Coronavirus Nigeria : Àwọn gómìnà Naijiria mẹ́rin tó tí ní àrùn Coronavirus
Oríṣun àwòrán, others
Lati igba ti arun Coronavirus ti rapala wọ orilẹ-ede Naijiria loṣu keji ọdun 2020, ọpọlọpọ eeyan ni o ti ran.
Lara awọn to ti ko arun naa ni a ti ri gomina, olori oṣiṣẹ aarẹ, awọn oṣiṣẹ eto ilera ati ọpọ awọn eeyan miran lawujọ.
Pupọ ninu awọn gomina to ko arun naa lo ti gba iwosan.
- Lizzy Anjorin sun ẹkún ìyàwó, èèyàn kan fún un lẹ́bùn aṣọ funfun láti mọ ìbálé rẹ̀
- Wo bí ètò ìdìbò abẹ́lé ẹgbẹ́ òṣẹ́lú PDP ṣe ń lọ ní ìlú Akure
- Pásítọ̀ ìjọ Sotitobire padà yọjú sílé ẹjọ́ lónìí, àbọ̀o rèé...
- Wo àwọn ọ̀nà míràn tí o leè gbà lẹ́yìn tí wọ́n bá ti afára Third Mainland
- Kí ló pa Bobrisky àti Olorì Aláàfin Oyo pọ̀?
Awọn gomina ipinlẹ ni Naijiria to ti ni arun Coronavirus ree:
Seyi Makinde, Oyo
Ọgbọn ọjọ, ọṣi Kẹta ọdun 2020 ni gomina ipinlẹ Oyo, Seyi Makinde kede loju opo Twitter rẹ pe oun ti ni arun Covid-19.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post, 1
O ni "Mo ṣẹṣẹ gba esi ayẹwo Covid-19 ti mo ṣe, esi naa si fi han pe mo ti ni arun naa. Bo tilẹ jẹ pe mi ko safihan apẹrẹ arun ọhun, mo maa fi ara mi si igbele."
Lẹyin naa lo kede pe oun ti yan adari fasiti ẹkọṣẹ iṣẹgun to wa ni ilu Ibadan, Temitope Alonge lati tukọ igbimọ amuṣẹya to n ri si ọrọ arun naa ni ipinlẹ Oyo.
Kayode Fayemi
Ojumọ ọjọ kejilelogun oṣu keje ọdun 2020 ni gomina ipinlẹ Ekiti, Kayode Fayemi kede loju opo Twitter rẹ pe oun ti lugbadi arun Covid-19.
Fayemi sọ pe igba kẹta ti oun ṣayẹwo arun naa ni esi fi han pe oun naa ti darapọ mọ awọn to ni arun ọhun ni Naijiria.
Oríṣun àwòrán, others
Lẹyin naa lo ni oun ti ni ki igbakeji oun ma a tukọ ilu lọ, ti oun yoo si ma a ṣiṣẹ lati iyẹwu.
Bala Mohammed, Bauchi
Ọjọ kẹrinlelogun oṣu Kẹta ọdun 2020 ni iroyin gbode kan pe Bala Mohammed, to jẹ gomina ipinlẹ Bauchi ti ni arun Coronavirus.
Ṣaaju akoko naa, gomina ọhun ti kopa ninu ọpọ ayẹyẹ nibi to ti ṣalabapade ọpọ ero.
Oluranlọwọ agba fun gomina ọhun, Mukhtar Gidado sọ ninu atẹjade kan pe gomina naa ti ṣalapade ọmọ igbakeji aarẹ tẹlẹri, Atiku Abubakar, ti oun naa ni arun ọhun.
Oríṣun àwòrán, @daily_nigerian
Malam Nasir El-Rufai, Kaduna
Gomina ipìnlẹ Kaduna, Malam Nasir El-Rufai funra rẹ lo fi fidio kan lede loju opo Twitter ijọba ipinlẹ naa pe oun ti ni arun Coronavirus.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post, 2
El-Rufai sọ ninu ikede ọhun pe oun yoo wa ni idanikanwa gẹgẹ bi ilana ajọ to n ri si idena ajakalẹ arun ni Naijiria, NCDC ṣe gbe kalẹ.
Ko pẹ si ni ọjọ kejilelogun oṣu kẹrin ti gomina ọhun moribọ lọwọ arun naa.
Okezie Ikpeazu, Abia
Afẹmọju ọjọ Kẹjọ, oṣu kẹfa ọdun 2020 ni iroyin kan jade pe gomina ipinlẹ Abia, Okezie Ikpeazu naa ti fara kasa arun Covid-19.
Ni igba to n b a BBC sọrọ, agbẹnusọ gomina ọhun, Onyebuchi Ememanka sọ pe gomina naa ti wa ni igbele, ati pe awọn akọṣẹmọṣẹ dọkita ti n ṣe itọju rẹ.
Ẹmemanka ni Ikpeazu kọ ni gomina akọkọ ti yoo ni Coronavirus ni Naijiria, ati pe oun naa yoo ru la bi awọn akẹgbẹ rẹ iṣaaju.
Lọwọ yii, apapọ awọn to ti ni arun Coronavirus kaaakiri orilẹ-ede Naijiria ti di 12486, awọn 3959 lo ti ri iwosan gba, nigba ti awọn 354 ti dero ọrun nitori arun ọhun.
Oríṣun àwòrán, Abia state Government
Awọn to ṣayẹwo ṣugbọn ti ko ni Covid-19
Gomina ipinlẹ Ondo, Arakunrin Oluwarotimi Akeredolu ṣe ayẹwo arun Coronavirus ṣugbọn ori koo yọ
Akeredolu sọ loju opoTwitter rẹ pe Kọmisọnna eto ilẹra nipinlẹ Ondo lo fi esi ayẹwo naa sita pe oun ko ni arun Coronavirus.
O dupe lọwọ Olorun fun aṣeyọri esi ayẹwọ naa, o si gbadura fun awọn to ti ni arun naa pe ki Olorun fun wọn ni iwosan pipe.
bakan naa ni Gomina ipinlẹ Eko, Babajide Sanwo-Olu naa ṣe ayẹwo arun naa lẹyin ti mẹwaa lara awọn to n ṣiṣẹ nile ijọba ipinlẹ Eko to wa ni Marina lugbadi arun ọhun.
Ṣugbọn esi ayẹwo oun ati iyawo rẹ fi han pe awọn memeji ko ni arun naa.
