Ebube Agu: Àwọn gómìnà Igbo ṣàgbékalẹ̀ ikọ̀ ẹ̀ṣọ́ aláàbò tuntun
Oríṣun àwòrán, Ft. Dj Benkraft
Awọn gomina ni Guusu ila oorun Naijiria ti korajọ lati ṣagbekalẹ ikọ alabo kan ti wọn pe orukọ rẹ ni "Ebube Agu" lọna ati gbogun ti iwa ọdaran to n peleke sii lagbegbe naa.
Alaga ẹgbẹ awọn gomina ọhun, Dave Umahi lo kede agbekalẹ ikọ naa lẹyin ipade kan ti oun atawọn akẹgbẹ rẹ ṣe niluu Imo.
Gẹgẹ bo ṣe sọ, olu ọọfisi ikọ naa yoo wa ni ipinlẹ Enugu.
Àwọn iròyin tì ẹ leè ní ìfẹ̀ síí:
- Ẹ wo ìdí tí omije fi bọ́ lójú Pasuma níbi ìgbéyàwó ọmọ rẹ̀ obìnrin
- Agbára ahọ́n ta fi n pe ara wa ní olóríire ló jẹ́ ká gba ẹ̀bùn ilé - Olorì Aláàfin méjì
- Ẹ̀tanú ní kó jẹ kí wọ́n gbé ipò ààrẹ fún MKO Abiola - Obasanjo
- Alaafin kọ́lé tuntun fún ọ̀kan lára Olorì rẹ̀ ní Ibadan, ariwo sọ
- Davido, Pasuma àti Yinka Ayefele dábírà lópin ọ̀sẹ̀, aráyé múgbe bọnu
- Yorùbá sọ̀kò ọ̀rọ̀ sí Arewa lórí bó ṣe fẹ́ àtúntò Nàíjíríà àmọ́ tó tako pínpín ipò ààrẹ
- Ìsìn àrà ọ̀tọ̀ wáyé níjọ Canterbury Cathedral láti yẹ́ Ọmọọba Phillip sí
- Jàndùkú pa ìyá ọlọ́mọ mẹ́ta l‘Eko bó ṣe kù díẹ̀ kóun àti ẹbí rẹ̀ lọ tẹ̀dó sí Canada
Ninu atẹjade to fi lede lẹyin ipade naa, Umahi sọ pe ikọ ọhun yoo tun maa dari iṣẹ awọn fijilante agbegbe naa.
O ni "lẹyin ipade pẹlu awọn gimina atawọn ti ọrọ kan nipa ti eto abo ni iha Guusu ila oorun Naijiria, a ti fẹnuko lati gbogun ti iwa ọdaran ati iwa iṣẹrubalu ni Naijiria, paapaa lagbegbe wa."
"Bẹẹni a tun bu ẹnu atẹ lu bi awọn ọdaran kan ṣe n dana sun agọ awọn ọlọpaa ati ọgba ẹwọn, ti wọn si n tu awọn ẹlẹwọn silẹ."
Umahi fi kun pe digbi ni gbogbo ipinlẹ marun to wa ni iha Guusu ila oorun Naijiria wa lẹyin ijọba apapọ lori eto abo, ati pe gbogbo igbesẹ ti ijọba apapọ ba fẹ gbe lati kọju ija si awọn ọdaran lawọn yoo tẹle.
O ṣalaye pe gbogbo awọn oloṣelu nilẹ igbo ti fẹnuko lati fi imọ ṣọkan lori awọn aṣẹrubalu, wọn si ti pinnu lati kọju ija si awọn eeyan naa labẹ asia kan naa.
Awọn gomina ọhun tun ke si ọga agba ileeṣẹ ọlọpaa lati gba awọn kọmiṣọna ọlọpaa laaye lati maa ṣiṣẹ wọn bo ṣe tọ ati bo ṣe yẹ dipo ko maa ran awọn eeyan kan wa lati Abuja lati maa bẹ iṣẹ wọn wo.
Wọn tun fẹnuko pe awọn ti gbẹsẹle bi awọn daradaran ṣe maa n da ẹran kaakiri aarin ilu.
Atẹjade naa pari pe ki ibaṣepọ to dan mọran wa laarin awọn agbẹ atawọn to n si maalu.
Ọpọ awọn ọmọ Naijiria lo ti bẹrẹ si n fi erongba wọn lede lori ikede ikọ ẹṣọ alabo tuntun naa.
