Мисрдаги тўқнашувларда қурбонлар бор
Қудратдан кетказилган президент Муҳаммад Мурсий тарафдорлари унинг озод этилишини талаб қилиб, намойишлар ўтказишда давом этишмоқда.
Ал Мансур шаҳрида содир бўлган тўқнашувда тўрт инсон ҳалок бўлган, ўнлаб кишилар яраланган.
Маҳаллий матбуотга кўра, қурбонларнинг ҳаммаси исломийларни ёқлаб намойишга чиққан аёллардир.
Шу билан бирга, Гиза туманидаги Қоҳира университети рўпарасида ҳаракат қатнашчилари ва маҳаллий аҳоли ўртасида тўқнашувлар келиб чиққанлиги айтилади.
Номаълум кишилар томонидан ўқ отилиши натижасида тартибсизликлар бошланиб кетиб, бир киши яраланган.
Полиция бир неча кишини қўлга олган.
Аввалроқ Миср армияси намойишчиларни тинчликка чақирган, акс ҳолда куч ишлатилиши билан огоҳлантирганди.
Шунга қарамасдан, томонлар ўртасидаги тўқнашувлар кучайиб бормоқда.
Ал Мансур шаҳридаги тартибсизликлардан ташқари Қоҳирада ҳам ўн минглаб одамлар намойиш ўтказганганлар ва Мурсийни қайтарилишини талаб қилганлар.
Мисрнинг янги ҳукумати жаноб Мурсийнинг қаердалигини ошкор қилмаяпти.
Ҳарбийларга кўра, Мурсий жаноблари хавфсиз жойда сақланмоқда.
Eng kizigi shundaki , konuniy prezident , hiyonatchi armiya tomonidan agdarilgandan keyin , Mursiy tarafdorlari kopligi ortaga chikib koldi . Endi armiya va sohta vaktinchalik hukumat oz ayblarini berkitish uchun , Musulmon birodarlarini va Mursiyni ayblashga jon - jahdi bilan urinmokdalar . Yana korkinchlisi shuki , Mursiy tarafdorlarining juda katta namoyishlari va bugungi kunlargacha halkning kop kismi tinchimasdan , Mursiyni kaytarib koyishlarini talab kilishayotganini berkitmokdalar Fazliddin Yokub , Amerikadan Ohayyo Breksville
