Insecurity: Buhari ní ẹ̀ka aláàbò Nàíjíríà tiraka àmọ́ ó yẹ kí wọn ṣe jù bẹ́ẹ̀ lọ

Aarẹ orilẹede Naijiria, Muhammadu Buhari ti kede pe awọn ọms Naijiria funra wọn mọ pe ijsba oun ti sa ipa rẹ lati gbogun ti aifararọ eto aabo.

Aarẹ Buhari kede bẹẹ lasiko to n bawọn akọroyin ile ijọba sọrọ nile ijọba Aso Rock nilu Abuja lati sami ọdun Ileya.

Amọ aarẹ wa fi aidunnu rẹ han lori isesi awọn asaaju ikọ alaabo wa, o ni o yẹ ki wọn se aseyọri ju bayii lọ.

Àwọn iròyin tì ẹ leè ní ìfẹ̀ síí:

"Mo fẹ kawọn ọmọ Naijiria mọ daadaa nipa orilẹede wọn ati awọn ohun ta ba nilẹ lọdun 2015.

Eyi tii se ikọlu Boko Haram ni ẹkun ariwa ati tawọn ajijagbara lẹkun aarin gbungbun guusu Naijiria.

O si da mi loju pe awọn ọmọ Naijiria gan mọ pe mo ti gbiyanju lati se ohun ti agbara mi ka lori wọn."

"Awọn ohun to n sẹlẹ lẹkun iwọ oorun ati aarin gbungbun ariwa Naijiria n ba ni ninu jẹ pupọ.

Amọ mo si nigbagbọ ninu awọn osisẹ ologun, ọlọpaa atawọn osisẹ agbofinro yoku lati ipasẹ abọ ti wọn n jẹ fun mi, sugbọn mo ro pe o yẹ ki wọn si lee se ju bayii lọ."

Bakan naa ni agbẹnusọ fun aarẹ Muhammadu Buhari, Garba Shehu, fi atẹjade kan sita lọjọ ọdun Ileya.

O ni aarẹ Buhari ti fọwọ sọya fawọn ileesẹ alaabo pe oun yoo pese awọn ohun eelo to yẹ fun wọn lati lee koju aifararọ eto aabo nibikibi lorilẹede Naijiria.

Ẹ yìnbọn pa ọ̀daràn tí ẹ bá rí níbi kíbi, Buhari pàṣẹ fáwọn ológun

Aarẹ Muhammadu Buhari ti paṣẹ fawọn ologun pe ki wọn yinbọn pa ọdọran kọdaran to ba n ṣagbatẹru rogbodiyan tabi ikọlu kaakiri orilẹede Naijiria.

Aarẹ ni o ba oun lọkan jẹ bi awọn janduku ti n pawọn alaiṣẹ ati bi wọn ti n sọ ọpọ di alaabọ ara ti wọn si n tun n jawọn lole.

Aarẹ Buhari fọrọ yii lede nibi ti o ti n bawọn ọmọ ologun 17th Brigedi atawọn ọmọogun ofurufu 213 Operational Base niluu Katsina lọjọ Abamẹta.

Buhari rọ awọn ologun naa ti wọn pe ọrukọ wọn ni "Operation Hadarin Daji," lati ṣiṣẹ eto aabo ti ijọba gbe fun wọn takuntakun.

Aarẹ ni ijọba ''da ẹgbẹ ọmọogun yii silẹ lati daabo bo apa iwọ oorun ariwa orilẹede Naijiria lọwọ awọn janduku ti wọn da ilu ru kiri, ati pe iṣẹ wọn ni lati daabo bo orilẹede Naijiria lapaapọ.''

Aarẹ sọ pe oun gẹgẹ bi olori ileeṣẹ ologun Naijiria ''gbagbọ pe awọn ọmọogun koju oṣuwọn lati ṣiṣẹ ti ijọba gbe fun wọn,'' bakan naa ni aarẹ paṣẹ fun wọn pe ki ''wọn o wa awọn ọdanran to n da rogbodiyan silẹ lọ sibi kibi ti wọn ba n farapamọ si, ki wọn si mu wọn kuro nilẹ.''

Buhari ni o to gẹ bayii nitori Naijiria pe alaafia gbọdọ jọba lorilẹede Naijiria.

Aarẹ Buhari ṣeleri pe ijọba ṣetan lati pese ohun elo ijagun ti wọn nilo lati ṣiṣẹ to wa lọwọ wọn.

Lọjọ Abamẹta yii naa ni Aarẹ Buhari pada siluu Abuja lẹyin isinmi ọdun Sallah to lọ ṣe niluu rẹ Daura lati ọjọ kẹjọ oṣu kẹjọ.