NDLEA: gbẹ́sẹ̀lé Tramadol àtí Exol 5 tí iye rẹ̀ lé ní ₦5b
Oríṣun àwòrán, NDLEA
Ajọ to n gbogun ti tita ati lilo egboogi oloro ni Naijiria, NDLEA, ti kede pe awọn ti gbẹsẹle miliọnu mẹsan an abọ tabulẹti Tramadol ati Exol 5 ti iye rẹ le ni biliọnu marun un naira.
Agbẹnuṣo ajọ naa, Femi Babafemi lo fi ikede naa sita ninu atẹjade kan niluu Abuja.
Babafemi ni awọn gbẹsẹle awọn oogun naa ni papakọ ofurufu ilu Eko, Abuja ati Edo.
- Mi ò tíì lè sọ bóyá ètò ìdìbò ọdún 2023 yóò wáyé - Adeboye
- Ìmáàmù Abuja tó takò ààrẹ Buhari nínú ìwàásù rẹ̀ gba ìdádúro, àlàyé rèé
- Ṣé lóòtọ́ ni EFCC gbé Cubana Chief Priest?
- Lẹ́yìn oṣù díẹ̀ tí wọ́n sìnkú rẹ̀, obìnrin yìí di dédé yọ sí ìlú rẹ̀, l'ọ̀rọ̀ bá di...
- Gbẹgẹdẹ gbiná! Kí ló mú kí ọkọ dáná sún ìyàwó àti àbúrò rẹ̀ mọ inú ilé?
- Orin ṣì kù tí mo máa kọ, bí ń kò bá parí rẹ̀, ń kò ní kúrò láyé - Ìdí tí Ebenezer Obey ṣe sọ àṣírí yìí rèé
- Akẹ́kọ̀ọ́ rí ẹ̀wọ̀n ọdún márùn-ún he lẹ́yìn tó ná $1m tó ṣèèṣì wọ àpò àsùnwọ̀n rẹ̀
- Ogún mílíọ́nù ọmọ Naijriia ni máà sọ di 'millionaire' tí mo bá di ààrẹ ní 2023 - Yahaya Bello
- Àwọn ológun ilẹ̀ òkèèrè ni máa fi kojú àwọn oníṣẹ́ ibi tó kọlu reluwé Abuja sí Kaduna - El-Rufai búra
O ni awọn ṣe aṣeyọri iṣẹ naa pẹlu ifẹwọsopọ ileeṣẹ aṣobode Naijiria.
NDLEA ni ẹgbẹlẹgbẹ katọnu awọn oogun naa lawọn gbẹsẹlẹ ninu eyii ti awọn oogun naa wa.
Ọwọ NDLEA tun ba Cocaine ati Heroin
Ẹwẹ, NDLEA ni awọn tun ya bo ibi ti wọn ti n ta oogun oloro lagbegbe Wire Road, niluu Benin, ati niluu Uromi, ni ijọba ibilẹ aringbungbun Esan, nibi ti wọn ti gbẹsẹle oogun oloro Cocaine ati Heroin.
Nibẹ ni wọn ti fi ṣikun ofin mu awọn afurasi marun un.
Babafemi ni wọn fi ṣikun ofin mu ọgbẹni kan, Harrison Odion, to n ta oogun.
O ni awọn ka aadọrin igo codeine lọwọ rẹ, eyii to jẹ oogun ti ijọba ti gbẹsẹle ṣaaju lẹyin iwadii ileeṣẹ iroyin BBC.
Gẹgẹ bii ohun to sọ, wọn tun gbẹsẹle tabulẹti Tramadol 9,638, tabulẹti Exol 16,843, ati bẹẹ bẹẹ lọ.
Yatọ si eyii, wọn tun dana sun agbegbe kan ti wọn n gbin igbo si ninu aginju Okpuje.
Babafemi pari ọrọ rẹ pe ọga agba ileeṣẹ naa, Buba Marwa gboriyin fun awọn oṣiṣẹ NDLEA fun iṣẹ ribirbi ti wọn n ṣe lati fọ ilu mọ lọwọ oogun oloro.
