"Катта Еттилик" Россияга қарши санкцияларни кучайтириши мумкин
Сурат манбаси,
"Катта еттилик"ка кирувчи давлатлар раҳбарлари Россиянинг Қрим ва Украина шарқидаги ҳаракатларини қораладилар ва, вазият тақозо этса, Россияга қарши жазо чоралари кучайтирилишига келишиб олдилар.
Бу ҳақида "Катта еттилик"нинг Бавариянинг Алп тоғларида ўтаётган икки кунлик саммити якунлари борасида гапирган Олмония Канцлери Ангела Меркел баён қилди.
"Биз Қримнинг халқаро қонунларга зид бўлган ишғолини якдиллик билан қоралаймиз. Биз баён қиламизки, Украина жануби-шарқидаги можаро Минск келишувига асосланган ҳолда фақат сиёсий йўл билан ҳал қилиниши мумкин", - деди Меркел хоним 12 февралда Беларусь пойтахтида эришилган келишувлар мажмуасини назарда тута туриб.
"(Россияга қарши) жазо чораларининг бекор қилиниши Минск келишувининг амалга оширилиши билан боғлиқ бўлади, ва агар зарур бўлса, буни хоҳламасак ҳам, санкцияларни кучайтиришимиз мумкин. Лекин, биз Минск келишувларига асосланган ҳолда сиёсий жараённи ривожлантириш учун қўлимизда бор имкониятларни ишга солишимиз керак", - деди Олмония раҳбари.
Аввалроқ Меркел ва АҚШ Президенти Барак Обама Донбассдаги жангларни тўхтатиш борасидаги келишув тўлалигича тадбиқ қилинмагунча, жазо чораларини тўхтатмасликка келишиб олдилар. Донбассдаги жангларни тўхтатиш келишувига Украина, ҳамжа ўзларини Донецк ва Луганск халқ республикалари дея эълон қилган ҳудудлар вакиллари имзолашганди.
Россияга нисбатан санкцияларни ўтган йил бир неча босқичлар билан АҚШ, Оврўпо Иттифоқи ва яна бир қатор мамлакатлар киритишганди. Санкциялар киритилишига Россиянинг Қримни қўшиб олиши ва сўнгра Донбассда бошланган уруш сабаб бўлди.
Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.
Instagram – BBC UZBEK
Twitter – BBC UZBEK
Odnoklassniki – BBC UZBEK
Facebook- BBC UZBEK
Google+ BBC UZBEK
YouTube - BBCUZBEK (https://www.youtube.com/user/bbcuzbek)
Skype - bbcuzbekradio
