Тошкентда "Ўзбегим" фестивали бошланди
Сурат манбаси, Gazeta.uz
8 сентябрдан Ўзбекистон пойтахти марказидаги кўчалар ёпилиб "Ўзбегим" миллий қадриятлар фестивали доирасидаги тадбирлар бошланди.
Ўзбекистондаги Интернет нашрлари фестивал тадбирлари ҳақида онлайн трансляциялар бошладилар.
"Ўзбегим" миллий қадриятлар фестивали Ўзбекистон анъаналари, урф-одатлари, ҳунармандчилик ва санъат намуналарини, миллий пазандачилик ранг-баранглигини намойиш этиш мақсадини кўзлаган.
Ўзбекистонлик ошпазлар 8 тонналик палов пиширишга қарор қилганлар.
Сурат манбаси, Gazeta.uz
Бу Гиннеснинг рекордлар китобига киритиладиган ош бўлиши кутилмоқда.
Ўзбекистондаги Milliy.tv ҳамда Guinness World Records ўзининг Фейсбукдаги саҳифасида ўзбек ошпазларининг ош пишириш жараёнини тўғридан-тўғри жонли намойиш этмоқдалар.
"Ўзбегим" доирасида ҳунарманд усталарнинг мастер-класслари ташкил этилиши, шарқий арт-бозор ва Ўзбекистон ноз-неъматларидан ярмаркалар уюштирилиши, "Тандир шоу" деб номланган томоша, фольклор ансамблларининг, дорбозлар чиқишлари, театрлаштирилган томошалар, халқ ўйинлари ва модалар намойишлари режалаштирилган.
Фестивал доирасида "Ўзбегим" китобининг тақдимоти ҳам бўлади.
Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02
