YK Abass, Sumaila Aderemi Jimoh: Kí ló ń ṣẹlẹ̀ nípa oyè 'Babalọja- General'ní ìpínlẹ̀ Oyo?
Oríṣun àwòrán, Others
Ki lo n sẹlẹ nipa ọrọ oye 'Babaloja-General' n'ipinlẹ Ọyọ?
Eyi ni ibeere ti ọpọ n beere nipa ohun to n ṣẹlẹ bayii nipinle Oyo.
L'aipẹ yii ni Gomina ipinlẹ Ọyọ, Onimọẹrọ Ṣeyi Makinde kede Alhaji Yekini Abass gẹgẹ bii Babaloja fun gbogbo ipinlẹ Ọyọ.
Ọrọ oye naa ti da ọpọlọpọ awuyewuye silẹ saaju asiko yii ki Gomina to kede Babaloja tuntun.
Ninu ọrọ ti o fi lede lẹyin ikede naa, ẹni ti awọn eeyan mọ tẹlẹri gẹgẹ bii Babaloja gbogbo ipinlẹ Ọyọ, Alhaji Sunmaila Aderemi Jimoh ṣe alaye wi pe igbesẹ ti Makinde gbe lodi si idajọ ile ẹjọ lori ọrọ oye 'Babaloja-General'.
- Mo fẹ́ díje fún ipò àárẹ ní 2024 láti gbé ògo America dìde lẹ́ẹ̀kan sí i - Trump
- Ègbé ni fún ẹnikẹ́ni tó bá gbìyànjú láti yẹpẹrẹ àkọ́bí mi- Iyabo, ìdí rèé – Obansajo
- T-a ni Họ́nọ́rébù tó jáde láyé ni Jos lẹ́yìn ìpolongo APC-
- Èèyàn tó wà láyé pé Bílíọ́nù mẹ́jọ, mọ̀ nípa àwọn tó mú u kó pé bẹ́ẹ̀
- P-eter Obi máa fojú ba ilé ẹjọ́ nítorí àwòrán ọmọ tó lò fi ṣe ìpolongo l'Eko- Ajàfẹ́tọ̀ọ́
- Ọ̀rẹ́ làwọn olóṣèlú, ohun tí wọn yóò jẹ ni wọ́n ń wá, ẹ má pa ara yín nítorí wọn– Matthew Kukah
Jimoh ni agbara lati yan Babaloja fun gbogbo ipinlẹ Ọyọ ko si lọwọ ẹka ijọba kankan, yala lọwọ awọn alakoso ipinlẹ tabi awọn amofin, bikoṣe lọwọ gbogbo awọn ontaja to n bẹ n'ipinlẹ naa.
Gẹgẹ bi o ṣe sọ:
"Ejọ ti ile ẹjọ giga ipinlẹ Ọyọ da tako Alhaji Yekini Abass nibi ti ile ẹjọ naa ti fi ofin dee wi pe ki o dẹkun ati maa pe ara rẹ ni Babaloja gbogbo ipinlẹ Ọyọ ṣi fi idi mulẹ, nitori pe ile ẹjọ kankan ko tii tako aṣẹ naa".
Jimoh fi kun ọrọ rẹ wi pe ko si nnkan to jẹ tuntun ninu ikede ti ijoba ipinlẹ Ọyọ ṣe, paapaa julọ "nitori pe awọn eeyan ti kii ṣe oloootọ lo n ṣoju fun ijọba naa, ti wọn ko si ni ibọwọ fun ofin orilẹede Naijiria".
"A o fi ọwọ ofin mu ọrọ naa, Gomina yoo si mọ eyii tii se otitọ".
Alhaji Ibrahim tẹsiwaju wi pe gbogbo igbiyanju lati da oju ilana to n ṣe anfani fun awọn ontaja ipinlẹ Ọyọ ru ni yoo re okun igbagbe ti gbogbo madaru yoo si ja si asan.
O ni, "ẹgbẹ ontaja ni wa, ẹgbẹ wa si forukọ silẹ labẹ ileeṣẹ ijọba to n mojuto idasilẹ ileeṣẹ and karakata.
A kii se ileeṣẹ ijọba, bẹẹ sini aṣoju ijọba kankan ko lẹtọ lati lati da si ọrọ bi a ṣe n yan Babaloja fun gbogbo ipinlẹ Ọyọ".
Jimoh ni ẹnikẹni ti idajọ ile ẹjọ ba ru loju, ki a gba ile ẹjọ lọ ki o si lọ beere alaye.
