Seyi Makinde ní rògbòdìyàn tó ń wáyé láàrí òun àti Fayose ti di ohun ìgbàgbé
Oríṣun àwòrán, Olagunju Lekan
Gomina ipinlẹ Oyo, Seyi Makinde ti ke si awọn ọmọ Naijiria lati maṣe pa ara wọn nitori awọn oloṣelu.
Makinde lo sọ ọrọ naa nibi ayẹyẹ igbeyawo ọmọkunrin gomina ipinlẹ Ekiti tẹlẹ, Ayodele Fayose, eyii to waye niluu Eko.
Lara awọn oloṣelu to wa nibi ayẹyẹ igbeyawo naa ni gomina ipinlẹ Rivers, Nyesom Wike, to fi mọ gomina ipinlẹ Osun tẹlẹ, Olagunsoye Oyinlola ati gomina ana ni ipinlẹ Ekiti, Segun Oni.
- DSS 20, Sọ́jà 200 àti Babaláwo mẹ́ta ló kọlu ilé Sunday Igboho
- "Àwọn ọ̀dọ́ ti ṣetán láti dá wàhálà sílẹ̀ fún ìdáǹdé Sunday Igboho"
- Ǹjẹ́ òbìnrín tún le lóyún lásìkò tó wà nínú oyún, kíní sáyẹ́nsì sọ?
- Torí N200,000 ni mo ṣe lẹ̀dí àpò pọ̀ mọ́ ajínigbé láti jí bàbá mi gbé - Afurasí
- Ẹ wo alágbe méje tó lówó jùlọ ní àgbáyé
- Wo ọmọ Nàíjíríà tó wà nínú Mùsùlùmí 500 tó lààmì laaka lágbàáyé
- "Gbàǹjo! Ta ni yóò rà mí ní ₦20m, mo wà fún títà"
- Nnkan ìtìjú gbàá ni bí wọ́n ṣe já ọgbà ẹ̀wọ̀n l'Oyo - Iba Gani Adams
- Amotekun àti Sọ́jà kú lásìkò tí wọn já ọgbà ẹ̀wọ̀n Abolongo l‘Oyo - Makinde
- Ajínigbé jí ọmọ ìyá méjì gbè lákàtà ìyá wọn nílùú Akure
Bo tilẹ jẹ pe ọmọ ẹgbẹ oṣelu PDP ni Makinde, Wike, Oyinlola, Oni ati Fayose, ọmọ ẹgbẹ oṣelu APC ni Fayemi.
Nigba to n sọrọ, Makinde ni ọrọ oṣelu kii ṣe ohun to yẹ ki eeyan fi ẹmi ara rẹ di.
O ṣalaye pe rogbodiyan to n waye laarin oun ati Fayose ti di ohun igbagbe.
Makinde ṣalaye pe yatọ si pe igbeyawo ọmọ Fayose mu irẹpọ wa laarin awọn oloṣelu, o ni awọn tọkọ-taya naa kii ṣe ẹlẹsin kan nitori ọkan ninu wọn jẹ Musulumi, nigbati ẹnikeji jẹ ọmọlẹyin Kristi.
Gomina ọhun sọ siwaju si pe ko yẹ ki awọn oloṣelu maa ṣe oṣelu ẹtanu, wọn si gbọdọ mọ pe ipo oṣelu kii ṣe agidi, paapaa bi eto idibo ọdun 2023 ṣe n sunmọle.
O ni "Ọrọ oṣelu kii ṣe ohun to yẹ ki ẹmi eeyan maa lọ si, eto idibo gbogbogbo ti n sunmọle, mo si fẹ fi akoko yii parọwa si gbogbo awọn oloṣelu lati ṣe jẹjẹ."
"Ti ẹ ba wo igbeyawo yii daadaa, tọkọ-taya wa lati idile Musulumi ati Kristẹni, nitori naa, ki bogbo awọn to maa n ja lori ọrọ ẹsin tu inu wọn ro."
Makinde pari ọrọ rẹ pe "Ti ẹ ba wo awọn gomina ipinlẹ tẹlẹri wọnyii, Segun Oni, Ayo Fayose ati Kayode Fayemi, bo tilẹ jẹ pe wọn ti tukọ ipinlẹ Ekiti, wọn kii ṣe ọmọ ẹgbẹ oṣelu kan naa."
"Nitori naa, to ba ni ẹni to fẹ pa ara rẹ nitori awọn oloṣelu, ko tu ero inu rẹ pa."
