Ibadan Market looting: Ọjà ẹgbẹ̀lẹ́gbẹ́ mílíọ̀nù ni jàǹdùkú kó lọ́jà Agbeni, wọ́n tún sọná sun ṣọ́ọ̀bù
Oríṣun àwòrán, @Fedfireoyo
Awọn janduku yabo ọja Agbeni Ologede niluu Ibadan lọjọ Abamẹta, nibi ti wọn ti ji ọpọ nnkan ko ninu ṣọọbu mẹẹdogun, ti wọn si sọna si awọn ṣọọbu naa.
Iroyin ti a gbọ ni pe, ọja to to ẹgbẹlẹgbẹ miliọnu owo naira lawọn janduku ọhun jigbe lọ.
Awọn kan tiẹ sọ pe, awọn janduku naa sọna sawọn ṣọọbu ọhun lati le bo iṣẹ ibi ti wọn ṣe mọlẹ.
Àwọn iròyin tì ẹ leè ní ìfẹ̀ síí:
- Ìjọba Oyo gbé ilé ẹ̀kọ́ gíga kan tìpa torí àrùn Coronavirus
- A ó ṣèrànwọ́ fáwọn ẹbí ọlọ́pàá tó bá rògbòdìyàn EndSARS lọ láti inú N500m tí a yà sọ́tọ̀- Makinde
- Díẹ̀ ló kú kí owó tán l‘ápò mi torí ìrànwọ́ Coronavirus - Pasuma
- Mo ṣèlérí láti rí sí ìrẹ́pọ̀ àti ìwòsàn Amẹ́ríkà - Joe Biden
- Bí ọwọ́jà ìjọba mi kò bá tíì dọ́dọ̀ yín, ẹ ṣe sùúrù pẹ̀lú wa- Ààré Buhari bẹ̀bẹ̀
- Èèyàn méjì àti ọkọ̀ 29 ló jóná níbi ìṣẹ̀lẹ̀ táńkà agbépo tó gbiná ní mọ́rosẹ̀ Eko sí Ibadan
Awọn to n gbe agbegbe naa, ti wọn ri eefin ina to sọ lala, ni wọn kan si ileeṣẹ panapana ipinlẹ Oyo, ni nnkan bii aago mẹfa owurọ ọjọ Abamẹta.
Oríṣun àwòrán, @Fedfireoyo
Ṣugbọn ọga agba ileeṣẹ panapana ipinlẹ Oyo, Ọgbẹni Moshood Adewuyi ṣalaye pe, awọn janduku ọhun kọju ija si awọn panapana pẹlu ada atawọn ohun ija oloro miran nigba ti wọn de ibẹ.
Iṣẹlẹ ọhun ni a gbọ pe, o da ibẹru-bojo silẹ lagbegbe naa lẹyin tawọn eeyan n gbọ iro ibọn nigba tawọn ẹṣọ Operation Burst kọju ija si awọn janduku naa.
Ọgbẹni Adewuyi sọ pe awọn ẹṣọ Operation Burst to koju awọn janduku naa ri pe alaafia jọba pada lagbegbe ọhun.
Iroyin kan tun sọ pe, ọwọ ti tẹ awọn meji to wa lara awọn to ṣagbatẹru iṣẹlẹ laabi yii.
