Fuel Scarcity: Ẹgbẹ́ TUC ní káwọn òṣìṣẹ́ rẹ̀ jóko sílé torí ọ̀wọ́n epo
Oríṣun àwòrán, IPMAN
Ẹgbẹ oṣiṣẹ TUC ti n gbero lati gunle iyansẹlodi ti ọwọngogo epo bẹntiroolu ba tẹsiwaju kaakiri orilẹede Naijiria.
Ẹgbẹ TUC ni awọn oṣiṣẹ l'awọn ileeṣẹ kosemani at'awọn ileeṣẹ ijọba ni ọrọ ìyanṣẹ́lódì ọhun yoo kan ti o ba ṣẹlẹ.
Ẹgbẹ oṣiṣẹ TUC n binu si ileeṣẹ aarẹ papaa julọ aarẹ Muhammadu Buhari .
- Ọ̀pọ̀ òṣèré gbarata bí Mama Rainbow ṣe bẹ̀rẹ̀ ẹ̀kún àsun-ùn-dákẹ́
- Mo ṣetán láti bá ẹnikẹ́ni ja ìjà rọ̀fọ̀rọ́fọ̀ nítorí ipò ààrẹ - Tinubu
- Aáwọ̀ APC fẹ́jú, igun kan ń gbé pósí kiri Eko lórúkọ Aregbesola
- Aláboyún àti èèyàn mẹ́jọ míì jóná kọjá mímọ̀ nínú ìjàmbá ọkọ̀ n'Ilorin
- Ẹ wo Bàbá tó pòórá lẹ́ni ọdún 26, àmọ́ tó dédé yọ sí ìlú lẹ́ni ọdún 63
- Naijiria nílò àwọn ‘Ọlọ̀tẹ̀’ tí yóò máa gbéna wojú ìjọba kó lè tẹ̀síwájú - Obasanjo
- "Agbódegbà ní báǹkì àtàwọn míì ló wà nídìí ìdigunjalè ọkọ̀ agbówórìn n‘Ibadan"
- Mo nífẹ̀ẹ́ ìyàwó mi jú ìyá àtàwọn ọmọ mi lọ - Kolawole Ajeyemi
TUC ni o ti yẹ ki Buhari mọ awọn to wa nidi ọwọngogo epo to gbode ni Naijiria, ki o si fi ijiya to tọ sí wọn jẹ wọn.
Ọrọ ti TUC sọ lẹyin ipade opin ọsẹ:
Akapo ẹgbẹ oṣiṣẹ TUC, Mohammad Yunusa lo ṣi aṣọ loju ọrọ yii nibi ipade awọn agba oṣiṣẹ, SSASCGOC niluu Abuja lopin ọsẹ to kọja.
Yunusa to jẹ aarẹ ẹgbẹ SSASCGOC tẹlẹ ṣalaye pe ẹgbẹ naa ti sọ fawọn ọmọ ẹgbẹ lati joko sile titi digba ti ọwọngogo epo yoo fi tan nilẹ.
Yunusa ni "ohun ti a beere fun ni pe ki ijọba wa awọn to wa nidi ọwọngogo epo to gbode kan ki o si fi iya jẹ wọn.
Bakan naa ni ẹgbẹ SSASCGOC to jẹ ọmọ ẹgbẹ TUC ti sọ fun TUC pe, ko paṣẹ fawọn oṣiṣẹ lati dẹkun lilọ si ibi isẹ titi di igba ti epo yoo fi wa daadaa.
Ohun ti a le ṣe niyii, a ṣi n reti esi lati ọdọ TUC.
Ẹ pasẹ pe ki awa osisẹ fidi mọle tori ọwọngogo epo
Ṣugbọn igbesẹ ati ero tiwa ni SSASCGOC ni pe ko yẹ ki ẹnikẹni maa lọ sibi iṣẹ mọ níwọ̀n igba ti ọwọngogo si wa nita.
Ẹ duro si ile yin, ti epo ti ijọba n sọ ba dé, onikaluku yoo pada sẹnu iṣẹ."
Ẹwẹ, Yunusa tun bu ẹnu ẹtẹ lu ijọba apapọ lori ọwọ to fi mu ọrọ iyanṣẹlodi ẹgbẹ olukọ fasiti, ASUU.
O ni ọwọ yẹpẹrẹ ni ijọba fi mu eto ẹkọ ni Naijiria.
Yunusa ni oniruuru adehun ni ijọba apapọ ti buwọlu pẹlu ASUU amọ ti ijọba kuna lati muṣẹ.
"Iṣoro kan gboogi ti ẹgbẹ awọn oṣiṣẹ n koju ni Naijiria ni pe ijọba kii gbọ ọrọ t'awọn oṣiṣẹ n sọ.
Ko ṣeeṣe lati ni ijiroro ti yoo so eso rere pẹlu ijọba apapọ.
ASUU n sọ nípa adehun ti wọn ti ni pẹlu ijọba apapọ tipẹ tipẹ ti ijọba ko tii sọ ohun kan nipa rẹ.
Igba ti awọn ẹgbẹ oṣiṣẹ ba pe fun ìyanṣẹ́lódì nikan ni ijọba maa n tẹti lati gbọ ohun ti wọn n sọ," Yunusa lo sọ bẹẹ.
