Men who trained on house chores: Wo ọ̀pọ̀ àǹfààní tó wà nínú kí ọkùnrin máa ṣiṣẹ́ ilé

Ni ilẹ Yoruba, asa tiwa ni pe obinrin nikan lo gbọdọ maa kọ bi a ti n se isẹ ile, ti ọkunrin yoo si maa wa ohun jijẹ lọ sita fun idile rẹ.

Amọ lode oni, aye ti yi, igba si ti yi pada pẹlẹ, ti ọpọ eeyan lagbaye si n ba aye yi pẹlu.

Idi ni pe awọn ọkunrin naa ti n sisẹ ile gẹgẹ bii awọn obinrin, tawọn obinrin naa si ti n sisẹ oojọ lati wa ounjẹ sinu ile, gẹgẹ bii awọn ọkunrin.

Amọ awọn ọkunrin kan ree lorilẹede Uganda, ti wọn mu isẹ ile yii lọkunkundun, ti wọn si jade lọ sita lati lọ kọ bi yoo se rọrun fun wọn lati sisẹ ile.

Ajọ kan si lo wa, ti orukọ rẹ n jẹ ajọ JESE, eyi to n parọwa si awọn ọkunrin naa lorilẹede Uganda lati wa kọ bii eeyan se n sisẹ ile.

Ajọ yii si lo n polongo ibaradọgba laarin akọ ati abo, eyi to tumọ si pe ibi ko ju ibi, ba se bi ẹru, ohun naa la bi ọmọ.

Ọpọ ọkunrin lo ti dara pọ mọ ajọ naa, lara ohun ti wọn si n kọ nibẹ ni bi a ti n se ọbẹ, se ounjẹ, tun inu ile se, pọn omi sile ati setọju ẹbi wọn.

Koda, a ri awọn ọkunrin yii, ti wọn se ounjẹ fawọn aya wọn lati jẹ, ti inu awọn obinrin naa si dun.

Lasiko ti wọn n ba akọroyin BBC sọrọ, awọn obinrin naa ni igbesẹ ki awọn ọkunrin maa sisẹ ile dara pupọ nitori yoo bu iyi pupọ fun wọn ninu ẹbi wọn.

Bakan naa ni igbesẹ naa yoo tun fawọn aya wọn laaye lati sisẹ owo miran dipo ki wọn jẹ iyawo ninu ile lasan.