Видео: Россия кучлари херсонликларни нималар воситасида қийнаган? Putin, Ukraina, Urush Dunyo Yangiliklar
- Author, Жэймс Уотерҳоуз
- Role, BBC
- Ўқилиш вақти: 2 дақ
Украина прокурорлари Россия қўшинлари шаҳарни тарк этганидан сўнг Херсонда топилган 4 та эҳтимолий қийноқ хоналаридан нималар топишганини айтишди. Украина жанубидаги Россия қўшинлари яқинда озод қилинган Херсон шаҳрини бомбалашни кучайтирган.
БМТ экспертлари эса ўтган дам олиш кунлари яна ўтга тутила бошлаган Запорожье атом электростанцияси кўрган зарарни баҳолаши керак.
Россия ва Украина бир-бирини Европадаги энг йирик атом электростанциясини бомбалашда айблаб келади. Украина прокурорлари Россия қўшинлари шаҳарни тарк этганидан сўнг Херсонда топилган 4 та эҳтимолий қийноқ хоналаридан нималар топишганини айтишди. Уларнинг таъкидлашича, одамларни "аёвсиз қийнашган" ерларда дубинка, ўқ ва электрошокер ускуналарини топишган. Россия босқини давомида қийноқлар қўллаганини рад қилиб келади.
Россия армияси 10 кун олдин шаҳарни ташлаб чиққанидан сўнг Херсоннинг катта қисми ҳамон ток ва ичимлик сувисиз қолмоқда.
Озод бўлганидан бир ҳафта ўтиб Херсонда тикланишнинг узун жараёни бошланди.
8 ой ташқи дунёдан узилиб қолган шаҳарда хайрия овқати учун ҳосил бўлган узун навбатга кўзингиз тушади.
Егулик ва сув етишмайдиган шароитда бу жуда муҳим.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
"Электр бўлмаса ҳам яшай оламиз. Болалар хурсанд, уйимиз илиқ. Эмин-эркинмиз. Ҳозир шу ерда, майдондамиз. Болам елкамда. Кўряпсизми? Шу озодликдир", дейди херсонлик Костиантин Белицский.
Шаҳарга мобил қурилмаларни қуваатлаш учун қурилма келтирилди. Бу яқинлар билан қайта боғланиш имкони ҳамдир.
380 минг аҳолиси бор шаҳарнинг ярмидан кўпи чиқиб кетганди. Шаҳарда қолганларни эса тирик қолиш мақсади бирлаштирди.
Херсондаги қўп қаватли уй олдида егулик пишираётган Ҳригорий ҳаммаси жойида эканлигини айтади.
У озодликда ўтаётган бир ҳафта ҳаммасидан яхши кечаётганини, фақат яқин атрофда бомба портлаб, ҳали уруш шаҳардан узоқлашмаганини эслатиб турувчи ҳолат катта муаммо бўлаётганини гапиради.
Херсонда 600 метр нарироқда турган Россияликлар ҳам таъсир қилолмайдиган некбинлик ҳукм сурмоқда.
Херсоннинг озод қилиниши Россияликлар Днепр дарёсининг фақат шарқий қирғоғини босиб олганини билдиради. Аммо бу ҳам аниқ чегара эмас. Улар бир қанча аскарини қолдириб кетган.
Қиш келаётгани учун Украина армиясининг қарши ҳужумлари секинлашадими, деган саволга ҳам жавоб йўқ.
Херсонни тиклаш буларга қарамасдан давом этаверади.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
