Москвадаги портлаш 5 кишини яралади
Сурат манбаси, AFP
Москва марказидаги Покровка кўчасида жойлашган автобус бекатида юз берган портлашда яраланганлар сони бешга етди.
Москва соғлиқни сақлаш департаментининг матбуот хизматига таяниб хабар тарқатаётган агентликларга кўра, яна бир жароҳат олган шахс ҳозирда касалхонага ётқизилган.
Аввалроқ касалхонага олиб келинган уч ярадордан бирига уйига кетишга рухсат берилган.
Касалхонага ётқизилишдан бош тортган бир шахсга портлаш саҳнасида тиббий ёрдам кўрсатилган.
Шифокорларга кўра, жароҳатларнинг ҳеч бири ҳаёт учун хавфли эмас.
Автобус бекатидаги портлаш 7 декабрь куни кечқурун юз берган.
Полиция билдиришича, 50 грамм тротил кучига эга бўлган портловчи модда темир парчаларига ўралган бўлган.
Ҳозирда безорилик ҳақидаги модда бўйича жиноий иш очилган.
Кузатув камераларидаги кадрларда портлаш жойидан қочиб кетаётган эркак кўринади.
Ҳуқуқ-тартибот органларида айнан шу шахс портловчи моддани бекатга ташлагани ишонилади.
Унинг шахси ва ҳужум сабаблари ҳозирча аниқланмаган.
Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.
ТЕЛЕГРАМДА ЭСА каналимиз -telegram.me/bbcuzbek ёки BBCUZBEK
Instagram - BBC UZBEK
Twitter - BBC UZBEK
Odnoklassniki - BBC UZBEK
Facebook- BBC UZBEK
Google+ BBC UZBEK
YouTube - BBCUZBEK (https://www.youtube.com/user/bbcuzbek)
Skype - bbcuzbekradio
