹ Social Democratic Party, SDP lati ṣoju ẹkun apapọ Rẹmọ ni ile igbimọ aṣojuṣofin.

O dije fun ijoko ile aṣofian agba labẹ ẹgbẹ oṣelu UNCP lọdun 1998.

Bakan naa lo dije fun ipo aṣofin apapọ lọdun 2003, 2007 ati 2011 labẹ aṣia ẹgbẹ oṣelu PDP.

Lọdun 2015, o wọle gẹgẹbi aṣojuṣofin fun ẹkun apapọ Rẹmọ (ijọba ibilẹ Sagamu, Ikenne ati ariwa Rẹmọ)

Ni ọjọ karundinlọgbọn oṣu karun un ọdun 2022 ni wọn yan an gẹgẹ bi oludije fun ipo gomina nipinlẹ Ogun fun ẹgẹ oṣelu PDP.

Oniruuru oye lo ti jẹ diẹ ninu eyi ti a ti ri Lisa-Aje Egba, Lisa-Aje Ota Awori, Okanlomo ilu Iperu-Remo , Aruwajoye ti Ode Remo, Otun Ajagungbade ti ilu Remọ ati bẹẹbẹẹ lọ.

Ọgbẹni Biyi Ọtẹgbẹyẹ (Ẹgbẹ oṣelu ADC)

Amofin ni Ọgbẹni Ọtẹgbẹyẹ, oun si ni adari agba ileeṣẹ Regency Alliance Plc.

Ilẹ ẹkọ alakọbẹrẹ Christ Church School, nilu Ijẹbu Ode lo ti bẹrẹ ẹkọ rẹ ki o to lọ si ile ẹkọ girama Comprehensive High School, Aiyetoro ati ile ẹkọ girama CMS Grammar School Bariga.

O kẹkọ gboye imọ akọkọ nipa eto idojutofo lati ile ẹkọ fasiti ilu Eko lọdun 1984 ki o to lọ kẹkọ gboye ijinlẹ keji MBA lori imọ nipa akoso iṣuna ati iṣiro owo lọdun 1987.

Bakan naa lo tun kẹkọ gboye imọ ofinni fasiti ipinlẹ Eko, LASU lọdun 2001 ti wọn si fi orukọ rẹ silẹ gẹgẹ bi agbẹjọro nile ẹjọ to ga julọ ni Naijiria lọdun 2003.

Ọgbẹni Ọtẹgbẹyẹ̀ bẹrẹ iṣẹ rẹ lẹka idojutofo ni ileeṣẹ adojutofo United Nigeria insurance Company Limited (UNIC) lọdun 1986