60 years married Benjamin Awoyemi: Ó dá mi lójú pé kò sí ẹni tí ọkọ mi ń ro ẹjọ́ mi fún

Ifẹ ẹlẹyẹle gaan leyii to jẹ pe afori afọrun ki n maa ba ẹ lọ ni titi ayeraye.

"Gbogbo ija wa, ori bẹẹdi ni yoo ti bẹrẹ, ori bẹẹdi naa si ni yoo ti pari. A o ki n joko ro ẹjọ ara wa fun mọlẹbi kankan tabi ọrẹ".

Idile Benjamin Awoyẹmi ti wọn ti ṣe igbeyawo fun odindi ọgọta ọdun gba BBC Yoruba lalejo ni ile wọn.

Olu Jacobs àti Joke Silva yan orúkọ ọ̀tọ̀ọ̀tọ̀, àmọ́ wo ohun tó mú ìgbéyàwó wọn dúró

'Bíríkílà ni ọkọ mi, kò lọ síléèwé, àwọn ọmọ mi ti ń bímọ àmọ́ èmi fúnráàmi fẹ́ di tísà'

Iwa nabi tu igbeyawo ọgbọn ọdun ka

Tẹgbọn-taburo se igbeyawo ni Anambra

'O yẹ ki dokita ọpọlọ yẹ ọpọlọ mi wo'

Baba Benjamin ni lati igba ti awọn fẹ ṣe iyawo lawọn ti wo bi igbesi aye ẹda ṣe maa n ri ti awọn si ti kọ iwa ara awọn lati mọ bi wọn ṣe lee ba ara wọn gbe.

Afọkansi ati igbọraẹniye ṣe pataki ninu igbeyawo gẹgẹ bi baba ati mama Benjamin ṣe sọ ọ.

Gbogbo ohun ti iyawo mi ba ti ṣe, a jọ mọọ ni, ko sohun to jọ pe ki n ma mọ nipa nkan ti iyawo mi ba ṣe.

Ni ti mama Benjamin, o ni oun ṣa n gbadura pe ki Ọlọrun tọ oun sọna nigba ti baba Benjamin kọ inu ifẹ si i, Ọlọrun si lo tọka rẹ si i ti oun ṣe fẹ ẹ.

"Ó kéré ó tóbi, ko si iru igbeyawo teeyan le ṣe ti ko ni ni iṣoro". Amọ Iyaafin Benjami ni bo ba ṣe n yọju ni Ọlọrun n mu ọna abayọ ati ojuu wa.

Iriri awọn mejeeji yii kọja ohun ti eeyan le lọ san owo lati jokoo si kilaasi maa kọ. Ẹkọ pọ ti ẹ le kọ ti gege wa o ni lee kọ tan afi ki ẹ wo o ninu fidio naa.