Baba Ijesha: Lola Alao ní òun àti Iyabo Ojo rán agbẹjọ́rò méjì gbìjà Baba Ijesha àmọ́ ibi ni wọn fi su àwọn
Oríṣun àwòrán, Lola Alao
Awuyewuye lori ọrọ Baba Ijesha lagbo awọn oṣere tiata Yoruba ko ti tan nilẹ patapata pẹlu bi awọn oṣere ṣi tun se n tahun si ara awọn.
Ọkan lara awọn oṣere tiata, Lola Alao naa ti da si ọrọ to n lọ, Bukky Black lo si doju ọrọ tiẹ kọ nitori oko ọrọ ti onitọun sọ si Iyabo Ojo.
Lola tutọ soke o foju gbaa lori fidio ti Bukky Black ṣe eleyii to fi tako Iyabo Ojo lori ọrọ Baba Ijesha.
- Ọjọ́ mẹ́rin ni mo fi bẹ Princess pé kí ọ̀rọ̀ Baba Ijesha má di ẹjọ́ - Iya Rainbow
- TAMPAN bẹ̀rẹ̀ ìjíròrò pẹ̀lú àwọn igun tó ń bínú, ọ̀rọ̀ yóò yanjú láìpẹ́ - Femi Adebayo
- Sunday Igboho ní digbí lòun wà lẹ́yìn Nnamdi Kanu àti ìdásílẹ̀ Biafra
- Ta ló fẹ́ jí Auxilliary gbé ní Ibadan?
- Àwọn àgbà Yorùbá sọ̀rọ̀ lórí ìbẹ̀rù pé wọ́n le gbé Sunday Igboho lẹ́yìn tọ́wọ́ tẹ Nnamdi Kanu
- Eré wa ni kẹ wò, ẹ má wo aṣemáṣe àwa onítíátà - Olaiya Igwe
- Bíṣọ́ọ̀bù Enugu ní obìnrin ni wọ́n fi mú Nnamdi Kanu
- Ẹni tó bá tàbùkù àgbà níta, ti ń bú òbí rẹ̀ nílé tẹ́lẹ̀ - Yomi Fabiyi
- Jide Kosoko, tí mo bá tú àṣírí rẹ, àwọn ọmọbìnrin rẹ yóò dọwọ́ bojú - Nkechi Blessing yarí
- Mo dẹ́kun àdúrà gbígbà lẹ́yìn ikú Ajimobi - Florence aya olóògbé
Lola sọ pe niwaju Ọlọrun ati eniyan, Iyabo ko mọ ohunkohun nipa ọrọ yii rara, o ni oun gan an ni oun pe Iyabo nigba toun gbọ pe awọn ọlọpaa ti mu Baba Ijesha.
''Bukky, ni akọkọ na, mo fẹ ki o mọ pe bi wọn ti gba beeli Baba Ijesha ko tumọ si pe ẹjọ ti pari o.
Emi fun ra mi ni mo fi agbẹjọro meji ranṣẹ si Baba Ijesha ni agọ ọlọpaa ti wọn ti i mọ lẹyin ti mo ba Iyabo sọrọ tan.
Ẹ ba mi beere lọwọ Ijesha boya ko ri awọn agbẹjọro meji ti mo fi ranṣẹ si i.
Iyabo ko korira Ijesha, ohun to ṣẹlẹ gan an ni Iyabo n sọ nitori iru nkan bayii ti ṣẹlẹ si i ri."
Lola Alao ni oun gan ni oun fi isẹlẹ naa to Yomi Fabiyi ati Iyabo Ojo leti, gẹgẹ bi aburo oun tawọn mejeeji jẹ, ti wọn si dide lati gba Baba Ijesha silẹ nitori awọn lero pe wọn fẹ ba lorukọ jẹ ni.
O ni bi awọn mejeeji si se gbọ ọrọ yii ni wọn dide pe awọn yoo lọ lai jẹ pe ẹnikankan ninu awọn tiẹ mọ ohun ti Baba Ijesha se, to fi de agọ ọlọpaa.
Koda, Lola Alao fidi rẹ mulẹ pe oun n reti Baba Ijesha ko wa ba oun nilu oyinbo ti oun wa lati se sinima kan papọ amọ ti awọn ko ri, to si n ka oun lara pe bawo lo se maa hu iru iwa bayii si oun.
Amọ o ni nigba ti oun pe lati wadi idi ti ko se tii de, ni jẹbẹtẹ gbe ọmọ le oun lọwọ nigba toun gbọ pe o ti wa ni ahamọ ọlọpaa ni Panti.
This article contains content provided by Instagram. We ask for your permission before anything is loaded, as they may be using cookies and other technologies. You may want to read Instagram cookie policy and privacy policy before accepting. To view this content choose 'accept and continue'.
End of Instagram post
Koda, Yomi Fabiyi gan bẹrẹ si kọ awọn ọrọ lati gbeja Baba Ijesha, ti oun gan si n se alabapin awọn ọrọ naa loju opo Instagram oun amọ ni kete ti oun mọ idi ọrọ to sẹlẹ, ni oun pa awọn ọrọ naa rẹ.
"Nigba ti Princess fi fidio ranṣẹ, ti emi ati Iyabo wo o tan, ni Iyabo mura pe idajọ ododo gbọdọ ṣẹlẹ lori ọrọ naa.
Bukky, Iyabo ko ba ti sọrọ ti ko ba ṣe fidio ti o fi lede lori ayelujara.
Ṣebi agbalagba ni ẹ, Bukky? Ṣe agbalagba maa n ṣe langbalangba ni?
Bukky, ki ni iwọ ṣe nigba ti wọn mu Baba Ijesha, ṣe bi a jọ wa ni ilu oyinbo ni?
Mo ti n dakẹ lori ọrọ yii tipẹ ṣugbọn ẹri ọkan mi ko jẹ ki n gbadun, jẹjẹ ni Iyabo joko sile rẹ, ẹmi ni mo fi ọrọ Baba Ijesha lọ ọ.
O n dun mi pe emi ni mo ti Iyabo si gbogbo wahala yii.
Awọn adigunjale ti wa sile mi ri ti wọn ji goolu mi atawọn nkan mii, nitori naa ti wọn ba mu ole nibi kan, mo maa n fẹ ki wọn lu daadaa nitori o ti ṣẹlẹ si mi ri.
Bayi naa si lo maa n ri lara Iyabo to ba gbọ nipa ẹnikan to fi tipa ba obinrin lo pọ."
Lola Alao wa koro oju si bi ọpọ eeyan se n sọrọ si Iyabo Ojo lori ayelujara, to si tun gbara ta lori aarin Yomi Fabiyi ati Iyabo Ojo to ti daru bayii nitori ọrọ Baba Ijesha.
O ni awọn aburo oun mejeeji wa di ọta ara awọn amọ oun mọ pe Ọlọrun yoo ba oun yanju ọrọ naa.
