Миср: мамлакат Олий Ҳаками муваққат президент сифатида қасамёдга келтирилади
Миср Конституцион Маҳкамасининг раиси Адли Мансур муваққат президент сифатида қасамёдга келтирилиши ҳақида эълон қилинди.
Аввалроқ Қуролли Кучлари раҳбари президент Мўрсий ҳокимиятдан четлатилиб, хонабанд қилинганлигини маълум қилганди.
Бу ҳақда мамлакат телевидениеси орқали генреал Фаттоҳ ал-Сиси эълон қилди. Муҳаммад Мўрсий ушуб амалларни ҳарбий тўнатариш, дея атади.
Генерал Фаттоҳ ал-Сисининг айтишича, жаноб Мўрсий халқ талабларини қондира олмаган.
Мисрда бир неча кундан бери "Мусулмон биродарлар" ҳаракатидан бўлган ва исломчи, дея кўрилган Муҳаммад Мўрсийга қарши норозилик намойишлари давом этиб келмоқда эди.
Намойишчиларга кўра, жаноб Мўрсий ва "Мусулмон биродарлари" мамллакат иқтисодий муаммоларини ечиш ўрнига ўз диний манфаатларини кўзлаб иш юритмоқда эдилар.
Таҳлилчиларга кўра, "Мусулмон бирдарлари"ни ҳокимиятдан четлатиш пухта ўйлаб чиқилган режага ўхшайди. Бу амал генерал Фаттоҳ ал-Сиси анчадан бери ўйлаб юрган қадам бўлганидек.
Охирги вақтларда "Мусулмон биродарлар" аъзоларидан баъзилари ҳибсга олиниб, Исломий телевизион каналлар фаолияти тўхтатиб қўйилмоқда эди.
2011 йили Араб баҳори ортидан ўтказилган сайловларда "Мусулмон биродарлари" катта муваффақиятга эришди.
Лекин ҳозирда ҳарбийлар ташкилотга катта зарба етказган кўринадилар. 2011 йилга қадар ноқонунуий ҳисобланган ташкилот эндиликда яна қонундан ташқари эълон қилинармикан, деган саволлар пайдо бўлмоқда.
Якшанба куни бошланиб кетган норозиликларда шу вақтгача 50 киши ҳалок бўлди.
Ҳарбийлар Президентнинг қудратдан четлатилганлигини эълон қилишар экан, Коҳиранинг Таҳрир майдонида тантанавий фазо ҳукмрон эди.
Лекин Мўрсий тарафдорлари ва хавфсизлик ходимлари ўртасида тун мобайнида бўлиб ўтган тўқнашувларда қатор инсонлар ҳалок бўлган.
