JAMB news 2021: Ìdí tí NIN rẹ fi ṣe pàtàkì láti forúkọsílẹ̀ fún ìdánwò JAMB rèé

Oludari ajọ to n ri si idanwo aṣewọle iwe giga JAMB, Ọjọgbọn Ishaq Oloyede ti ṣalaye pe idi ti ajọ naa fi paṣẹ pe ki awọn aṣedanwo maa lo nọmba idanimọ NIN fun iforukọsilẹ ni lati dẹkun magomago idanwo.

Ọgbẹni Oloyede sọ eyi lasiko ipade ori ayelujara kan to ṣe plu alakoso ibudo idanwo ori ẹrọ ayarabiaṣa (Computer Based Test) pe aṣẹ lilo nọmba NIN lọdun yii wa latọdọ minisita eto ẹkọ, Adamu Adamu ati pe idi mii ni lati bojuwo ọrọ abo lorilede Naijiria.

Eyi ko waye lasiko idanwo JAMB ti ọdun 2020.

Ẹ kò nílò nọ́mbà ìdánimọ̀ NIN fún ìdánwò àṣewọlé ọdún 2020 - JAMB

ICPC fi panpẹ́ ọba mú ọ̀gá àgbà Jamb tẹ́lẹ̀ rí

Ohun tí Ọlọ́pàá mọ̀ nípa bóyá Agbébọn jí ọmọ ìjọ RCCG mẹ́jọ tó ń lọ jèrè ọkàn gbé rèé!

"Nitori abo ni. Fun ipele tiwa yii, yoo ṣeranwọ lati lodi si biba eeyan kọ idanwo amọ idi ti wọn gbojule ju ni ipenija aabo lorilẹede Naijiria a si mọ pe ọpọlọpọ iṣoro taa ni lo ni ṣe pẹlu iṣoro idanimọ tori ao le da gbogbo araalu mọ..."

JAMB ti kede pe ọjọ kẹjọ oṣu kẹrin ni wọn da fun iforukọsilẹ idanwo tdun yii wn si ni yoo pari ni ọjọ kẹẹdogun oṣu karun ọdun 2021.

Awọn ti ko wa ni nọmba NIN tabi siimu kaadi n kọ?

Oloyede sọ nibi ipade ọhun pe awọn aṣedanwo gbudọ lo siimu to si n ṣiṣẹ ti wn o si tii lo ri ṣaaju akoko iforukọsilẹ wọn.

O fi kun un pe ajọ JAMB n ba minisita to n ri si ibanisọrọ ṣepade lati fun awọn ni aṣ idariji fun ida ogun aṣedanwo ti ko ba ni siimu.

"Kii ṣe gbogbo aṣedanwo ni ko ni siimu, ida ọgọrin lo ti nọmba wọn, torinaa a n sọrọ ida ogun bayii taa ba si ri anfani ati gba aṣ idariji yii latọdọ minisita, ao rii daju pe awọn eeyan tẹle ofin tori ijọba ti ni gbogbo nkan yii ni o le ṣamojuto aabo fun gbogbo wa.

Elo ni owo iforukọsilẹ JAMB?

Ajọ JAMB loju opo Twitter wọn kede pe ẹgbrun mẹta abọ Naira (N3,500) ni owo idoruksilẹ ati ẹẹdẹgbẹta naira (N500) fun awọn iwe to yẹ ni kika fun idanwo naa.