Isa Patami: Mínísítà fèsì sí ìròyìn tó ní ó wà lára àwọn bàbá ìsàlẹ̀ Boko Haram àti Al-Qaeda
Oríṣun àwòrán, @DrIsaPantami
Minisita fun ileeṣẹ ijọba to n ri eto ibaraẹnisọrọ ni Naijiria, Isa Pantami ti fesi si iroyin kan to sọ pe, orilẹ-ede Amẹrika kede rẹ gẹgẹ bi ọkan lara awọn baba isalẹ ẹgbẹ agbesunmomi Boko Haram.
Pantami sọ loju opo Twitter rẹ pe, ile iṣẹ iroyin to gbe iroyin ọhun jade yoo foju ba ileẹjọ fún ibanilorukọ jẹ.
Laarọ ọjọ Aje ni iroyin naa lu ori ayelujara pa pe, Amerika darukọ minisita eto ibaraẹnisọrọ gẹgẹ bi ọkan lara awọn to n ṣe onigbọwọ ẹgbẹ agbesunmomi.
Àwọn iròyin tì ẹ leè ní ìfẹ̀ síí:
- Á fojú Sunday Igboho balé ẹjọ́, á sì gba ₦500m owó ìtanràn fún Seriki - Ẹgbẹ́ Fulani
- Bí ìlànà ìsìnkú Yinka Odumakin yóò ṣe lọ rèé - Mọ̀lẹ́bí kéde
- Ọ̀rọ̀ agọ̀ ni Dambazau sọ bó ṣe fi OPC wé Boko Haram - Àgbààgbà Yorùbá
- Ọmọ yẹrí ẹ, èpè ń bọ̀! Kí ló dé tí Foluke Daramola bu èpè jólẹ̀ lórí ayélujára?
- Àlàyé rèé lórí ikú tó pa ọmọ Ronke Oshodi Oke
- Wo ọ̀pọ̀ àǹfààní tó wà nínú eré ìdárayá Squash fún àgbéga ìlera àti ọrọ̀ ajé rẹ
- Òjò owó ń rọ̀ fún abilékọ ẹlẹ́sẹ̀ kan tó n ta pure water lójú pópó
- Ẹ wo ìdí tí omije fi bọ́ lójú Pasuma níbi ìgbéyàwó ọmọ rẹ̀ obìnrin
- Ikọ̀ aláàbò Ebube Agu bẹ̀rẹ̀ nílẹ̀ Igbo, tó túmọ̀ sí Amotekun
Iroyin kan tiẹ ṣalaye pe, ẹka ileeṣẹ ọtẹlẹmuyẹ ilẹ Amerika sọ pe ki Pantami to de ipo minisita, lo ti jẹjẹ lati maa ṣe atilẹyin fún ẹgbẹ Al-Qaeda.
Iwe iroyin naa tun sọ pe, Pantami ni ibaṣepọ pẹlu olori akọkọ fun ikọ Boko Haram, Mohammed Yusuf at'awọn olori ẹgbẹ Abu Quatada Al-Filistini ati Al-Qaeda.
Oríṣun àwòrán, NigeriaArmyHQ
Amọ, minisita naa ni fun bi ọdun mẹẹdogun loun ti n ṣe idanilẹkọ tako awọn alakatakiti ẹsin.
Pantami ni lori ọrọ lilo kaadi idanimọ NIN lati fi koju eto abo to mẹhẹ, o ni ijọba ko ni boju w'ẹyin.
Ẹwẹ, iwadii fihan pe orukọ Pantami ko si ninu awọn orukọ awọn to niṣe pẹlu ẹgbẹ agbesunmomi ti awon ọlọpaa FBI fi lede.
Agbẹnusọ fun minisita feto ibaraẹnisọrọ naa, Uwa Suleiman sọ fun BBC pe, iwe iroyin to gbe iroyin naa jade fẹ fi ba minisita lórúkọ jẹ lasan ni.
Suleiman ni onimọ nipa ẹsin Islam ni Pantami, o sí kẹkọọ kaakiri orilẹ-ede agbaye to fi de orilẹ-ede Saudi Arabia.
O ṣalaye pe koko miran to fihan pe Pantami ko mọ ohun kan nipa awọn ẹgbẹ agbesunmomi ni fidio ti olori Boko Haram Abubakar Shekau ṣe ninu eyi to ti sọ pe Pantami wa lara awọn eeyan ti oun fẹ pa.
O ni Shekau sọ ninu fidio ọhun lọdun 2020 pe Pantami lọ darapọ mọ ijọba bo tilẹ jẹ pe onimọ nipa ẹsin musulumi ni.
